VOV4.K’ho - Bơh àng drim gờ` ngai òr (11/11), mìu càl dờng sồ 6 neh gơbàn uă ngan tus mờ uă kơnhoàl tàm càr Dak Lak, tàm hơ\ gơbàn uă ngan là kơnhoàl Lăk, rơlao 300 hìu làng bol gơtìp gơbam dà mờ koh gơl is.

                                            Dà neh lơh gơbam tàm gơl gùng lòt gan xã Buôn Tría, kơnhoàl Lăk

Tàm ală xã Yang Tao, Dak Liêng gơwèt kơnhoàl Lăk, càr Dak Lak geh uă bă sre kòi, phan tam ờ jo\ tơngai bal mờ [òn ơm kis gơtìp gơbam tàm dà. Tàm hơ\ xã gơtìp gơbam dà uă ngan là Dak Liêng, tu\ geh tus 6 [òn gơtìp koh gơl tài dà tih.

Mìng is ală [òn Bàng, [òn Yang Lah 1 mờ Yang Lah 2 gơtìp gơbam ờ uă gơl. Bal mờ kơnhoàl Lăk, mìu càl dờng sồ 6 kung neh lơh aniai tus mờ ală kơnhoàl Krông Năng, Ea Kar, Mdrăk, Krông Bông mờ Krông Ana, mìu sơr bal mờ càl pràn neh lơh gơpừ uă phan tam, lơh gơbam uă bă ù tam phan ờ jo\ tơngai tàm tiah thòng mờ ờ uă bơtơ\t dơng dà tàm ală gùng lòt.

Tềng đap ală gơlik geh bơh mìu càl dờng sồ 6 dê, UBND càr Dak Lak mờ ală sở, gah broă lơh, ală tiah neh rơcang lài broă lơh rơcang sơndră mờ càl dờng do.

                           Gơl gùng tàm [òn 22, xã Cư\ Bông, kơnhoàl Krông Bông gơtìp tơrlah

Ală tiah neh ntrờ` làng bol tàm tiah ngòt rơngơ\t tus tiah ờ do ờ dă; rơcang lài sơndră mờ bơta gơlik geh dà ko\ dà cò, tơrlah ù tàm ală dà dờng, dà croh, ngơr bam dà; ai mpồl lơh broă sùm tàm ală tiah rơbòng lìu dà gơtìp ngơr bam jrô.

Ală mpồl atbồ tơnau dà gam lơh ală broă lơh rơcang sơndră nàng kờ` gàr niam ờ do ờ dă tơnau dơng dà mờ làng bol kis tàm tiah đah jum in. Gah đơng lam ling klàng càr, gah đơng lam mpồl ling sền gàr tiah nhàr dà lơgar, Kuang àng càr rơcang lài mpồl cau lơh broă, phan bơna, gam dong kờl ală tiah, dong kờl làng bol sơndră mờ mìu càl dờng sồ 6.