VOV4.K’ho – Gơ rờm bal nùs nhơm chờ hờp bal mờ git nđờ tơlak nă kơnòm bơsram tàm làm gùt dà lơgar, drim òr (5/9), git nđờ rbô nă kơnòm bơsram tàm kơnhòal tiah nhàr dà lơgar Ea Sup, càr Dak Lak dùl ròt tus hìu bơsram nàng tus bal ngai sơn đờm mut nam bơsram pa 2019 – 2020. Do là tiah pal kong jơnau gơ lời wơl kơn jơ\ kơn jut ngan rlau jơh bơh dơ\ mìu dà tih lơh aniai tàm ngai 6/8 pa do, gah lơh broă geh gơ noar kơnhòal dê neh lơh ngan dong kờl kơnòm bơsram tiah dà tih lơh aniai gơtùi tus hìu bơsram.

Ala mat hìu bơsram kấp 2 Lê Qúy Đôn tàm xã Ya Tờ Mốt, kơnhòal Ea Sup ja` sơng gơr mut nam bơsram pa

Bơh àng drim gờ`, tàm ală gơl gùng lòt ală thôn, ală xã dê, tềng lơi kung sền go\ rùp uă kơnòm bơsram tàm phan soh pa, niam, bal mờ bùng bi bơkàu, băng rôn, jơnau đơs chờ hờp tus ală hìu bơsram nàng tus bal ngai sơn đờm mut nam bơsram.

Jàu 15 nơm rơndeh coh ai kơ nòm bơsram tiah gơtìp mìu dà tih lơh aniai in

Tàm hìu bơsram kấp 2 Lê Qúy Đôn, xã Ya Tờ Mốt, kơnhòal Ea Sup, di 7 jơ 30 phuk, 320 nă kơnòm bơsram bơh hìu bơsram dê neh sap sèng ring ngan, lam lơh chào cờ, iat cau pơgru sền sră pơyua bơh Chủ tịch lơgar dê, jơnau đơs đơng lam bơh kuang đơng lam bồ gah bơ to bơsram kơnhòal mờ sền ală jơnau đơs crih tamya, sap ja` sơng gơr lơh tềl sơn đờm mut nam bơsram pa.

Kong ti ồs đèng Dak Lak jàu 25 bơnah priă dong kờl bơsram ai kơ nòm bơsram tiah mìu dà tih lơh aniai in

Di dơ\ do, Kong ti ồs đèng Dak Lak neh jàu 25 bơnah priă dong kờl bơsram, 15 nơm rơndeh coh mờ kờp jơh priă tă lơh là 30 tơlak priă ai ală kơnòm bơsram là oh kòn ală hìu bơnhă pal kong jơnau gơ lời wơl tàm dơ\ mìu dà tih lơh aniai pa do.

Cau mblàng K’Duẩn