VOV4.K’ho– Tàm ală nam rềp ndo, càr Dak Lak neh gơ hòi gơ jà bơta sền gròi bơh ală cau bơcri pria\ tàm lơgar mờ lơgar ndai dê tàm broă lơh gơlik năng lượng gơlik wơl bơh năng lượng mat tơngai mờ pràn càl khồm. Ua\ rơndap broă lơh neh sơn đờm ai ngui ngan ngồn, pơgồp bơnah kươmàng ngan tàm broă gàr tơl ồs đèng dà lơgar, chồl pràn bơtàu tơnguh lơh sa pồl bơtìan, gàr tơl niam rài kis mpồl bơtìan tàm càr.

Broă lơh ồs đèng càl tàm kơnhòal Ea H’leo

Jat Sở Công thương càr Dak Lak pà git, tàm càr tu\ do geh 32 rơndap broă lơh đèng mat tơngai neh geh tă pria\ lơh, cih mat bơcri pria\ mờ git nđờ jơt nă, mpồl bơcri pria\ lòt sền ngan ngồn, bơt bơtàu rơndap broă lơh. Tus tu\ do, neh geh 5 rơndap broă lơh hìu ma\i ồs đèng mat tơngai neh geh lơh gơs, ai ngui, pờ tơlik ồs đèng mờ bơta pràn mờr 300 MW.

Broă lơh ồs đèng mat tơngai hơđang rơkàng hìu tàm drà tiah tờm Buôn Ma Thuột

Bè ồs đèng càl, tàm Dak Lak neh geh 24 rơndap broă lơh mờ bơta pràn pờ tơlik ồs đèng 4 rbô 500MW geh ring bal gùng dà broă lơh kơlôi sơnơng bơcri pria\; 2, 3 rơndap broă lơh neh yal Bộ Công thương mờ Chính phủ in nàng bơ tơl broă rơndap lơh lài tơmut tàm gùng che ồs đèng dà lơgar. Tus tu\ do, càr neh geh 1 rơndap broă lơh ồs đèng càl mờ bơta pràn 28,8MW geh ai ngui ngan ngồn.

Cau mblàng K’Duẩn