VOV4.K’ho - Mờ jơnau kơ\p kờ` cèng tus ală bơta phan sa hữu cơ kloh, niam ờ do ờ dă ai cau ngui sa in, uă cau kơnòm să tàm càr Dak Lak neh wèt tus broă lơh, mu\t lơh sa mờ broă lơh sa suơn sre hữu cơ.

Ală broă lơh do gam rơgời jòi geh anih tăc tàm drà kă bro, pơgồp bal tàm broă lơh tam gơl bồ tơngoh kơlôi sơnơng mờ ngui sa bơh làng bol dê bè phan sa kloh niam, ờ do ờ dă.

Rơlao 6 nam lơh jăt broă lơh sa suơn sre kloh niam, ală phan geh lơh bơh H.T Farm (sơnah [òn Thành Nhất, [òn dờng Buôn Ma Thuột) neh geh anih tăc ring niam tàm ală hìu tăc phan kloh niam tàm càr Dak Lak mờ [òn dờng Hồ Chí Minh.

                             Lơh sa suơn sre hữu cơ geh uă cau kơnòm să rơwah kờ` mu\t lơh broă

Pah ngai, H.T Farm tăc tàm drà geh bơh 1 tạ tus 1 tạ nggùl biăp, kơnuh, plai chi ală bơta. Tu\ geh uă ngan, anih lơh sa suơn dờng do tăc geh bơh 4 tus 5 tạ biăp, kơnuh, plai chi ală bơta pah ngai mờ khà geh bơh 30 tus 55 rơbô đong tàm dùl k^.

Broă lơh bơh anih lơh sa suơn dờng neh dong kờl ai geh broă lơh ring niam 6 nă cau lơh broă tơn tàm do in mờ khà priă nhai geh bơh 4 tus 5 tơlăk đong pah nhai.

Bi Ngân Đức Khoa, cau tòm lơh sa suơn dờng H.T Farm pà g^t, kờ` gàr niam mờ geh tơl phan tăc mờ drà kă bro, bi neh pơgồp bal mờ 3 hìu làng bol, tam pà bal broă lơh mờ sền gròi bal tàm broă lơh.

Tu\ do, anih lơh sa suơn dờng neh pơgồp bal mờ drà kă bro ring niam mờ công ty TNHH Rau cười Việt Nhật mờ công ty TNHH Nico Nico Yasai, gàr niam broă blơi jơh phan geh lơh:

-Làng bol sơlơ kờ` phan phan geh lơh kloh niam uă rơlao. Tu\ do, drà tăc ring niam mờ ngai sơlơ geh tơnguh bơtàu. Uă cau g^t tus mờ he mờ cau jòi tus den tàng tu\ do tơl phan kờ` tăc.

Den tàng, tus do he pờ ơnàng bă ù tam biăp mờ pờ tai wàng ròng sur bal mờ tam tòm chi sa plai kờ` geh uă bơta phan geh lơh. Pơgồp bal mờ ală hìu làng bol lơh jăt broă lơh bơh broă lơh sa he dê mờ blơi jơh phan geh lơh bơh làng bol dê.

Kung lơh sùm mờ broă tơnguh bơtàu lơh sa jăt broă lơh sa hữu cơ pơgồp bal mờ lơh nhơl chờ, broă lơh suơn niam tàm xã Cư\ Êbur, [òn dờng Buôn Ma Thuột gam pờ ơnàng bă ù kờ` tơnguh khà biăp, kơnuh tăc mờ drà kă bro mờ gơs là anih tus sền kờ` g^t ai ală cau kơnòm să in.

    Bi Phan Nguyên Bic (đah kiao) yal mờ mpồl kuang bàng đơng lam càr Dak Lak bè biăp thuỷ canh

Bi Y Thơ Hwing, cau tàm mpồl lơh suơn niam yal, bu\ lah mìng rơ\p lơh broă, mơya kơnờm mờ broă pơgồp bal lơh sa suơn sre mờ lơh nhơl chờ den tàng phan geh lơh bơh suơn niam gam rơhời geh uă cau sền gròi. Uă cau năc tàm [òn dờng Buôn Ma Thuột mờ tiah gùt dar neh dan broă jào biăp tus tàm hìu pah nhai mờ khà priă geh bơh 500 tus 650 rơbô đong pah nhai.

Mờ khà kờ` tam gơl broă mờng ngui sa phan kloh niam bơh làng bol, mpồl lơh broă do gam wèt tus broă lơh niam rơlao tai ală phan geh lơh tu\ do.

-Suơn geh ală broă lơh krơi is ai ală hìu nhă tàm [òn dờng Buôn Ma Thuột in. Bè ai jăt khà phan neh geh lài bơh ală hìu nhă dê.

Jăt mờ broă kờ` bơh tơl hìu nhă mờ bol a` ai jăt mờ broă kờ` bơh cau ngui sa dê. Tàm tơnơ\ do, bol a` kờ` suơn tơnguh bơtàu tàm broă lơh, tam gơl biăp, kơnuh, plai chi gơs ală phan ngui sa ndai, bè snack ha là ală bơta phan hùc.

Tơnơ\ mờ mờr 4 nam ngui broă tam biăp thuỷ canh tàm hìu jàl tàm càr Dak Lak, tus tu\ do, công ty cổ phần lơh sa suơn sre công nghệ cao Agrieco Việt Nam neh pờ tai anih lơh broă tàm ờ uă càr tàm Tây Nguyên mờ tiah tàm gùl dà lơgar.

                                   Bi Y Thơ Hwing tơnhào biăp kloh tàm suơn niam

Tàm càr Dak Lak, công ty geh 2 broă lơh hìu jàl mờ kờp jơh bă ù geh mờr 6 sào geh lơh tàm [òn dờng Buôn Ma Thuột mờ kơnhoàl Cư\ Mgar. Pah nhai tăc geh tàm drà kă bro di pơgăp 30 tấn biăp ală bơta.

Bal mờ broă tăc tus [òn dờng Hồ Chí Minh mờ Hà Nội, phan geh lơh bơh công ty gam geh tăc tàm siêu thị mini Vinmart tàm [òn dờng Buôn Ma Thuột. Tu\ do geh 6 nă cau lơh broă tàm do drơng broă tơnhào mờ lơh gơs ing phan ngui sa tàm suơn công ty mờ khà priă nhai bơh 5 tus 6 tơlăk đong pah nhai.

Bi Phan Nguyên Bic, kuang atbồ công ty cổ phần lơh sa suơn sre công nghệ cao Agrieco Việt Nam pà g^t, công ty do gam pơn jăt tai lơh uă rơndăp broă lơh, dong kờl crăp broă lơh hìu jàl drơng tàm broă lơh sa suơn sre, pơgồp bal mờ ală farm thuỷ canh tàm tiah do kờ` ring niam khà phan geh lơh, gàr niam broă tăc biăp thuỷ canh.

Bơdìh hơ\ tai geh wèt tus broă nhơl chờ lơh sa suơn sre kờ` tơnguh uă bơta kuơ phan geh lơh, tus rềp bal rơlao m cau ngui sa.

-Broă lơh hìu jàl geh uă bơta kuơ, lơh sa jăt broă lơh do tơmù tu, phan lơh aniai, bơh tu\ hơ\ tơmù broă ngui sơnơm sền gàr phan tam mờ dong kờl sền gròi ală bơta bè sùh iò tàm ù, bơta duh ha là ală bơta ndai bè tiah kis bơh phan tam geh niam.

Tus do công ty kung neh lơh uă rơndăp broă wèt tus broă lơh sa suơn sre công nghệ cao. Tàm ală tiah tàm càr Dak Lak den kung geh uă rơndăp broă mờr geh lơh, kờ` geh tus mờ khà tam gơl bồ tơngoh kơlôi sơnơng bơh cau ngui sa, tàm hơ\ uă ngan là tàm Tây Nguyên do, uă ngan là bè biăp tơlir, biăp thuỷ canh.

Phan sa kloh niam,  do  dă ngai sơlơ geh uă cau ngui sa sền gròi ngan mờ rơwah kờ` sền gàr bơta pràn kơl dang să jan ai ală cau tàm hìu nhă in, tàm hơ\ uă ngan là phan sa gơtìp [ơ\, ờ kloh niam gam geh tăc uă tàm drà kă bro tu\ do.

G^t bè bơta do, uă ùr ơruh klao pơnu tàm càr Dak Lak neh lơh ngan rơwah broă lơh sa suơn sre jăt broă lơh hữu cơ, niam ờ do ờ dă lơh gùng dà broă lơh kờ` mu\t lơh broă.

Bơh tu\ hơ\, pơgồp bal tàm broă ai geh priă tàm rài kis, tơnguh broă lơh sa să tòm, mờ rơhời lơh tam gơl bồ tơngoh kơlôi sơnơng mờ rơwah broă ngui phan sa kloh niam làng bol dê.

Cau mblàng Ndong Brawl