VOV4.K’ho - Hìu bơsram cấp 1 Nơ Trang Lơng, tàm xã Ea Trang, kơnhoàl Mdrăk, càr Dak Lak gơwèt tiah kal ke, gùng lòt ngài, 100% khà kơnòm bơsram là kòn cau. Ngai pah ngai, poh pah poh pơgru bal mờ kơnòm bơsram tàm do pal guh koèl bơnơm hơ\ sồng tus hờ hìu bơsram. Kal ke, glar bòl bè hơ\ ờ kơrian nùs nhơm gơboh bơh cau pơgru tus bơto sră ai ală kơnòm bơsram in.

Mờr 70 kơi sồ là gơl gùng mờ rơlao 10 nă cau pơgru bơto tàm hìu bơsram cấp 1 Nơ Trang Lơng, tàm xã Ea Trang, kơnhoàl Mdrăk, càr Dak lak pal lòt pah ngai kờ` tus hờ hìu bơsram. Hìu bơsram geh lơh tềng jơng koèl kơh bơnơm Mdrăk, gơmu\t tơn tàm thòng jrô bơh bàr bơnơm dờng.

Cau pơgru tàm hìu bơsram cấp 1 Nơ Trang Lơng sùm tam gơl pa broă bơto kờ` dong kờl kơnòm bơsram geh bơsram jăk

Ờ mìng ngài, gùng lòt we\t rơwe, càl khồm pràn den tàng gơl gùng lòt tus hờ hìu bơsram bơh ală cau pơgru soh tàm să geh tơl ală tăp ào. Uă cau gam đơs chờ là “ală robot g^t lòt”. Pơgru Đoàn Thị Thư, bơto ơdu\ 1C pà g^t, ngai bè ờs neh bè hơ\, mơya tàm ală tu\ trồ tiah mrềt, mhoal mù jơngo klê, sền ờ loh, ală cau pơgru pal guh gờ` rơlao kờ` di jơ tus lòt bơto.

-Àng drim guh b^c gờ` bơh 5 jơ, rơndăp phan den lòt mơ. Tu\ lòt di gơlan geh bơh 3 tus 4 tăp ào, tus kàl mhoal den  go\ chi lơi mờ pal lòt lơyài ngan mờ sùh jơh ào tu\ tus hờ hìu bơsram bè trồ mìu, ào mpha niam ờ gơtùi soh bơh hìu, tu\ lơi tus hờ hìu bơsram hơ\ sồng bơsoh ào jòng tê kờ` bơto. Lòt ha là ơm tàm hìu gơlơh bè robot, tài pal soh 3, 4 táp ào.

Tàm hìu bơsram krơi is do, ờ mìng cau pơgru pal lòt ngài mờ gơtìp kal ke kờ` tus bơto sră kơnòm bơsram in, mờ cau mè bèp bal mờ ală kơnòm bơsram kung kal ke ngan sơl hơ\ sồng lòt tus hìu bơsram. Geh uă kơnòm bơsram là oh kòn làng bol kòn cau kis ntrờn bơh tiah đah tô dà lơgar tus tàm tiah ngài tàm brê.

Kờ` geh lòt bơsram, ală kơnòm bơsram pal lòt g^t nđờ 10 kơi sồ gùng kơh bơnơm, lòt bơh àng drim gờ` tus mờr nggùl ngai hơ\ sồng tus. Kal ke là bè hơ\, den tàng bu\ lah ờ hềt geh broă bơsram ơm tơn tàm hìu bơsram, mơya hìu bơsram neh pơgồp bal mờ cau mè bèp lơh 3 nơm hìu ơm ờ sa priă tàm [làng hìu bơsram kờ` ai 45 nă kơnòm bơsram ngài hìu in ơm bơsram sră.

                                                     Tu\ cau pơgru gơs cau bi, gơs cau mè

Pơgru Hoàng Khắc Tuấn, bơto môn Mỹ thuật neh 6 nam bơto tàm hìu bơsram do geh lơh cau sền gàr ròng siam kơnòm bơsram yal: Tàm do jơh ală kơnòm bơsram kòn cau lơm, mơya hìu bơsram do ờ di là hìu bơsram dân tộc nội trú, den tàng tu\ ală kơnòm bơsram ơm tơn, den cau pơgru pal sền gàr. Tài là kơnòm bơsram cấp 1, den tàng geh tu\ pal pơn dờm uă rơlao mờ bơto.

-Geh uă ngan là ală kơnòm ngài hìu, den tàng ală kơnòm tàm do pal lơh is 100% bơh broă lòt bơsram, sào sa, um. Ală kơnòm tu\ jơh jơ bơsram pal rê tru\ piang kờ` sào, den tàng ală cau pơgru là pal tus sùm bơto bơtê, dong kờl ală kơnòm dềt, tàm hơ\ uă ngan là ală kơnòm bơsram ơdu\ 1, drơng gàr ală kơnòm dềt in kung ndrờm bè kòn tàm hìu tòm.

Pơgru Phạm Thị Hoà, kuang atbồ hìu bơsram pà g^t: “Jơh gùt hìu bơsram geh 10 ơdu\ mờ rơlao 200 nă kơnòm bơsram bơh ơdu\ 1 tus ơdu\ 5, jơh ală kơnòm bơsram ndrờm là kòn cau. Gùt hìu bơsram geh 21 nă cau lơh broă, mơya rơlao nggùl khà do là ngài mờ hìu bơsram bơh 30 tus 120 kơi sồ.

Bu\ lah kal ke bè dà đơs geh ơdu\ tus tàm tiah lơi, ù tiah brê bơnơm kal ke kàr lơi, jơh ală kung ờ kơrian nùs nhơm gơboh bal bơh ală cau pơgru ai kơnòm bơsram in. Mpồl kuang atbồ hìu bơsram bal mờ cau pơgru bơto tàm hìu bơsram cấp 1 Nơ Trang Lơng sùm tam klăc bal, lam sồr bal kờ` tơl nă cau pơgru ndrờm sơrlèt mờ ală kal ke mờ sùm tus bal mờ ală kơnòm bơsram. Bal mờ broă bơto sră, tơl nă cau pơgru gam là dùl bnă cau pròc mhàm ală kơnòm bơsram dê.

-Jơh ală tơngai, pơgru geh bơdìh mờ broă bơto, trồ ngai ală cau pơgru ơm wơl ha là [ùi mho ơm ing ală cau pơgru sùm ai tơngai kờ` dong kờl ală kơnòm bơsram. Dong kờl jăt nùs nhơm bè dùl nă cau mè, cau bi bơto sồr ală oh dềt.

Tu\ he geh kơnòm bơsram den hơ\ sồng geh khà kơnòm bơsram tơl, geh khà kơnòm bơsram tơl den hơ\ sồng he geh bơta niam tàm broă bơsram sră kơnòm bơsram in. Ală pơgru sùm sền gròi ală kơnòm bơsram mờ nùs nhơm gơboh bal, ờ go\ di hìu bơsram jào kơnòl ha là sồr cau pơgru pal lơh.

Mờ nùs nhơm “Jơh ală broă tài kơnòm bơsram kờ` gơboh”, mpồl kuang bàng, cau pơgru, cau lơh broă tàm hìu bơsram cấp 1, Nơ Trang Lơng, xã Ea Trang, kơnhoàl Mdrăk, càr Dak Lak neh geh uă ngan broă lơh geh kuơ, mùl màl dong kờl kơnòm bơsram gơboh kờ` mờ broă lòt bơsram, jơh nùs bơto sră nàng oh kòn ală kòn cau tàm tiah sar lơgar ngài do in.

Cau mblàng Ndong Brawl