VOV4.K’ho – Mpồl lòt sền làm gah geh Hạt kiểm lâm kơnhòal Krông Ana, Kuang àng kơnhòal mờ tiah sền gàr brê bơnơm geh is Nam Kar neh tus tiah gơlik geh bơta koh kơl nàng sền, lùp khàu bè broă gơ rềng tus ală jơnau yal brê kuơmàng tàm tiah sền gàr brê bơnơm geh is Nam Kar gơtìp koh kơl ờ git pơlai. Tàm tiah gơlik geh broă do, geh git nđờ rbô thơk vuông brê gơtìp kơl mus, ua\ tờm chi dờng ơnàng bơh 1 thơk mờ nggùl tus 2 thơk, geh sơnam git nđờ rhiang sơnam gơtìp koh kơl. Anih lơh broă geh gơnoar gam tam cah is tiah gơlik geh bơta koh kơl brê mờ bơyai lơh kờp sền khà dơm chi bơh bol blơ\ dê lời wơl.

Jat Hạt kiểm lâm kơnhòal Krông Ana yal, rlau 2 rbô lồ brê kuơmàng gơ wèt ală tiểu khu 1023, 1024, 1025 gơ wèt xã Bình Hòa, kơnhòal Krông Ana gơ wèt Mpồl atbồ, sền gàr brê kuơmàng Nam Kar atbồ. Lời gơlik geh broă roh brê den kơnòl gơ wèt hờ cau tờm brê là mpồl atbồ, sền gàr brê kuơmàng Nam Kar. Jat tàm ală tềl lời wơl tàm tiah gơlik geh broă lơh tìs, broă koh kơl chi brê gơlik geh bơh 1 tus 2 nhai lài do. Do là dơ\ koh kơl brê kơn jơ\ mờ dờng ngan.

Cau mblàng K’Duẩn