VOV4.K’ho – Drim òr (13/8), dùl gơl bơtơt kìng dà gơ wèt xã Quảng Điền, kơnhoàl Krông Ana, càr Dak Lak neh gơtìp bơcah, dà bơh dờng Krông Ana mut, lơh rlau 1 rbô lồ kòi gơtìp ngơr bam kơn jơ\ ngan. 

           Bơ tơt kìng dà Quảng Điền, gơ wèt xã Quảng Điền, kơnhoàl Krông Ana gơtìp bơcah ơnàng mờr 5 thơk

Tơnơ\ tu\ gơlik geh bơta do, gơnoar atbồ tàm [òn lơgar neh sồr mpồl kuang àng, mpồl ling bal mờ git nđờ rhiang nă làng bol lam lơh niam wơl, lơh kơ\ wơl gơl bơ tơt kìng dà gơtìp bơcah. Mơya tài dà hòr `hang ngan den tàng broă lơh niam wơl ờ gơtùi.

            Mpồl lơh broă geh gơnoar bal mờ làng bol gam jal mhar lơh niam wơl bơ tơt kìng dà gơtìp bơcah

Lài hơ\, bơh mang ngai 6/8, tàm càr Dak Lak geh mìu sơr, dà tàm dà dờng Krông Ana gơguh tih jơnhua, lìu gan bơ tơt kìng dà Quảng Điền, làng bol mờ gơnoar atbồ pal ngui [àu bràs nàng bơt jơnhua nggùl thơk, jòng rlau 2 kơi sồ jat kềng gah bơ tơt kìng dà nàng kơryan ờ ai dà lìu gan bơ tơt mut tàm [làng sre.

Bơ tơt kìng dà Quảng Điền geh priă bơcri lơh rlau 300 tơmàn priă, geh ai ngui tàm nam 2014. Broă lơh do geh lơh jat gah dà dờng Krông Ana, lòt gan 2 kơnhoàl là Krông Ana mờ Lak, càr Dak Lak. Bơ tơt kìng dà do nàng kờ` kơryan dà ia [làng sre tàm kơnhoàl Krông Ana mờ kơnhoàl Lak in. Tu\ do, uă gơl bơ tơt kìng dà neh ờ niam, ờ diơng, tơrlah uă ngan.

Cau mblàng K’Duẩn