VOV4.K’ho- Ngai 6/3, Ủy ban Nhân dân càr Dăk Lăk geh công văn pơyua Sở Giáo dục mờ Đào tạo, Ủy ban Nhân dân ală kơnhoàl, thị xã, [òn dờng in ai gơnoar kơnòm bơsram mầm non, kơnòm bơsram kấp dùl, kấp bàr lòt bơsram wơl tơnơ\ tu\ tơngai ơm rlô bơsram nàng rcăng sơndră kòp Covid-19. Ủy ban Nhân dân càr Dăk Lăk ring bal ai kơnòm bơsram mầm non, kấp dùl, kấp bàr in lòt bơsram wơl sơnđờm bơh ngai dơ\ 2, ngai 9/3/2020 jăt jơnau dan bơh Sở Giáo dục mờ Đào tạo càr dê.

Ủy ban Nhân dân càr sồr Sở Giáo dục mờ Đào tạo, Ủy ban Nhân dân ală kơnhoàl, thị xã, [òn dờng sồr ală anih bơto bơtê pơn jăt tai tơnguh broă lơh mblàng yal nàng tơnguh uă jơnau gi\t wa\ bơh kơnòm bơsram, kuang bàng, cau pơgru, cau lơh broă dê tàm broă lơh rcăng sơndră kòp; lơh jăt ală broă lơh sền gàr ờdo ờdă pràn kơldang să jan ai kơnòm bơsram, cau pơgru, cau lơh broă in, ba` lời kòp lơh bơtờp tàm hìu bơsram; geh gùng dà broă lơh tam gơl broă bơto bơtê, gàr niam cồng nha jăt broă lơh Bộ Giáo dục mờ Đào tạo dê neh ai tơlik.

Cau mblàng Lơ Mu K’Yến