VOV4.K’ho - Kờ` gàr ring niam drà kă bro di tàm satềp Canh Tý nam 2020, tàm càr Dak lak geh 6 anih lơh sa kă bro prăp phan kă bro geh rơlao 260 tơmàn priă.

Cau ngui sa blơi phan sa tềp tàm siêu thị Co.op Mart Buôn Ma Thuột

6 anih lơh sa kă bro tàm càr Dak Lak dan cih măt tus bal mờ broă prăp phan kă bro kờ` ring niam khà priă di tàm satềp Canh Tý do geh Co.op Mart Buôn Ma Thuột, Mega Market Buôn Ma Thuột, Vinmart Buôn Ma Thuột, anih kă bro Ea Kar, Công ty TNHH MTV kơphe 721 mờ Công ty xăng jờu Nam Tây Nguyên, mờ khà phan geh prăp rơlao 261 tơmàn priă.

Ală bơta phan ring jiam khà priă geh: mpồl phan ngui sa bè phe, poăc, biăp, kơnuh, plai chi, phan tàm dà, tăp, sơdàng, dà tơngi, dà hùc…

Mìng is gơwèt mờ poăc sur, tềng đăp mờ bơta di gơlan gơbàn ờ tơl poăc sur tài gơrềng bơh kòn jê ndul gơjroh sur châu Phi, ală siêu thị neh jòi geh tai anih ai poăc, gàr niam geh tơl, bơta niam, di pal mờ broă kờ` ngui sa làng bol dê.

Cau mblàng Ndong Brawl