VOV4.K’ho- Ủy ban Nhân dân càr Dăk Lăk pa geh sră nggal bè broă lơh jăt kơnòl broă tờm bơtàu tơnguh lơh sa- mpồl bơtiàn, gàr niam lơngăp lơngai mờ sền gàr dà lơgar qúy II nam 2020, bal mờ nùs nhơm là tơrgùm bơsong jơh ală kal ke, lơh ngan lơh geh jơnhoa ngan rlau jơh broă jàu, broă rơndăp lơh neh ai tơlik.

Jăt mờ hơ\, UBND càr sồr ală sở, ban, ngành; Chủ tịch UBND ală kơnhoàl, thị xã, [òn dờng bơsram mờ lơh jăt niam ală sră nggal đơng lam bơh càr dê bè Chỉ thị sồ 15 mờ Chỉ thị sồ 16 bơh Thủ tướng Chính phủ dê bè rcăng sơndră kòp Covid-19, sùm jăt sền broă gơlik geh, sền gròi jơnau yal tơngi\t mờ rcăng lài lơh jăt wil tơl, niam bơne\ ală jơnau đơs đơng lam bơh Dà lơgar mờ càr dê bè rcăng sơndră kòp bal mờ nùs nhơm kơrhia lài uă ngan, ba` sền ờ sơ\p, ba` ờ rơcăng ngăc.

Kờp sền, sền swì jơh ală bơta gơrềng bơh kòp Covid-19 dê tus bơta bơtàu tơnguh lơh sa- mpồl bơtiàn bơh càr dê. Bơh hơ\, dan geh ală gùng dà broă lơh dong kờl cau lơh broă, gàr niam rài kis mpồl bơtiàn; tă bơsong kal ke ai mpồl lơh sa kă bro in. Tơl gah, tơl tiah pal geh ală broă lơh loh làng nàng lơh niam wơl rài kis mờ bơtàu tơnguh niam rài kis làng bol dê.

Cau mblàng Lơ Mu K’Yến