VOV4.K’ho. Mho òr, ngai 23/4, UBND càr Dak Lak geh sră nggal bè broă kơ nòm bơsram, cau bơsram dờng lòt bơsram wơl tơ nơ\ tơngai ơm rlô bơsram nàng rơcang sơndră kòp Covid-19. Jat hơ\, UBND càr Dak Lak ring bal ai kơ nòm bơsram ơdu\ 9, kấp 3 mờ hìu bơsram bơto bơtê sùm kấp 3 lòt bơsram wơl bơh ngai 27/4; kơ nòm bơsram, cau bơsram dờng ală hìu bơsram bơ to broă lơh lòt bơsram wơl bơh ngai 4/5. Gơ wèt mờ kơ nòm bơsram mầm non, kấp 1, kấp 2 (ơdu\ 6, 7, 8), kơ nòm bơsram ală hìu bơsram gam wơl geh yal tơ nơ\.

UBND càr Dak Lak jàu Sở gíao dục mờ Đào tạo jat tàm bơta geh ngan, cribơyai mờ UBND càr bè tu\ tơngai mùl màl ai ală kơ nòm bơsram, cau bơsram do in lòt bơsram wơl. Bal mờ hơ\, UBND càr sồr ală kơnhòal, thị xã, [òn dờng đơng lam ală hìu bơsram, hìu bơsram bơ to broă lơh rơcang niam ală bơta pal geh nàng gàr niam ờ do ờ dă ai kơ nòm bơsram in lòt bơsram wơl tơ nơ\ tơngai ơm rlô bơsram; lơh jat nền nòn ală broă lơh rơcang sơndră kòp Covid-19; geh rơndap broă tam gơl broă bơ to bơsram gơ in dipal nàng gàr niam cồng nha bơ to bơsram mờ broă rơndap lơh tơngai nam bơsram dê.

Cau mblàng K’ Duẩn