VOV4.K’ho- Nam 2019, Kes priă sền gàr dong kờl kơnòm dềt ală kấp càr Dăk Lăk neh dong kờl kơnòm dềt in bal mờ bơnah priă dong kờl là mờr 21 tơmàn đong. Do là khà sồ geh yal tàm pơrjum yal cồng nha lơh jăt broă dong kờl ai kơnòm dềt in nam 2019, lam lơh jăt broă lơh nam 2020 bơh Mpồl duh broă sền gàr dong kờl Kes priă sền gàr dong kờl kơnòm dềt càr Dăk Lăk dê bơyai lơh mho ngai 2/3.

Kes priă pơgồp bal mờ ală mpồl dong kờl pà priă dong kờl bơsram ai kơnòm dềt kal ke in

Ủy ban Nhân dân càr Dăk Lăk kung neh ki\ dờp bơnah priă dong kờl bơdìh rơndăp broă lơh “Tài bơta `o\ kơnòm dềt” kờp priă 150 rbô dolar Mỹ bơh mpồl Việt Nam Smiles Organization dê nàng dong kờl kham sơm kòp gah sề ai kơnòm dềt in tàm tơngai bơh nam 2019- 2021; Sền swì wơl mờ ki\ bơnah priă dong kờl “tơnguh uă bơta gi\t wa\ mờ dong kờl tus bal ai kơnòm dềt gơtìp ờ niam tàm nùs nhơm bồ tơngoh càr Dăk Lăk” in mờ kờp jơh khà bơcri là 39 rbô tơmàn dolar Mỹ bơh mpồl JBCIA lơgar Hàn Quốc dê. Broă lơh neh dong uă kơnòm dềt geh dờp kuơ, pơgồp bơnah lơh niam ală jơnau kờ` sền gàr, ròng siam mờ bơto bơtê kơnòm dềt tàm càr.

Cau mblàng Lơ Mu K’Yến