VOV4.K’ho - Drim òr (27/4), jơh ală kơnòm bơsram mpồl ơdu\ 9, kơnòm bơsram cấp 3 mờ giáo dục thường xuyên (cấp 3) càr Dak Lak neh lòt bơsram wơl.

            Kuang atbồ Sở Giáo dục mờ Đào tạo càr Dak Lak sền gròi broă rơcang sơndră mờ kòp tàm ờ uă hìu bơsram tàm càr

Gah bơto bơtê mờ bơsram càr Dak Lak neh lơh jăt uă broă lơh mùl màl kờ` gàr niam ờ do ờ dă broă rơcang sơndră mờ kòp kung bè broă bơsram sră jăt jơnau bơto sồr bơh Bộ Giáo dục mờ Đào tạo dê.

Tàm ngai sơnrờp kơnòm bơsram geh lòt bơsram wơl, Sở Giáo dục mờ Đào tạo càr Dak Lak neh crơng gơs mpồl kuang bàng lơh broă sền gròi in sơna tàm ờ uă hìu bơsram bè broă rơcang sơndră mờ kòp Covid-19.

Bơh broă sền gròi, kuang đơng lam Sở Giáo dục mờ Đào tạo càr Dak Lak đơs: ală hìu bơsram neh lơh jăt niam broă rơcang sơndră mờ kòp jăt jơnau sồr. Tàm tơngai tus, Sở gam pơn jăt tai sền gròi ni sơna ală hìu bơsram bè broă do.

Cau mblàng Ndong Brawl