VOV4.K’ho – Mìng gam mờr nggùl nhai tai là tus sa tềp bơhìan yau Canh Tý nam 2020. Ală ngai do, cau tam bơkàu tàm càr Dak Lak gam jal mhar sơngka sền gàr ală bơta bơkàu, khàp tam bơkàu nàng geh ală bơta bơkàu niam tac tàm dơ\ sa tềp.

Nền nòn [ồm dà tơl khàp tam bơkàu cúc gam but bơkàu, bi Nguyễn Mậu Lộc, ơm tàm sơnah [òn Tân Lập, [òn dờng Buôn Ma Thuột, càr Dak Lak chờ hờp yal, trồ tiah tàm gùt kàl tam bơkàu niam ngan. Dilah ờ geh bơta tam gơl ua\, den suơn cúc hìu bơnhă dê digơlan lì bơkàu niam, di tàm tu\ sa tềp bơhìan yau.

Mờ 1 rbô 500 nơm khàp tam bơkàu, ua\ rlau 3 dơ\ mờ nam lài, bi Lộc kung gam pin dờn geh tac jơh bơkàu tàm dơ\ sa tềp do: “Đơs bal den a` tac bơkàu mờ khà ua\ ai ală anih tac rah rài in kung ua\, gam wơl dùl êt den a` tac rah rài. Sền bal den bơkàu kung gam gơs niam, bơkàu cúc den đơs bal nam do tac kung lơyài rlau, tài nđờ nam do cau tam ua\. Khà pria\ tac nam do ngan digơlan ndrờm halà lơyah rlau, ờ gơtùi jơnhua rlau tài dilah kờ` blơi den khi pal sền pria\ jền hìu bơnhă dê là bơta lài ngan. Dơ\ 2 tai là pah nam, tàm [òn dờng Buôn Ma Thuột rề ơnàng tai ua\ suơn bơkàu mờ khi tam ua\ rlau tai”.

Bi Nguyễn Mậu Lộc chờ hờp tài trồ tiah niam dong tờm cúc dờng pràn niam

Pah dơ\ sa tềp là dùl kàl bơkàu, kàl tac bro bơkàu lơh geh cồng nha, den tàng gơ hòi gơ jà jơh bal làng bol tàm ală [òn, là ală cau mìng mùl mờng quèng mờ broă lơh suơn mìr tam bơkàu nàng tac. Bi Y Linh Niê,ơm tàm [òn Ea Mấp, thị trấn Ea Pôk, kơnhòal Cư mgar pà git, bi neh tam, tac bơkàu sa tềp mờr 10 nam. Tus nam do, bo neh khin cha rề ơnàng bă ù tam bơkàu, klah nttê mờ geh sùm bơkàu tac gùt nam. Mờ 4 sàu ù tam bơkàu, digơlan sa tềp nam do, bi geh tac tàm drà kă bro mờr 100 rbô ntê bơkàu cúc mờ 80 rbô tờm bơkàu lay ơn.

Jat kờp du\ bơh bi Y Linh dê, dilah trồ tiah pơn jat niam bè tu\ do, den kàl tac bơkàu nam do digơlan cèng wơl pria\ jền hìu bơnhă bi in pơgap 400 tơlak: “Sền bè bơta trồ tiah den ờ kal ke bè nam lài. Bơkàu cúc là bơkàu [uơn ngan gơtìp aniai bơh trồ tiah den tàng tu\ sơngka sền gàr he pal sùm sền gròi nàng di tu\ git go\ ală bơta kòp tềng nha, tềng tờm nàng di tu\ rơcang sơndră. Sùm den tơngai lồi nam trồ tiah mrềt den geh ală bơta kòp bè rơ tèl jù, gơlik bè kơltau kit trồ tềng nha. Sơngka sền gàr den ua\ ngan he rơcang sơndră rlau mờ sơm kòp, den tàng he pal sùm [ồm ală bơta sơ nơm jat tu\ tơngai nàng rơcang sơndră kòp tềng tờm”.

Bi Y Linh Niê sùm sền gròi suơn bơkàu nàng di tu\ sền go\ kòp tu sa aniai

Trồ tiah noat mrềt den [uơn ngan nàng tờm bơkàu cúc in dờng pràn mơya bơta do lơh cau tam bơkàu mai ờ suk ngan. Ồng Nguyễn Văn Vinh, cau tờm suơn tam bơkàu mai tàm thôn 8, xã Hòa Thắng, [òn dờng Buôn Ma Thuột pà git, trồ tiah noat mrềt lơh tờm mai ờ gơtùi but bơkàu mờ lì mờ ring. Rlau 20 nam tam bơkàu mai, ồng Nguyễn Văn Vinh neh geh tu\ ờ geh dùl êt pria\ cồng lơi tàm 2, 3 kàl tài bơh trồ tiah noat mrềt.

Nam do, ồng neh rơcang nền nòn rlau, sền gròi sùm ală bơta gơlik geh bơh trồ tiah dê mờ sơngka sền gròi niam nàng tờm mai in lì bơkàu di tàm dơ\ sa tềp: “Nam do trồ tiah mrềt tàm tu\ àng drim gờ` den tàng he pal kơp tu\ tơngai nàng tờm chi but bơkàu, nam do digơlan bơkàu lì gờ` rlau mờ pah nam. Bè pah nam den he kờp du\ 35 ngai mơya nam do pal kờp du\ tus 45 ngai, hơ\ là gờ` rlau 10 ngai tài trồ tiah mrềt den bơkàu lì jơla rlau. Trồ tiah tu\ do mrềt den tàng he ờ gơtùi git lài, dilah gơtùi den kung ờ geh bơta lơi, geh nam den gơtùi, geh nam den ờ geh cồng, ndrờm bè jat kàl. Tus tu\ do kung tac neh mờr 200 khàp, kung geh cau jơh sa tềp den khi dờp wơl he in, kung geh cau khi blơi tơn”.

Bi Nguyễn Văn Hưng, sau tờm ồng Nguyễn Văn Vinh dê dong sền gròi tờm mai nàng thàn kàl tac bơkàu sa tềp

Tus tu\ do, ală cau tờm suơn tàm Dak Lak bulah geh ală bơta ờ suk bè kàl tam bơkàu drơng sa tềp in, mơya nùs nhơm chờ hờp sơnam pa kung gam bềng lìu tàm làm bă tiah. Ală bơta kơp kờ` bè dùl drà bơkàu sơnam pa duh hồl, bè dùl dơ\ sa tềp bơhìan yau ram mhu\, ua\ bơta chờ hờp kung neh tơnguh tai bơta pơn jờng nàng ală cau tờm suơn in jơh nùs sơngka sền gàr, mòn gơs bơta niam tơl tờm bơkàu, tờm chi bơka in. Bal mờ bơta kơp kờ` bè dùl kàl tam bơkàu sa tềp geh cồng nha, ală cau tờm suơn gam kơp kờ` tơl tờm bơkàu, tờm chi bơka mờ he mòn gơs geh sơlơ lơh niam rlau tai ai rùp sơ nơm pa in, lơh hiam hìu đam, lơh niam mpồng hìu, lơh niam gùng lòt tàm [òn lơgar.

Cau mblàng K’Duẩn