VOV4.K’ho- Ủy ban Nhân dân càr Dăk Lăk pa sồr ală sở, gah lơh broă càr dê lơh jăt bàr pe tơngume nàng kờ` lam lơh jăt niam mờ geh cồng nha jơnau đơs pơndu\t bơh Thủ tướng Chính phủ dê bè ală kơnòl broă, gùng dà broă lơh jal mhar tă bơsong kal ke ai lơh sa kă bro in; dong ai càn priă bơcri dà lơgar; dong kờl ai cau lơh broă in, gàr niam rài kis mpồl bơtiàn; gàr niam lơngăp lơngai ờdo ờdă jơh gùt mpồl bơtiàn tàm tơngai gơrềng bơh kòp Covid-19 dê.

Jăt mờ hơ\, UBND càr sồr cau lam bồ ală sở, ban, gah sơnah lơh broă càr bal mờ ală tiah tàm càr tơrgùm lơh jăt bàr pe tơngume tơnơ\ do: lơh jăt niam ală gùng dà broă lơh rcăng sơndră kòp Covid-19 jăt nùs nhơm mờ bơta pơlam gùng bơh Đảng mờ Dà lơgar dê, jơnau sồr bơh Chính phủ, Thủ tướng Chính phủ mờ Mpồl đơng lam dà lơgar rcăng sơndră kòp Covid-19 dê; bơyai mờ UBND càr dan crơng gơs Mpồl đơng lam nàng di tu\ bơsong, tă bơsong kal ke kòl yan tàm broă lơh sa kă bro, lơh pràn ai priă jền bơcri dà lơgar dê mờ tàm tu\ lam lơh ală rơndăp broă lơh bơcri priă tàm ù tiah càr dê.

Cau mblàng Lơ Mu K’Yến