VOV4.K’ho – Bal mờ broă lơh gơs kơnòl sền gàr gơnoar tờm lơngap lơngai tiah nhàr dà lơgar, tơngai lài, ală kuang bàng, cau ling ală pôs ling sền gàr tiah nhàr dà lơgar càr Dak Lak gam lam lơh geh cồng nha broă dong kờl gàr tơl niam rài kis mpồl bơtìan, dong làng bol tàm tiah nhàr dà lơgar bơtàu tơnguh lơh sa, tơn jơh jơgloh tơrmù r[ah, kuơmàng broă lơh “Kòn ròng Pôs ling sền gàr tiah nhàr dà lơgar” geh lam lơh pa do neh dong ua\ kơnòm dềt gơtìp hoàc huơr tàm rài kis geh rài kis tơl niam, geh lòt tus hìu bơsram.

Sau Y Phú Mlô 5 sơnam, kòn cau M’nông, ơm tàm [òn Drang Phốk, xã tiah nhàr dà lơgar Krông Na, kơnhòal Buôn Đôn bơh dềt neh ờ geh bèp dờn dờp, mè den roh gờ` bơh tu\ sau ờ hềt tòm 3 sơnam. Ờ geh bèp mờ kòn đời mè tai, ồng mò đah mè neh rò sau rê nàng ròng. Tài neh dờng sơnam ờ sô tai, hìu bơnhă den r[ah, broă ròng siam sau gơtìp ua\ ngan kal ke. Sền go\ rài kis kal ke bơh sau Y Phú dê, đơng lam pôs ling sền gàr tiah nhàr dà lơgar Srêpốk, gơ wèt gah đơng lam Mpồl ling sền gàr tiah nhàr dà lơgar càr Dak Lak neh dan dờp sau lơh kòn ròng bơh pôs ling dê.

Trung tá Đỗ Văn Nhuơng - Đội phó Đội lam sồr làng bol pôs ling sền gàr tiah nhàr dà lơgar Srêpôk pà git, bơh sơn rờp, mò sau dê ờ bài ai. Khi ngòt Y Phú ờ geh tơl bơta kờ` gơboh bơh cau tờm dê. Bulah bè hơ\, tơnơ\ ua\ dơ\ dan, ồng mò kung ai ală kuang bàng pôs ling rò sau rê nàng ròng siam. Nhai 8 nam 2019, ala mat pôs ling sền gàr tiah nhàr dà lơgar Srêpôk neh tus UBND xã Krông Na, kơnhòal Buôn Đôn lơh sră dờp Y Phú lơh kòn ròng. Trung tá Đỗ Văn Nhuơng yal: “Tu\ tus hìu sau dê den sau ờ sô ngan, tơnơ\ tơngai ròng siam gròi sền tus tu\ do, sau neh dờng pràn niam, să jan jơnhua, lơmă rlau, nùs nhơm ờ gam bàs sìl bè lài tai. Oh mi bol hi lơh ngan rơndap tap sèng tu\ jơ nàng ròng siam sau, bơto bơtê bơh jơnau đơs, bol hi ai bơta kờ` gơboh mờ nùs nhơm lơbơn niam nàng ròng sau gơ gơs cau niam. Sền sau bè kòn tàm hìu bơnhă, kơp kờ` sau tơnơ\ do geh dờng pràn niam mờ gơs cau geh kuơ mpồl bơtìan in”.  

Y Phú Mlô yal: Bơh ngai geh rê ơm mờ mpồl ling sền gàr tiah nhàr dà lơgar, să tờm sau geh sa hờm, geh bơto bơtê jơnau git wă mờ ală jơnau niam, jơnau di. Pah ngai, tơnơ\ tu\ jơ bơsram tàm ơdu\, oh geh tus bal ală broă lơh nhơl `o\ lơh rài bồ tơngoh, tàp pràn să jan bal mờ ală cau ling. Tu\ ờ wă jơnau bơsram mờ pơgru sồr lơh, rê tàm pôs ling, oh geh ală “bèp cèng groăt tơlir” bơto jơh nùs ngan. Lòt bơsram, oh gam geh ală cau ling ngui rơndeh ma\i pơndiang jun tus hìu bơsram mờ rò rê hờ pôs ling. Ơm mờ cau ling sền gàr tiah nhàr dà lơgar, oh geh rài kis wil tơl, bềng lìu bơta kờ` gơboh: “Mè oh dê neh chơt, ồng mò đah mè den r[ah ngan, ờ geh piang nàng kòn in sàu sa. Tu\ tus ơm mờ ală ling sền gàr tiah nhàr dà lơgar, ală wa pà sa hờm, geh nhơl `o\, geh ală wa bơ to git akhar. Nam tơnơ\ sau mut ơdu\ 1, sau hơ là geh bơsram jak nàng dipal mờ nùs nhơm bơh ồng mò, ală ling sề gàr tiah nhàr dà lơgar dê lời ai sau in”.

Mpồl ling sền gàr tiah nhàr dà lơgar càr Dak Lak gam chồl pràn broă lơh “Kòn ròng ling sền gàr tiah nhàr dà lơgar” tàm gùt càr

Broă lơh “Kòn ròng pôs ling sền gàr tiah nhàr dà lơgar” bơh Gah đơng lam Mpồl ling sền gàr tiah nhàr dà lơgar dê lam lơh nàng kờ` dong ală sau dềt kờ` bơsram geh rài kis ua\ kal ke, kòn đời mè bèp, ờ geh cau ròng siam, oh kòn hìu bơnhă geh sră dong kờl bơh dà lơgar tàm tiah nhàr dà lơgar, bơsram sră, dờng pràn tơl làm, tơnơ\ do gơ gơs là cau niam ai hìu bơnhă mờ mpồl bơtìan in. Bơh broă lơh, geh pơgồp bơnah sơlơ tơnguh bơta tam klac dờng đah ling klàng mờ làng bol ơm kis bơh jo\ tàm tiah nhàr dà lơgar, bơt bơtàu rài sền gàr dà lơgar jơh gùt làng bol pràn kơldang, kơ\ kơljap.

Đại tá Đỗ Quang Thấm-Phó chính ủy mpồl ling sền gàr tiah nhàr dà lơgar Dak Lak pà git, ală nam do, ală pôs ling sền gàr tiah nhàr dà lơgar gơ wèt gah đơng lam mpồl ling sền gàr tiah nhàr dà lơgar càr Dak Lak neh lam lơh geh cồng nha ală broă lơh “Lòt bal mờ cau ùr tiah nhàr dà lơgar”, “Sơnam pa tiah nhàr dà lơgar ram nùs làng bol [òn lơgar”, “dong kờl mờr 100 nă kơnòm bơsram, tơl nă sau 500 rbô đông pah nhai tàm broă lơh “Dong kờl oh tus hìu bơsram”, jàu pà 340 nơm “Hìu ơm tiah nhàr dà lơgar, “Hìu nùs nhơm cau ling bal”, dong kờl gàr tơl niam rài kis ai ală hìu bơnhă geh sră dong kờl bơh dà lơgar in; jàu pà sơntìl chi tam, phan ròng, phơng sih ai rlau 700 hìu bơnhă r[ah in bơtàu tơnguh lơh sa, mờ pria\ tă lơh ală broă dong kờl do gơguh tus 2 tơmàn 300 tơlak đông pah nam.

Ală sau geh dờp lơh kòn ròng ală pôs ling sền gàr tiah nàr dà lơgar tàm Dak Lak dờng pràn niam ngan

 Bè broă lơh “Kòn ròng cau ling sền gàr tiah nhàr dà lơgar”, bơh bồ nam 2019 tus tu\ do, ală pôs ling sền gàr tiah nhàr dà lơgar neh dờp ròng siam 4 nă sau geh rài kis kalke tus bơh 2 kơnhòal tiah nhàr dà lơgar là Ea Sup mờ Buôn Đôn. Broă lơh neh dong ală sau jơh bal bè phan bơna mờ nùs nhơm, pơgồp bơnah lơh gơlik bơta niam nàng ală sau in pơn jat tai geh tus hìu bơsram. Tơngai tus, Gah đơng lam mpồl ling sền gàr tiah nhàr dà lơgar càr Dak Lak geh pơn jat tai lòt sền, lam lơh ua\ broă lơh “Kòn ròng pôs ling sền gàr tiah nhàr dà lơgar” tàm gùt càr : “Ală nam pơn jat tai den sơn đờm bơh bơngă, kơnòl broă bơh ling sền gàr tiah nhàr dà lơgar dê, rài kis kal ke bơh làng bol tàm tiah nhàr dà lơgar kung bè bơta niam bơh broă lơh dê, bol hi geh pơn jat tai chồl pràn lam lơh niam broă lơh. Mpồl ling sền gàr tiah nhàr dà lơgar càr Dak Lak geh pơgồp bal mờ ală kấp, gah broă lơh, ală tiah, bơyai lơh kờp sền, cih mat ală sau geh rài kis kal ke nàng dờp ròng, dong kờl ală sau geh dờp bơta dong kờl nàng geh bơsram, geh bơto bơtê gơs ală cau niam ai mpồl bơtìan in”.

Mờ bơta kờ` gơboh bal mờ kơnòl, ală kuang bàng, cau ling sền gàr tiah nhàr dà lơgar tàm Dak Lak neh mờ gam lời ai bơta kờ` gơboh, bơta jơh nùs ai ală kòn ròng pôs ling dê in, dong ală sau brồ guh tàm broă bơsram sră, gơ gơs kơnòm bơsram jak, kòn gơ lòng sồr bơh Bác Hồ dê. Gơtùi đơs, broă lơh “Kòn ròng pôs ling sền gàr tiah nhàr dà lơgar” tàm tiah nhàr dà lơgar Tây Nguyên ngan ngồn cèng wơl cồng nha niam, sơlơ tơnguh ua\ ală broă lơh geh kuơ bơh ală cau ling sền gàr tiah nhàr dà lơgar dê tàm tiah nhàr dà lơgar dê.

Cau mblàng K’Duẩn