VOV4.K’ho- Công ty Ồs đèng Dăk Lăk pa ai trạm biến áp 110KV Buôn Ma Thuột mu\t lơh broă mờ ờ duh pal geh cau drơng sền. Do là trạm du\t ndơl gơ wèt gùng che đèng càr Dăk Lăk dê geh tam gơl tơnơ\ mờ tu\ lơh jơh ală broă lơh tam gơl pa, lơh niam wơl tàm nam 2019. Trạm biến áp 110KV Buôn Ma Thuột geh ai ngui bơh nam 1996, là trạm biến áp 110KV bơh sơnrờp geh lơh tàm Dăk Lăk, ai đèng ai tiah tàm gùl [òn dờng in.

Tơnơ\ rlau 20 nam ai ngui, Trạm neh geh lơh tam gơl pa, lơh niam wơl bal mờ broă bơtơl tai ală măy mok jak chài pa rài do dê, lơh geh ală jơnau kờ` gơ wèt mờ dùl trạm biến áp ờ duh pal geh cau drơng sền. Ồng Lê Hoài Nhơn, Phó Kuang ătbồ Công ty Ồs đèng Dăk Lăk pà gi\t, broă trạm biến áp 110KV Buôn Ma Thuột geh tam gơl tus ngui jăt broă lơh ờ duh pal geh cau drơng sền neh lơh jơh broă tam gơl jơh ală 10 trạm biến áp 110KV bơh công ty dê ătbồ.

Do là dùl broă bơtàu tơnguh kuơmàng tàm broă lơh tam gơl pa, măy mok lơh is jơh ală ồs đèng Dăk Lăk. Jăt tu\ tơngai, nam 2020 ồs đèng Dăk Lăk geh lơh niam tiah tờm đơng pơlam pờ ngui mờ lơh ală gùng che đèng ngăc ngar, pơgồp bơnah tơnguh uă cồng nha lơh broă, tơnguh uă bơta pin dờn ai ồs đèng kung bè bơta niam ồs đèng ai ală bơnah dong kờl jun đèng in.

Cau mblàng Lơ Mu K’Yến