VOV4.K’ho- Gam pơgap 2 poh tai hơ\ sồng tus sa tềp Trung thu, mơya drà tăc [a` mờ phan nhơl trung thu nam do tàm Dak Lak neh sơn đờm duh hồl mờ uă ngan bơta pa mờ krơi is, sền gơ kờ` ngan.

Tàm ală gơl gùng Lê Thánh Tông, Y Jut, Phan Chu Trinh tàm [òn dờng Buôn Ma Thuột neh geh uă anih tăc [a` Trung thu bơh uă mat phan kă bro bè  Đồng Khánh, Bibica mờ Kinh Đô... Pơn ndrờm mờ nam lài, khà priă tăc ală bơta [a` Trung thu nam do bơh ală gah Kinh Đô, Bibica gơnguh pơgap bơh 3 - 5%, yến sào Khánh Hòa gơguh rlau 5%. Bơdìh mờ [a` Trung thu nhân thập cẩm, Jambon, iar, [a` cau kòp đồm sơdàng in, cau sa wèr gah Kinh Đô kung geh uă anih ràng tac phan blơi nàng tăc tàm drà. Bi Nguyễn Thị Tuyết Mai, cau tờm anih tăc [a` Trung thu Kinh Đô tàm gùng Lê Thánh Tông, pà g^t, khà năc blơi ờ uă, kờp bal 1 ngai mìng geh pơgap 10 tus 20 nă năc tus blơi.

Đơs ngan rùp să den lơh pa mơya [a` kung gam bè hơ\ sơl, priă tăc kung di đau sơl mơya drà tăc [a` gam bè ờs mờ kung gam ờ hoan geh cau blơi.

{a` Trung thu neh geh ràng tăc tàm uă tiah tàm [òn dờng Buôn Ma Thuột

Bơdìh mờ ală bơta [a` Trung thu geh mat phan kă bro geh ràng tăc uă ngan, ală anih lơh [a` bơh yau tàm ù tiah [òn dờng Buôn Ma Thuột bè Hà Nội, Thành Phát… kung sơn đờm mut lơh mờ tăc rah rài.Ală anih lơh [a` do mìng tăc mờ cau quèng bơh lài in, halà tăc jat sră dan blơi phan mờ tăc rah rài. Mò Vũ Thị Gấm, cau tờm anih lơh gơlik phan ngui sa mờ lơh [a` bùnh Thành Phát pà g^t, tu\ do, anih neh lơh sir jơh lă broă rcang phan lơh ba`.

Trung thu nam do den Thành Phát neh rcang jơh phan lơh bloh, mơya mut lơh uă ngan den sơn đờm 5 ngai tai. Tài ngai ai ngui lơyah den ờ ai lơh gờ` rlau pơn ndrờm mờ drà kă bro. Bè khà priă den kung gam be ờs khà priă bơh nam lài dê. Khà priă tac kờp bal [a` 125 gơràm den tăc bơh 39 tus 40 rơbô, [a` dờng ngan rlau jơh là 250 gơràm tăc bơh 61 tus 69 rơbô.

Phan nhơl Trung thu Việt Nam dê geh ală kơnòm dềt kờ` 

Bal mờ ală bơta [a` Trung thu, drà tăc phan nhơl Trung thu tàm Dak Lak kung neh sơn đờm geh tăc uă, ală bồ đang grài, đèng gu\ ồng sơma` mờ tơl ală bơta, phan lơh neh geh ràng tăc tàm ală anih ràng tăc phan nhơl tàm gùng Y Jut, Phan Chu Trinh mờ ală tiah tăc phan nhơl tàm drà Anih tờm kă bro bơh [òn dờng Buôn Ma Thuột dê.

Bi Vũ Thị Kim Lệ Mai, cau tờm anih ràng tăc phan nhơl tàm gùng Y Jút, [òn dờng Buôn Ma Thuột, pà g^t: Dilah bè ală nam lài, anih ràng tăc phan bơh hìu bơnhă bi dê mìng blơi uă phan nhơl bơh lơgar Lo, mơya bàr pe nam pa do, phan nhơl Việt Nam neh geh uă rùp să niam, li la ngan den bi blơi phan Việt Nam rê tăc. Jat bi Mai, khà priă phan nhơl nam do ờ tam gơl uă, bồ đăng grài geh priă tăc bơh bàr pe jơ\t rơbô tus 300 rơbô, phan nhơl kung bơh 30 tus 200 rơbô.

Ală nam lài tài ờ geh phanViệt Nam den he mìng tăc phan lơgar Lo lơm, mơya ală nam pa do phan Việt Nam uă den phan lơi là phan Việt Nam den he tăc. Đơs ngan là ală mè bèp den tu\ lơi tàm nùs nhơm khi dê kung gam kờ` mờ phan Việt Nam rlau, uă ngan là khi jòi blơi phan Việt Nam.

                              Cục atbồ drà kă bro càr Dak Lak lòt sền drà kă bro Trung thu 2019

Nàng pơgồp bơnah gàr tơl niam ờ do ờ dă phan ngui, rcang sơn dră khih phan sa, sền gàr gơnoar kuơ, pràn kơl dang să jan ai cau ngui sa tàm dơ\ sa tềp Trung thu nam 2019, Cục atbồ drà kă bro càr Dak Lak neh lam lơh jat broă rơndap lơh lòt sền, sền gròi drà kă bro [a` mờ phan nhơl Trung thu lài mờ tu\, tàm dơ\ mờ tơnơ\ Trung thu.

Jat ồng Vương Minh Sơn, Phó Cục atbồ drà kă bro càr Dak Lak đơs, dơ\ lòt sền do Cục atbồ drà kă bro sền ngăc broă lòt sền mờ anih lơh gơlik, mat phan kă bro mờ sră tăc phan, tơngai mut ngui phan bơna, lòt sền broă gàr niam bơta geh bal bè ờ do ờ dă phan ngui sa bè anih lơh gơlik, anih prap gàr phan bơna tàm broă lơh gơlik gơ wèt mờ ală anih lơh [a` Trung thu. Mơkung pơgồp bal niam mờ anih lơh broă geh gơnoar geh gơ rềng bal sền ngăc broă lòt sền, sền gròi niam phan bơna tàm broă pơn diang, ngan là ală gơl gùng lòt tờm, gùng mut lik tàm [òn dờng…

Bơh broă lòt sền den kung mblàng yal mờ tơngkah bal sơl, dilah lơh tìs den lơh glài jat jơnau sồr bơh adat boh lam dê nàng bơto tơngkah ală anih ràng tăc phan geh tềl tơngo\ lơh tìs. Bơdìh mờ hơ\, kung tơngkah cau ngui sa tàm tu\ blơi mờ ngui sa [a` Trung thu pal sền wơl tiah lơh gơlik mờ geh mat phan kă bro, dơ\ 2 tai là tu\ tơngai ngui [a`, bơdìh hơ\ cau ngui sa kung jòi ală mat phan kă bro neh sùm ngui tàm drà kă bro bơh jo\ tus tu\ do..

Cau mblàng K’ Hạnh