VOV4.K’ho- Càr Dăk Lăk pa ai lơh broă tiah tam cah is tơrgùm bal ai kuang bàng, công chức kấp càr, mpồl cau lơh sơnơm mờ mpồl drơng broă in. Tiah tam cah is tơrgùm bal geh lơh tàm Anih tờm sền gàr sơm kòp cau geh màng mờ dà lơgar in tàm tổ dân phố 12, sơnah [òn Tân An, [òn dờng Buôn Ma Thuột.

Tiah do geh dờp ală cau là kuang bàng, công chức kấp càr, mpồl cau lơh sơnơm, mpồl drơng broă mờ ală mpồl cau ndai tus bal tàm broă lơh rcăng sơndră kòp geh tam tìp ơm rềp mờ ală cau geh gi\t bơtờp mờ kòp Covid-19 mơya ờ geh tềl tơnggo\ pin bơtờp kòp halà tam tìp ơm rềp mờ cau pin bơtờp kòp Covid-19 (F1, F2) pal lơh jăt jơnau sồr tam cah is.

Mờ tàm do kung là tiah dờp kuang bàng lơh sơnơm, cau lơh broă mờ mpồl cau lơh sơnơm lơh broă dong kờl is tus bal lơh broă tam cah is rcăng sơndră kòp Covid-19 tàm ù tiah [òn dờng Buôn Ma Thuột ơm rlô tơnơ\ tu\ jiơ lơh broă nàng gàr niam pràn kơldang să jan ai kuang bàng cau lơh sơnơm in, tơrmù uă ngan rlau jơh jơnau pơhìn lơh bơtờp kòp tus mpồl bơtiàn.

Jơh ală cau geh dờp rò tàm tiah tam cah is geh Gah đơng lam mpồl ling càr ai pà phan sa jăt tơl khà tơn tàm cơldu\ mờ geh cau lơh sơnơm kham kòp sền gàr pràn kơldang să jan pah ngai tơn.

Cau mblàng Lơ Mu K’Yến