VOV4.K’ho - Đah atbồ drà kă bro càr Dak Lak neh tơl^k kơrnoăt lơh glài mờ priă 110 tơlăk đong gơwèt mờ 2 hìu kă bro xăng jờu tài ờ lơh jăt broă tơmù khà priă xăng jăt mờ kơrnoăt geh ai.

Bè hơ\, mìng tàm 1 nhai do, càr Dak Lak neh go\, lơh glài rơlao 10 dơ\ tìs bè broă kă bro xăng jờu tàm càr do, tơmu\t tàm kes priă rơlao 1 tơmàn đong. 2 mpồl lơh sa pa gơtìp đah atbồ drà kă bro càr Dak Lak lơh glài mờ priă là hìu tăc xăng jờu Toàn Thịnh Phát mờ hìu tăc xăng jờu Đức Năng 1 tàm kơnhoàl Cư\ Mgar.

Đah atbồ drà kă bro càr Dak Lak pà g^t, bal mờ broă lơh glài mờ priă, ai bơh tàm tu\ sền gròi, ală mpồl lơh sa do gam gơtìp tă tai priă geh kuơ ờ di pal tài kơnờm mờ khà ờ ndrờm khà priă tăc xăng jờu bơh 15 jơ ngai 13 nhai 4.

Jăt đah atbồ drà kă bro càr Dak Lak yal, bơh bồ nam do, bơta tìs tàm gah kă bro xăng jờu tàm càr do gơbàn kal ke ngan. Tàm hơ\ geh tơngo\ dô pồn tă dia bơh ờ uă mpồl lơh sa kă bro tu\ ai phan tus tàm ală hìu tăc mơya ờ ngui sră cih khà priă tăc.

Cau mblàng Ndong Brawl