VOV4.K’ho - Sa tềp bơhìan yau Canh Tý nam 2020 neh tus rềp. Ua\ anih nhơl chờ tàm Dak Lak gam jal mhar lơh niam wơl, rơcang lài ală broă drơng ala nàng drơng nac nhơl chờ in tàm dơ\ sa tềp bơhìan yau.

 Tàm tiah nhơl chờ brê bơnơm niam chài [òn lơgar Kó Tam ([òn dờng Buôn Ma Thuột, càr Dak Lak), ală cau lơh broă gam jal mhar sơngka sền gàr suơn bơkàu, tờm chi, bơka ală bă tiah triang sền mờ pơlam tàp lài ua\ jơnau đơs crih tamya kòn cau Rơđê dê. Mò Nguyễn Thị Ngọc Anh, chủ tịch Hội đồng quản trị Công ty tiah nhơl chờ brê bơ nơm niam chài [òn lơgar Kó Tam pà git, sa tềp bơhìan yau nam do, tiah nhơl chờ geh sơlơ tơnguh ală broă lơh ràng tơlik niam chài bơh jo\ bè: dròng cing mồng, tamya xoang, `ô tơr nờm, lơh wơl 2, 3 bơta lơh yàng kòn cau Rơđê dê. Bơdìh hơ\ tai là ală broă lơh pic cồng bơnung tờm chi kờ` ai bơtuah bồ nam, tìp mat lơh quèng đơs crih tamya, lùp geh khà jờng, pơr lòng plung…

Mò Nguyễn Thị Ngọc Anh pà git, tiah nhơl chờ Kó Tam ờ tơnguh khà pria\ ve\ tàm dơ\ sa tềp, mờ gam rề ơnàng tai anih lòt sền mờ jòi git bè tòng brê: “ Tu\ do, bol hi gam tơr gùm tàm broă sơngka sền gàr, bơka tờm chi, bơkàu. Bol a` kung tơrgùm lơh bal mờ hìu bơsram Đại học Tây Nguyên nàng sền gàr sơntìl tòng brê mờ tờm chi brê kuơmàng. Bal mờ hơ\, bè niam chài den bol hi tơrgùm ai ală oh in geh bơsram mờ bơ tòm tơrgùm ală mpồl cing mồng rê ndo nàng dròng, kờ` lơh gơlik dùl dơ\ lơh chờ cèng bơta niam chài krơi is Tây Nguyên dê tàm Kó Tam tàm ală ngai chờ, ngai sa tềp”. 

Tiah nhơl chờ Kó Tam rề ơnàng tai suơn tam tòng nàng drơng nac lòt nhơl sơnam pa in

Ai tàm Bảo tàng càr Dak Lak, broă lơh “Chờ hờp sơnam pa Canh Tý 2020” rơcang geh lơh bơh ngai 27 tus ngai 29/1 (hơ\ là bơh ngai 3 tus ngai 5 sa tềp). Tàm do, geh ua\ broă lơh bè pic cồng bơnung tờm chi kờ` ai bơtuah bồ nam, bơka sră cih jơnau nting bơr sơnam pa, dan akhar bơtuah mờ tìp mat boh bơr tơn mờ ală nghệ nhân cih akhar niam chài, sền mờ lơh ală bơta [a` ờs mờng…

Jat ồng Đinh Một, Kuang atbồ Bảo tàng càr Dak Lak pà git, do là dùl tàm ală broă lơh lơh bal pa nàng gơ hòi gơ jà làng bol tus mờ Bảo tàng: “Tàm dơ\ sa tềp bơhìan yau bol hi geh bơyai lơh nac lòt sền in geh sền mờ lơh ală bơta [a` bè mbar klơm lơm pòng, mbor klơm jòng, [a` in… Tu\ do, bulah tàm drà kă bro tac ua\ ngan, mơya geh dong ală nac in, ngan là ală cau kơ nòm să geh tu\ niam nàng jòi git mờ sền ală ngai sa tềo bơhìan yau bơh jơi bơtìan dê geh bơh rài bèp ồng".

Ală anih nhơl chờ neh rơcang drơng dơ\ sa tềp hơhìan yau 

Càr Dak Lak tu\ do geh 27 anih, bă tiah lòt sền nhơl chờ, 19 mpồl kă bro bơyai lơh lòt nhơl, rlau 200 anih ơm wơl gơtùi drơng mờr 9 rbô dơ\ nac in tàm dùl  tu\ tơngai bal. Mò Nguyễn Thụy Phuơng Hiếu, Phó Kuang atbồ Sở Văn hóa – Thể thao mờ du lịch Dak Lak pà git, khà nac nhơl chờ digơlan gơguh ua\ tàm dơ\ sa tềp, ală gah lơh broă geh gơnoar tàm càr mờ ală mpồl lơh sa kă bro geh lơh ngan tơnguh bơta nia drơng nac lòt nhơl sơnam pa in: “ Sở neh đơng lam ală mpồl rơcang ală bơta niam ngan rlau jơh nàng drơng nac nhơl chờ in, gàr tơl ală bơta nàng ngan ngồn ờ do ờ dă ai nac in tu\ tus bal ală broă drơng ala tàm mpồl; rơcang ală bơta phan nàng drơng nac in, ờ tac bro ală phan ờ ai tac, phan ờ ngan mờ ală jơi phan brê. Bơdìh hơ\ tai kung sồr ală mpồl lơh tai ală phan pa nàng drơng nac in. Nam do, tàm ală anih nhơl chờ den khi kung geh bơta lơh pa, ai ală phan bơna niam chài kòn cau tàm ală broă lơh ràng tơlik nàng drơng nac in”.

Cau mblàng K’Duẩn