VOV4.K’ho- Càr Dăk Lăk pal tơnguh uă priă jền gah phan kơphê bơh broă tơrgùm tàm bơta niam phan bơna mờ tơnguh tai broă lơh hòi jà bơcri priă ală rơndăp broă lơh kơphê nàng kờ` tơnguh uă priă jền bơh gah phan kơphê dê hơ\ là tơngume geh đơs tàm Pơrjum Tơn jơh kàl lơh kơphê nam 2018- 2019 mờ lam lơh jăt kơnòl broă kàl lơh kơphê nam 2019- 2020 bơh Ủy ban Nhân dân càr Dăk Lăk dê bơyai lơh ngai 15/11.

Jăt jơnau yal tàm Pơrjum, kàl lơh kơphê nam 2018- 2019, kờp jơh kơphê càr Dăk Lăk dê lơh geh rlau 478 rbô tấn, gơguh rlau 18 rbô tấn pơndrờm bal dùl tu\ mờ kàl lài. Bulah kờp jơh khà kơphê lơh geh gơguh, mơya kơphê Dăk Lăk dê kung gam ờ ndrờm bal sơl bè bơta niam; bơta pik tơnhàu plai kơphê lir ờ hềt dum ngan gam geh uă, ờ geh bơta lơh bal đah tam, lơh gơlik phan mờ kă bro phan…bơh hơ\ lơh gơmù priă jền bơh gah phan kơphê dê.

Nàng tơnguh uă priă jền bơh kơphê Dăk Lăk dê, ală cau tus bal pơrjum đơs là, pal kơlôi tus broă jòi ală drà kă bro pa, bềng bơta pràn, tàm hơ\ geh kơphê bơkah pơnrơ; lơh pràn broă hòi jà kă bro, yal tơngi\t mat phan kă bro, tơnguh geh cồng nha tàm tơrbo\ bal gùng lòt kă bro mờ drà kă bro tàm lơgar mờ lơgar ndai.

Cau mblàng Lơ Mu K’Yến