VOV4.K’ho - Bulah ờ hềt geh cau bơ tờp kòp, mơya kờp bơh tu\ kòp Covid- 19 gơlik geh mờ bơ tờp ua\, Dak Lak neh rơcang lài mờ broă lơh rơcang sơndră kòpngòt rơngơt do. Tàm dơ\ tam dră mờ kòp Covid-19, mpồl y, bác sĩ mờ cau lơh sơnơm gơwèt tiah tờm sền gròi kòp tê jê să càr Dak Lak mờ khoa kòp bơ tờp bơh hìu sơnơm dờng tiah Tây Nguyên dê là ală cau tàm tiah sơn rờp, jơh nùs, ngềt ngơt lơh ngan tài bơta ờ do ờ dă bơh cau kòp mờ mpồl bơtìan dê. Ală tă pơgồp khi dê neh geh jơh gùt mpồl bơtìan cih dờp mờ sền ngềr.

Jơh dùl nhai do, ală cau lơh sơnơm bơh 7 mpồl lơh broă sơbac mhar drơng broă lơh rơcang sơndră kòp Covid-19 bơh tiah tờm sền gròi kòp tê jê să càr Dak Lak dê sùm gơ jă gơ jal ngan lơh broă. Ồng Trần Kim Long, atbồ khoa rơcang sơndră kòp bơ tờp, tiah tờm sền gròi kòp tê jê să càr Dak Lak pà git, pah ngai, sồ điện thoại bơh gah lơh sơnơm dê dờp ua\ ngan jơnau yal bơh đah anih lơh broă geh gơnoar mờ làng bol bè ală cau rê bơh tiah geh kòp. Tu\ dờp geh jơnau yal, Tiah tờm geh sồr kuang bàng, cau lơh broă lòt đal git bơta geh ngan mờ pơlam làng bol in. Cau lơi pal tam cah is den jun hờ hìu sơnơm dờng tiah Tây Nguyên mờ ai mhàm nàng sền.  

Jat ồng Trần Kim Long yal, broă lơh bơh ală cau lơh broă rơcang gàr lài dê gơtìp ua\ ngan bơta aniai tài khi pal ơm rềp mờ ală virus ờ gơtùi sền go\: “Bơh ngai 3 tus ngai 6 sa tềp den lòt sùm, git go\ tu\ lơi den lòt tu\ hơ\, hòi tu\ lơi den lòt tu\ hơ\, trồ mang kung pal lòt sơl. Broă he dê lơh bè cau ling ngềt ngơt. Tài mpồl bơtìan he pal lơh, ai dilah ờ lơh den ală cau ờ bơtuah mờ he ờ git go\ là cau bơ tờp nCoV den ngòt  rơngơt ngan”.

Ală bác sĩ lơh bơta pơn yơu tu\ geh cau bơ tờp kòp

Bal mờ ală cau lơh sơnơm tàm mpồl lơh broă sơbac mhar bơh tiah tờm sền gròi kòp tê jê să càr Dak Lak dê, ală bác sĩ sền gròi tơn mờ sơm tơn ală cau pin bơ tờp kòp Covid-19 tàm Khoa kòp bơ tờp bơh Hìu sơnơm dờng tiah Tây Nguyên dê kung sùm ơm tàm bơta rơcang lài lơm.  

Bác sĩ Đa khoa Trần Hoàng Yến Nhi, Bác sĩ Khoa kòp bơ tờp, hìu sơnơm dờng tiah Tây Nguyên pà git, ngai 12/2, bi geh kuang đơng lam bồ khoa sồr dờp mờ kham cau pin bơ tờp nCoV tus bơh tiah geh kòp Sơn Lôi, Vĩnh Phúc. Bulah neh ua\ dơ\ lơh broă rơcang sơndră kòp, kung neh geh ua\ mờng chài lơh broă sơl, mơya să tờm bi kung ờ gơtùi ờ kơlôi rơcang, tài dilah cau kòp ngan là bơ tờp kòp den he geh là cau digơlan bơ tờp kòp ua\ ngan. Bulah bè hơ\, mờ nùs nhơm bơh cau bác sĩ tiah sơn rờp rơcang sơndră kòp dê, bi neh sơr lèt gan ală bơta ờ suk bơh sơn rờp nàng jơh nùs kham, sền gròi cau kòp in: “A` là cau dờp cau pin bơ tờp kòp bơh càr Vĩnh Phúc rê, là cau sơn rờp dờp cau kòp den ngan là ờ suk. Mơya tu\ neh rơ wah lơh broă tàm do den he pal rơcang lài nùs nhơm nàng gơtùi ơm rềp mờ sơm ală cau kòp in bơh pin tuss digơlan bơ tờp kòp. Jat a` kươmàng ngan rlau jơh là pal sền gròi tus dịch tễ cau kòp dê hơ\ sồng ba` ngòt ir, mơya kung ờ go\ di sền ờ sơp, mơkung pal lơh jat ală jơnau pơlam bơh Bộ Y tế dê tai”.

Mpồl lơh broă sơbac mhar drơng broă rơcang sơndră kòp Covid-19 bơh tiah tờm sền gròi kòp tê jê să càr Dak Lak dê sền bơta dịch tễ ai cau pin bơ tờp kòp tàm kơnhòal Ea H’leo in

Lơh broă tàm Khoa kòp bơ tờp neh mờr 18 nam, den tàng bác sĩ chuyên khoa 1, bi H’Nuen Hđơk neh geh ua\ mờng chài tàm broă rơcang sơndră kòp.   

Bác sĩ H’Nuen Hđơk pà git, bơh ngai kòp gơbàn ua\ tus tu\ do, Khoa kòp bơ tờp neh dờp 7 nă cau pin bơ tờp nCoV. Bơtuah ngan là ală cau do ndrờm geh cồng nha sền mhàm ờ bơ tờp kòp mờ neh geh rê bơh hìu sơnơm tơnơ\ 14 ngai tam cah is. Jat bác sĩ H’Nuen Hđơk pà git, bulah ờ hềt geh kòp, mơya broă rơcang sơndră kòp sùm geh mpồl y, bác sĩ tàm khoa ơn lài ngan. Mờ să tờm bi kung đal git là dilah ờ bơtuah geh cau bơ tờp kòp den kung ơm wơl hìu tàm hìu sơnơm nàng tam cah is mờ jơh nùs sền gròi cau kòp in: “Bơh tu\ git go\ kòp là ngai 2/1, tàm Dak Lak den Khoa kòp bơ tờp bol a` dê neh rơcang lài mờ rơcang nền nòn, jơh nùs ngan. Bơh tu\ geh jơnau tơnggit bơh phòng cấp cứu yal wơl là geh 1 nă cau pin bơh tiah geh kòp rê den bol a` rơcang nàng dờp cau kòp. Tu\ mut tàm do den bol a` kham dùl dơ\ tai, dilah bol a` go\ geh tơl bơta nàng sền gròi 343 den bol a` geh ai cau kòp hơ\ tam cah is mờ yal ală kuang atbồ, phó kuang atbồ in, yal ală CDC in, sền rơnồng dờ. Bơtuah ngan là tu\ do Dak Lak jơh 7 nă cau ndrờm ờ bơ tờp kòp. Dilah geh cau bơ tờp kòp den bol a` geh tam cah is bal mờ cau kòp mờ ờ geh rê tàm hìu. Mờ a` kung tơngkah cau tờm a` dê rơcang lài sơndră is mờ tam cah is tàm hìu mờ broă tàm hìu bơnhă neh geh bơklau kơ lôi rơcang jơh”.

Tiah tam cah is nàng sơm cau pin bơ tờp, cau bơ tờp kòp Covid-19 tàm Khoa sơm kòp bơ tờp bơh hìu sơnơm dờng tiah Tây Nguyên dê

Khoa kòp bơ tờp, hìu sơnơm dờng tiah Tây Nguyên geh 25 nă bác sĩ, y tá mờ điều dưỡng. Kờp bơh tu\ kòp Covid-19 gơbàn ua\, jat jơnau đơng lam bơh kuang đơng lam bồ hìu sơnơm dê, Khoa neh crơng gơs tiah tam cah is mờ 200 nơm jơ nơng piam kòp nàng sơm cau pin bơ tờp mờ cau bơ tờp nCoV in. Bác sĩ Chuyên khoa 1 Phạm Hồng Lâm, Kuang atbồ Khoa kòp bơ tờp, hìu sơnơm dờng tiah Tây Nguyên pà git, bè ờs den broă tàm Khoa neh ua\, khà cau mut tàm hìu sơnơm ua\, tu\ do pal lơh ngan nàng sơndră mờ kòp Covid-19 tai den tàng sồr mpồl y, bác sĩ pal lơh ngan ua\ rlau tai nàng lơh niam kơ nòl broă: “ Tu\ do den bulah ờ hềt geh cau bơ tờp kòp, mơya gơ wèt mờ dunia, ngan là Lo mờ ală lơgar rềp bal den kòp do gam gơlik geh kal ke ngan. Bơh ngai 4 sa tềp hìu sơnơm neh lơh pơrjum mờ crơng gơs mpồl đơng lam mờ geh jơnau pơlam nền nòn ngan. Kuơmàng là jàu kơ nòl tờm ai Khoa kòp bơ tờp in. Ring bal nùs nhơm đơng lam bơh dà lơgar dê, hơ\ là sơndră kòp bè tam dră mờ bol sò tơm, den tus tu\ do, ală broă kung gam geh sền gròi niam. Jat a` bơta mờ cèng wơl chờ hờp dờng ngan rlau jơh ai ală cau lơh tàm gah kòp bơ tờp in là cau kòp geh rê bơh hìu sơnơm, bời kòp mờ bơta kươmàng tai là ờ lời kòp bơ tờp ua\ mờ sền gròi niam ală bơta digơlan bơ tờp kòp bơh khoa kòp bơ tờp, bơh hìu sơnơm”.

Bulah kal ke mờ bềng ngòt rơ ngơt, mơya mờ nùs nhơm kờ` gơboh broă lơh mờ nùs nhơm geh kơ nòl mờ mpồl bơtìan, mpồl y, bác sĩ mờ cau lơh sơnơm tiah sơn rờp sơndră kòp bơh càr Dak Lak dê kung gam sùm rơcang lài tài cau kòp. Ală tă pơ gồp mờ phi să ngềt ngơt bơh cau lơh sơnơm dê tàm broă sơndră mờ kòp Covid-19 neh pơ gồp bơnah cèng wơl bơta pin dờn ai cau kòp in mờ bơta iang nùs ai mpồl bơtìan in.

Cau mblàng K’Duẩn