VOV4.K’ho- Tus tu\ do, jơh ală chi bộ Đảng kấp hơđơm tàm kơnhoàl Krông Ana, càr Dăk Lăk dê neh jơh bơyai lơh pơrjum dờng tơngai lơh broă bơh nam 2020- 2022. Jăt jơnau đơs bơh Ban Thường vụ Huyện ủy Krông Ana dê, 176 pơrjum dờng chi bộ kấp hơđơm bơh kơnhoàl dê neh gàr tơl tơngume, broă rơndăp tăp sèng mờ lơh geh cồng nha niam bơne\. Tu\ do, 32 mpồl đảng kấp hơđơm, tàm hơ\ geh 13 đảng bộ kấp hơđơm, mờ 19 chi bộ kấp hơđơm neh jơh lơh ală broă pal geh nàng bơyai lơh pơrjum dờng tơngai lơh broă bơh nam 2020- 2025. 

Pơrjum dờng tơngai lơh broă bơh nam 2020- 2022 bơh Chi bộ thôn Hải Châu, xã Bình Hoà dê geh lơh tàm ngai 28/2 pa do. Do là pơrjum dờng lơh tơrlòng lài bơh Đảng bộ xã Bình Hoà dê. Pơrjum dờng neh pồ geh chi ủy geh 3 nă kuang bàng, mờ pồ tơn Bí thư, Phó Bí thư.

Broă tờm bơh tơngai lơh broă bơh nam 2020- 2022 bơh chi bộ thôn Hải Châu dê là đơng lam bồ ală anih lơh broă chính trị kấp hơđơm, bơtàu tơnguh đảng viên mờ tơrgùm tàm broă lơh tơn jơh jơgloh tơrmù r[ah. Tơngai lơh broă pa do, chi bộ mìng tơmu\t geh 1 nă đảng viên, tàm tơngai lơh broă do, chi bộ geh jơnau kờ` tơmu\t bơh 3 nă đảng viên rlau hơđang.

Thôn Hải Châu geh 231 hìu bơnhă, bal mờ mờr 1 rbô nă cau. Priă lơh geh kờp bal nam 2019 bơh thôn dê là 29 tơlak 800 rbô đong, neh lơh geh 16 tàm 19 broă bơ\t bơtàu [òn lơgar pa. Tu\ do, thôn Hải Châu kung gam 14 hìu bơnhă r[ah mờ 22 hìu bơnhă mờr ndrờm bè hìu r[ah. Kơrnoat bơh chi bộ dê cih loh: pah nam lơh ngan tơrmù 4 hìu bơnhă r[ah.

Mò Đinh Thị Kim Phương, cau pa geh pồ lơh Bí thư Chi bộ thôn Hải Châu đơs nền: Jơh ală broă jàu sồr lơh ndrờm geh lơh rềp mềl mờ bơta geh ngan bơh thôn dê. Bè broă lơh tơn jơh jơgloh tơrmù r[ah, chi bộ jàu kơnòl loh làng gơ wèt mờ tơl nă đảng viên in pal geh kơnòl dong kờl, bơto pơlam loh làng gơ wèt mờ tơl hìu bơnhă, gùng dà bơtàu tơnguh lơh sa tơn jơh r[ah mờ tơn jơh gơbàn r[ah wơl dùl bă kơ\ kơl jăp.

Mò Đinh Thị Kim Phương, đơs: Tu\ neh jơh pơrjum dờng den bol a` jàu kơnòl ai tơl nă đảng viên in. Bol a` jàu kơnòl loh làng ai tơl nă cau in, jòi bàn geh jơnau bơh tài gơbàn r[ah, `chi bơh tài khi r[ah? Ală hìu bơnhă mờ geh bơta pràn lơh broă den bol a` bơto pơlam khi in bơtàu tơnguh tờm phan tam lơi, mờ ròng phan lơi gơ in dipal mờ bơta pràn bơh tơl hìu bơnhă dê. Ai ală hìu bơnhă pa jơh r[ah den lơh bè lơi nàng ai khi in klàs bơh r[ah kơ\ kơl jăp den pal geh bơta bơto pơlam loh làng. Pơnyơu bè: hìu khi gal kòn mờ gam tàm sơnam lơh broă den bol a` hòi jà khi lòt lơh broă tàm càr ndai mờ lòt lơh broă hờ lơgar ndai.

Ồng Lê Thanh Nghị, Bí thư Đảng ủy xã Bình Hoà pà gi\t: Đảng ủy xã neh pơrjum tơn jơh, sền swì ai jơnau bơsram mờng chài broă bơyai lơh pơrjum dờng kấp hơđơm lơh geh cồng nha nàng rcăng lài niam ală broă ai pơrjum dờng Đảng ủy xã Bình Hoà in tơngai lơh broă bơh nam 2020- 2025 mờr geh lơh.

Ồng Lê Thanh Nghị đơs: Gơ wèt mờ Đảng bộ xã Bình Hoà den pơrjum dờng jơh ală đảng viên. Kờ` lơh geh cồng nha ai pơrjum dờng in den broă lơh rcăng pal loh làng, pal nền cê. Bè sră nggal tu\ do den Đảng ủy neh lơh 2 sră nggal, tàm hơ\ geh 2 jơnau yal, dùl jơnau yal tơn jơh bơh Đảng bộ dê mờ gùng dà kơnòl broă tàm tơngai lơh broă bơh nam 2020- 2025 in, neh lơh gơs, neh tam gơl wơl 2 dơ\ hơ\ sồng pơyua ală oh mi tàm Ban chấp hành in tă pơgồp jơnau đơs. Mờ tus tu\ do, bol a` neh pơyua ală oh mi là kuang bàng dờng sơnam, kuang bàng jơh sơnam lơh broă, ală kuang bàng đơng lam tờm, ală oh mi ủy viên khoá 9 nàng tă pơgồp jơnau đơs dơ\ 3. Tơnơ\ hơ\, bol a` geh jun tus ală chi bộ in nàng ală oh mi đảng viên in tă pơgồp jơnau đơs dơ\ du\t ndơl lài mờ tu\ pơrjum dờng.

Ồng Nguyễn Kính, Bí thư Huyện ủy Krông Ana đơs nền, bơta lơh geh cồng nha pơrjum dờng ală chi bộ đảng kấp hơđơm là bơnàng jă cèng wơl cồng nha bơh pơrjum dờng đảng bộ kấp hơđơm dê mờ pơrjum dờng Đảng bộ tơngai lơh broă bơh nam 2020- 2025.

Ban Thường vụ Huyện ủy Krông Ana neh lơh nền rwah Pơrjum dờng Đảng bộ xã Dray Sáp bơyai lơh tàm 2 ngai, hơ\ là ngai 6 mờ ngai 7 nhai 4 tus nàng lơh pơrjum dờng lơh tơrlòng lài. Pơrjum dờng Đảng bộ xã Dray Sáp geh 93 nă kuang bàng ngan ngồn mờ 2 nă kuang bàng rcăng lài. Tu\ do, jơh ală broă rcăng ai pơrjum dờng Đảng bộ xã Dray Sáp in neh geh lơh sir jơh.

Ồng Nguyễn Kính đơs nền bè do: Jơh ală mpồl đảng kấp hơđơm là 13 đảng bộ mờ 21 chi bộ gơ wèt bal neh rcăng wil tơl ală broă rơndăp tăp sèng bơh broă kuang bàng, jơnau yal chính trị, jơnau yal sền tìs di mờ broă rơndăp lơh ai pơrjum dờng in. Ngan là broă jơnau yal cih đơs, dơ\ do Ban Thường vụ Huyện ủy geh jơnau kờ` là jơnau yal cih đơs pal gơ jăt bal mờ bơtàu tơnguh lơh sa- mpồl bơtiàn mờ jơnau yal cih đơs do geh bơta kuơ là tơnơ\ do lơh jăt tàm tơngai lơh broă tus mờ ờ go\ di là pal jơnau yal cih đơs là jơnau yal bè cồng nha lơh geh ờ.

Do là dùl bơta pa tàm broă lơh jăt kơnòl broă chính trị bơh tiah he dê. Pal gi\t loh nùs nhơm bồ tơngoh bơh tơl đảng bộ dê gam tàm gơnoar broă lơi nàng lơh gơ in di mờ bơta geh ngan nàng bơh hơ\ bơyai lơh lam lơh jăt, pal lơh jăt đơng lam chính trị kung bè bơtàu tơnguh lơh sa- mpồl bơtiàn di mờ bơta geh ngan, mùl màl mờ nùs nhơm là tài làng bol bol he lơh mờ ờ go\ di là pal lơh nàng gơ in lơh geh cồng nha đah bơdìh lơm gời ờ.

Cau cih Lê Xuân Lãm- Cau mblàng Lơ Mu K’Yến