VOV4.K’ho- Ủy viên Đảng dà lơgar, Bí thư Tỉnh ủy Dak Lak ồng Bùi Văn Cường pa geh dơ\ lơh broă mờ gah Ngân hàng nàng kờ` sền sơ wì cồng nha lơh broă 9 nhai nam 2019. Jat jơnau yal bơh ală Ngân hàng tàm ală tiah dê, kờp jơh priă hòi jà 9 nhai lơh geh 45 rơbô 500 tơmàn, gơguh mờr 4% pơn ndrờm mờ bồ nam. Kờp priă gam dồs ai càn rài lơh sa in lơh geh 95 rơbô 600 tơmàn, gơguh 11% pơn ndrờm dùl tu\ mờ nam lài; khà priă ai càn tơr gùm uă ngan tàm ală gah lơh sa kă bro, bơta niam ai càn geh gàr niam.

Bí thư Tỉnh ủy Dak Lak sồr tàm ală nhai lồi nam, ală mpồl ai càn priă pal pơn jat tai jat sền ală Chỉ thị, Nghị quyết bơh dà lơgar, bơh Chính phủ mờ Ngân hàng dà lơgar dê, lơh jat niam ală kơnòl dờng màng bơh gah lơh broă dê neh ai tơlik.

Cau mblàng K’ Hạnh