VOV4.K’ho – Drim òr (09/7), HĐND càr Dak Lak mut pơrjum dơ\ 8, HĐND càr khoá 9, tơngai lơh broă bơh nam 2016 tus nam 2021. Jat jơnau yal tàm dơ\ pơrjum, uă jơnau kờ` bơtàu tơnguh lơh sa mpồl bơtìan nam 2019 bơh càr dê geh đơs là ờ gơtùi lơh gơs dilah ờ geh ală bơta tam gơl dờng.

Tàm 6 nhai bồ nam, khà ai tơlik phan lơh gơs bơh mpồl bơtìan càr Dak Lak dê kơờ du\ geh rlau 21 rbô 600 tơmàn priă, ndrờm mờ 38% broă rơndap lơh, gơguh 6,8% pơn drờm mờ bal tu\ nam lài. Tă dia kờp du\ geh 3 rbô 300 tơmàn priă, ndrờm 48,8% broă rơndap lơh tàm nam, gơguh rlau 13% pơn drờm mờ bal tu\ nam lài.

Jat ală kuang bàng đơs, mờ broă rơndap lơh kờp jơh phan bơna lơh gơs bơh mpồl bơtìan tàm gùt nam ai tơlik là 56 rbô tơmàn priă, gơguh lơh sa bơh 8,7 tus 9%, loh làng là kơnòl broă gam wơl tàm 6 nhai lồi nam là kơnjơ\ kơnjut ngan, digơlan ờ gơtùi lơh gơs broă rơndap lơh dilah ờ geh bơta tam gơl pa tàm broă lam lơh bơcri priă mờ ngui ală rơndap broă lơh dờng, ală broă lơh kuơ màng bơh càr dê.

Cau mblàng K’Duẩn