VOV4.K’ho- Gơlơh sơnđàc tềng đap rài kis kal ke bơh làng bol tàm tiah lơh broă dê, Trung úy Nguyễn Trung Hải, kuang bàng lơh broă lam sồr làng bol gơ wèt Mpồl đơng lam Ling klàng kơnhoàl Cư Mgar, di Gah đơng lam Ling klàng càr Dăk Lăk dê jơh nùs ngan hòi jà ală mpồl lơh broă nùs nhơm niam, cau geh nùs nhơm niam dong kờl priă jền bal mờ phan bơna nàng dong làng bol r[ah tàm tiah do in. Bơh priă jền hòi jà bơh bi dê, 10 hìu bơnhă neh geh dong kờl lơh hìu bơta nđàc, gi\t nđờ jơ\t nă cau kòp geh priă sơm kòp, uă hìu bơnhă kal ke geh pà sơntìl chi tam phan ròng.  

Deh mờ dờng tàm càr Cau Bằng, bi Nguyễn Trung Hải Trung úy gah ling klàng geh sùm bơta kơ\p kờ` tơnơ\ do dờng geh lơh cau ling bơh tu\ gam kơnòm tơn. Tơnơ\ mờ tu\ jơh bơsram kấp pe, krơi mờ ală cau bơyô dùl nrơh nrang bal là sac rwah bơsram tàm ală hìu bơsram đại học halà cao đẳng, Hải cih pang sră dan lòt ling, mờ gơ gơs là cau ling pa tàm Tiểu đoàn pơlam tàp 303 gơ wèt Trung đoàn 584, Gah đơng lam ling klàng càr Dăk Lăk dê.           

Bơh ală ngai sơnrờp, ling nam dùl Nguyễn Trung Hải sùm lơh ngan bơsram tàp, bơsram sră, lơh gơs jak ngan kơnòl broă. Jơh lơh gơs kơnòl broă 2 nam, bi geh kấp hơđang ai lòt bơsram ơdu\ ling geh griăt lơh broă mờng chài tàm [òn dờng Đà Nẵng. Tơn jơh ơdu\ bơsram, lồi nam 2006, bi geh ai rê lơh broă tàm Mpồl lam sồr làng bol gơ wèt Mpồl đơng lam Ling klàng kơnhoàl Cư Mgar.

Trung úy Nguyễn Trung Hải pà gi\t, lơh broă lơh lam sồr làng bol den tàng să tờm bi sùm rềp mềl mờ làng bol wa\ wờng ngan ală bơta kal ke bơh làng bol dê. Bơh lùp, bi gi\t geh uă hìu bơnhă tàm do geh rài kis kal ke. Bơh do, bi geh jơnau kơ\p kờ` tàm tơrbo\ bal mờ ală mpồl lơh broă nùs nhơm niam, ală cau geh nùs nhơm niam tàm ală [òn dờng, bè [òn dờng Hồ Chí Minh, Hà Nội mờ ală càr rềp bal hòi jà dong kờl. Tơnơ\ uă nam lơh, tus tu\ do, uă rài kis ờ bơtuah bơtoài, hìu bơnhă kal ke, kơnòm bơsram r[ah bơsram jak neh geh dong kờl.

Bi yal bè cau pa ngan rlau jơh là bàr pă ùr bơklau tàm xã Ea M’roh, kơnhòal Cư Mgar ờ geh priă tơm priă piam kòp tàm hìu sơnơm geh bi hòi jà tă pơgồp dong kờl bal bơh mpồl bơtiàn dê.

Geh dùl rài kis kal ke ngan tàm [òn Cháy, xã Ea M’roh, kơnhoàl Cư Mgar, tu\ cau bơklau gơtìp kòp jê plai nùs bơh mè deh bơh uă nam lài, hìu bơnhă geh pơ ùr gam kơnòm ngan ờ geh broă lơh mờ geh 3 nă kòn gam dềt ngan. Bồ nhai 5 pa do, cau bơklau chơ\t tềng hìu sơnơm Chợ Rẫy, [òn dờng Hồ Chí Minh mơya ờ geh priă tơm priă piam kòp tàm hìu sơnơm mờ priă apah rơndeh pơndiang [ồc rê. Kơno yal jơnau do, a` neh cih yal anih nàng hòi jà bơta dong kờl bơh mpồl bơtiàn tàm internet dê. Tơnơ\ pơgăp 2, 3 ngai, priă dờp geh là rlau 80 tơlak, a` neh dờp mờ jàu tơn tàm tê cau pơ ùr dê nàng drơng broă tơ\p [ồc kung bè tơm dồs lài hơ\ ai bi in. A` geh pơn jat tai lơh sùm broă do tu\ tìp ală rài kis kal ke mờ geh hòi jà di tu\ rlau nàng dong kờl jơh tơl nă cau.

                                 Pà priă ai cau kòp r[ah tàm kơnhoàl Cư Mgar in

Mò Lê Thị Tơ, 64 sơnam, ơm tàm thị trấn Quảng Phú, là dùl tàm 10 hìu kal ke geh Trung úy Nguyễn Trung Hải hòi jà dong kờl priă lơh hìu ơm. Jăt mò Tơ yal, broă geh đau dùl hìu pa lơh niam bơne\ ala hìu lơh mờ mpàn neh ồm sèt lài do là bơta mờ hìu bơnhă mò ờ tu\ lơi kơlôi tus. Să tòm mò neh kra, bơklau chơ\t bơh gờ`, mờ geh tai dùl nă kòn kue\t kơlte, tàm tu\ sươn mìr ờ geh. Priă lơh geh tờm ngan bơh hìu bơnhă dê kơnờm jơh lơm tàm ngai lơh broă apah, lòt lơh mờng bơh ùr bơklau kòn tơnhoa dê.

Mò Tơ ngoh rơngăc đơs: Dờp geh hìu lơh mờ sơmang ơnàng rlau 70 thơk vuông bơh bơta hòi jà bơh cau ling bi Hải dê là bơta chờ hờp ngan rlau jơh tàm rài kis.

Lài do ơm tàm hìu lơh mờ mpàn là mè kòn a` bi\c ờ go\ lơhă gơ dê, pah tu\ trồ mìu nhàc càl dờng den gơ sùh nhhat dà mìu bềng jơh dùl hìu, digơlan là gơtìp tơrlơm khat tàm tu\ lơi. Tơnơ\ hơ\ kung kơnờm đau mờ wa Hải đah mpồl ling lam dùl mpồl cau ala mat công ty tus pà hìu bơnhă in 75 tơlak priă nàng lơh hìu. Tu\ do, hìu neh lơh gơs gơ dê, oh kòn, kòn sau, ờ go\ gam kơlôi rcăng tai, mìng kơlôi rcăng tàm broă bơtàu tơnguh lơh sa lơm gời.

Bơh priă tă pơgồp, rlau 100 hìu bơnhă r[ah geh pà sơntìl chi tam, phan ròng nàng bơtàu tơnguh rài kis hìu bơnhă

Trung tá Phạm Tuấn Khiêm, Chính trị viên Mpồl đơng lam Ling klàng kơnhoàl Cư Mgar pà gi\t, ală nam do, bal mờ lơh gơs niam kơnòl broă lam sồr làng bol bơh mpồl ling dê, Trung úy Hải gam jơh nùs ngan tus bal lơh broă nùs nhơm niam, dong kờl sền gàr tơl niam rài kis mpồl bơtiàn tàm tiah do. Bơh nam 2010 tus tu\ do, Trung úy Hải neh hòi jà ală cau geh nùs nhơm niam tă pơgồp priă jền lơh mờ pà 10 nơm hìu bơta nđàc ai ală hìu bơnhă r[ah, hìu bơnhă chính sách in; blơi mờ pà uă ngan sơntìl chi tam, kòn kơnrồ, be me dong kờl ai rlau 100 hìu bơnhă kal ke in; jàu 200 bơnah priă dong kờl bơsram ai kơnòm bơsram sơrlèt gan kal ke in; pà priă jền dong uă cau kòp r[ah geh priă jền nàng tơm priă sơm kòp hìu sơnơm in…Kờp jơh priă gơguh tus mờr 3 tơmàn 500 tơlak. Trung tá Phạm Tuấn Khiêm đơs bè cau kuang bàng kấp hơđơm he dê bè do:

Oh Hải là dùl nă cau geh bồ tơngoh kờ` bơtàu tơnguh, sùm jơh nùs bơsram sră mờ lơh gơs jak ngan kơnòl broă geh kấp hơđang jàu. Bè broă lơh lam sồr làng bol den do là bơta pơnrơ ngan bơh oh hơ\ dê. Bơdìh mờ broă cih jơnau mblàng yal nàng yal tàm báo, rơdio, ti vi den oh Hải gam sùm ngui internet mpồl bơtiàn facebook nàng hòi jà ală cau geh nùs nhơm niam tă pơgồp bal, dong kờl cau r[ah tàm do mờ geh cau ngui facebook tàm do jờng rơ ngan.

Pơgăp 200 bơnah priă dong kờl bơsram geh jàu ai kơnòm bơsram r[ah sơrlèt gan kal ke in bơh bơta hòi jà tă pơgồp bơh Trung úy Hải dê

Bal mờ ală broă lơh ngan tàm ală tu\ lơh broă, Trung úy Nguyễn Trung Hải neh geh Gah đơng lam Ling klàng càr Dăk Lăk, Quân khu V jàu pà uă phan [àn dờng màng ngan. Bal mờ hơ\, bi gam geh Mpồl Chữ thập đỏ kơnhoàl Cư Mgar jờng rơ 5 nam sùm tài bơh geh ală cồng nha pơnrơ ngan tàm ală tu\ lơh broă nùs nhơm niam dong kờl cau r[ah tàm do. Mơya, gơ wèt mờ Trung úy Hải, bơta chờ hờp dờng ngan rlau jơh tàm rài kis lơh broă ling klàng bơh he dê là geh cau lơh broă bal, gơ\p bơyô mờ cau hìu bơnhă pin dờn, kờ` gơboh; là cau lơh kòn gùng pin dờn ngan đah ală cau geh nùs nhơm niam mờ ală cau ờ bơtuah bơtoài tàm rài kis.

Cau mblàng Lơ Mu K’Yến