VOV4.K’ho- Bu\ lah ờ hềt geh cau gơtìp kòp Covid-19, mơya ală bơta gơbàn bal bơh kòp Covid-19 neh lơh uă ngan tus mờ rài kis mpồl bơtiàn tàm càr Dak Lak.

Loh làng ngan là rài kis bơh cau lơh broă, cau geh bơta ờ pràn mờ cau rơ[ah. Tam pà bal bơta `jơ\ mờ ală rài kis kal ke tàm mpồl bơtiàn, ală ngai do, ală mpồl lơh broă, ală cau neh hòi jà tă uă bơnah phan pà geh kuơ kờ` pà ală cau kal ke in. Ală broă lơh niam bơne\ do neh dong kờl uă cau sơrlèt mờ kal ke tàm tơngai kòp gơtòp.

Rê tàm hìu hờ xã Ia J’Lơi, kơnhoàl Ea Súp tài pal ơm 15 ngai kờ` pleh mờ kòp, lo\ Nguyễn Thị Mỹ Hạnh ờ su\k ngan tu\ anih lơh broă yal mìng gơtùi tơm lo\ in priă nhai tòm là 1 tơlăk 800 rơbô đong tàm 1 nhai. Lo\ Hạnh pà g^t, khà priă nhai ờ uă do mìng tơl tàm broă tơm priă hìu ơm bal mờ priă ồs đèng, priă dà. Priă sào sa pal kơ\p mờ broă dong kờl bơh mè bèp.

                 Mpồl cau lơh broă nùs nhơm dong kờl pà phan ală cau geh rài kis kal ke in

Bơta ờ su\k bơh lo\ Hạnh geh tơn jơh tu\ mho ngai 04 nhai 4, lo\ geh cau tòm hìu ơm ơpah yal geh tơmù khà priă hìu ơm nhai 3 mờ ờ tă priă tàm nhai 4 do. Lo\ Hạnh chờ hờp ngan tài broă lơh niam bơne\ do bơh cau tòm hìu:

-Tơnơ\ mờ tu\ kơno yal den a` kung ưn ngài bi Huyền. Rài kis tu\ do cau lơi kung pal ơm lơh broă, bi hơ\ ai bol a` in bè do den chờ hờp ngan.

Tam pà bè broă ờ tă priă ơpah hìu ơm ai 9 hìu tàm hìu nhă dê, lo\ Lê Thị Thanh Huyền, cau tòm hìu ơm sồ 504/15 gùng Lê Duẩn pà g^t, sền rài kis ală cau bơsram dờng mờ cau lơh broă tàm hìu ơm ơpah pal ơm lơh broă, ơm ờ lòt bơsram kờ` sơndră mờ kòp, lo\ kơlôi pal geh broă lơh lơi nàng tam pà bal tu\ kal ke mờ ală cau. Mờ broă ờ tă priă hìu ơm là broă lo\ pal geh lơh tu\ do:

-A` kơlôi là kòp gơtòp Covid-19 là bơta moăt bal bơh gùt kòn bơnus dê mờ a` kung kờ` pơgồp bal bơnah dềt ngan să tòm a` dê ai dùl nă cau lơi in bal mờ ală cau bơsram dờng pah ngai ơm kis tơn mờ bol a` den a` dong kờl ală cau đềt mềr bè hơ\ lài.

Lơh jăt Chỉ thị sồ 16 bơh Thủ tướng Chính phủ dê, tam cah is gùt mpồl bơtiàn, uă cau lơh broă gơtìp ờ geh broă lơh, lơh rài kis bơh ală cau do sơlơ kal ke.

Tàm ală ngai do, uă mpồl lơh broă, cau dùl nă să tàm càr Dak Lak neh hòi jà tă geh ală bơnah phan pà là phan ngui sa kờ` pà g^t nđờ rơhiang nă cau geh rài kis kal ke tàm càr in.

Uă oh mi cau ùr geh rài kis kal ke geh dờp dà rào tê lơh kloh vi khuẩn mờ chèo gòm muh măt ờ sa priă

Dờp phan pà geh [ung mi, phe, dà toh, dà màn, boh, dà tơngi geh mpồl lơh broă nùs nhơm dong kờl “Jăt nùs nhơm sồr” tàm [òn dờng Buôn ma Thuột pà, bi Lê Công Tiến, kis tàm sơnah [òn Tân Tiến, [òn dờng Buôn Ma Thuột pà g^t: bi là cau jơngo măt, kis mờ broă lòt tăc pơnơs jăt gùng.

Lơh jăt Chỉ thị sồ 16 bơh Thủ tướng Chính phủ bè broă tam cah is mpồl bơtiàn, bi neh ơm ờ lòt tăc phan kờ` ơm tàm hìu sơndră mờ kòp. Bơnah phan pà bơh mpồl lơh broă nùs nhơm dong kờl bu\ lah ờ uă, mơya neh dong kờl bi mờ uă cau geh rài kis ndrờm bal sơrlèt mờ ală ngai kal ke.

-Kơnờm mờ mpồl lơh broă nùs nhơm dong kờl neh dong kờl ai ală cau koe\t kơl te bè bol a` sơrlèt mờ tơngai kal ke tàm tu\ ờ gơtùi lòh lơh broă.

Kung kơnờm mờ khà phan pà bơh cau geh nùs nhơm niam, neh dong kờl bol a` tàm tơngai dà lơgar sồr tam cah is tài kòp gơtòp. Bol a` kung gam lơh jăt nền nòn bè broă do, kơ\p kờ` lơgar Việt Nam mhar jơh kòp.

Ờ mìng geh dong kờl bè phan sa, phan ngui, uă cau geh rài kis kal ke tàm càr Dak Lak gam geh ală mpồl lơh broă, cau dùl nă să pà gời dà rào tê lơh kloh vi khuẩn mờ chèo gòm muh măt tai.

Là cau gam lơh jăt broă mai phan pà gời cau rơ[ah in, mò Nguyễn Thị Tân, kis tàm thị trấn Quảng Phú, kơnhoàl Cư\ Mgar pà g^t: bu\ lah là cau ờ chài ngan tàm broă mai phan, mơya tơnơ\ mờ tu\ mpồl cau ùr thị trấn lam sồr mai chèo gòm muh măt pà gời ală cau rơ[ah in kờ` rơcang sơndră mờ kòp Covid-19, mò neh lơh ngan tu\ ru kờ` koh, mai chèo gòm muh măt.

Tu\ do mò neh mai gơs 300 nơm chèo gòm muh măt mờ biày, di lah pơn jăt tai geh biày, mò Tâm kung gam mai tai chèo gòm muh măt nàng pà gời ai ală cau in kờ` tus mờ tu\ jơh kòp gơtòp.

-Oh mi kung lam sồr ờ uă cau kờ` lơh jăt broă mai chèo gòm muh măt kờ` pà gời cau rơ[ah tàm do in. Đơs ngan là a` neh mai nàng di tu\ tàm kàl kòp gơtòp den ờ ngòt gơbàn bơta lơi tus mờ broă lơh să tòm. Mìng là drơng kờ` di tu\ broă rơcang sơndră mờ kòp in.

Broă lơh niam bơh ală mpồl lơh broă, ală cau neh mờ gam wèt tus mờ ală cau geh rài kis gơtìp kal ke tàm tơngai kòp gơtòp do neh pơgồp tai bơta pràn kờ` ală cau kal ke sơrlèt mờ kal ke tàm rài kis, dùl nùs bal mờ gùt lơgar kơrian kòp Covid-19 gơtòp.

Cau mblàng Ndong Brawl