VOV4.K’ho - Mho òr (11/2), tàm xã tiah nhàr dà lơgar Ia Lốp, kơnhoàl Ea Súp, càr Dak Lak, mpồl đơng lam ling sền gàr tiah nhàr dà lơgar càr Dak Lak bơyai lơh tơn jơh chỉ thị sồ 01 bơh Thủ tướng Chính phủ bè “Broă lơh gùt làng bol tus bal sền gàr gơnoar tòm ù tiah, bơta lơngăp lơngai tiah nhàr dà lơgar tàm rài pa”.

                                     Làng bol tus bal sền gròi tiah nhàr dà lơgar càr Dak Lak

Càr Dak Lak geh rơlao 73 kơi sồ gùng nhàr dà lơgar rềp mờ càr Mundulkiri lơgar Campuchia. Jơh tiah do geh 22 rơbô hìu mờ rơlao 82 rơbô nă làng bol gơwèt 25 jơi bơtiàn kòn cau oh mi ơm kis bal.

Làng bol kis tàm tiah nhàr dà lơgar càr Dak Lak kung neh pơgồp bal niam mờ mpồl ling sền gàr tiah nhàr dà lơgar lơh geh cồng nha ală gùng dà broă lơh, tơnguh uă bơta niam, geh cồng nha broă tam dră mờ sơndră mờ ală bơta tìs, gàr niam bơta lơngăp lơngai ờ do ờ dă tàm tiah nhàr dà lơgar.

Broă lơh bal mờ lơgar ndai tàm tiah nhàr dà lơgar, broă lơh bal mờ lơgar ndai làng bol dê, lơh jăt broă dong kờl ling klàng geh ală gah, mpồl lơh broă, ală cấp rơcang lơh geh cồng nha, pơgồp bal tàm broă gàr niam ờ do ờ dă bơta lơngăp lơngai, tơnguh uă rài kis phan bơna mờ nùs nhơm ai làng bol in.

Cau mblàng Ndong Brawl