VOV4.K’ho- Là dùl tàm ală [òn r[ah ngan rlau jơh tàm xã Ea Kuêh, kơnhoàl Cư Mgar, càr Dăk Lăk dê, rài kis bơh làng bol kòn cau Sơdàng dê gam tam gơl pah ngai kơnờm bơh tu\ geh gùng che đèng dà lơgar dê. Tơl bă sươn, tơl bă mìr ndrờm gơ gơs tơlir niam rlau; tơl hìu bơnhă ndrờm àng sơndah mờ ram mhu\ pah tu\ tus trồ mho mang; lơh sa bơh tơl hìu bơnhă dê tàm [òn kung gam tàm gùng dà bơtàu tơnguh sùm pah ngai.

Rơ\p mìng rlau 2 nam geh đèng mờ lơh sa bơh hìu bơnhă bi Triệu Tiến Đức dê ơm tàm [òn Sơdàng neh bơtàu tơnguh uă ngan. Hìu đam geh lơh dờng ơnàng mờ niam bơne\ ngan, sươn tiêu hòn gơs tơlir niam ngan mờ rà ngan plai. Bi Đức pờ cầu dao, măy [ồm dà gơ ntoăt niam ngan.

Tơnơ\ hơ\, bal mờ ală ding dà mờ bec geh ơn lài, jơh dùl sươn chi geh tuh is dà mờ ờ duh pal pờ măy nổ, hoài ding dà lòt tus tơn tờm kơphê nàng tuh bè lài. Jăt kờp du\ bơh bi dê, bal mờ rlau 1 rbô tờm tiêu mờ 1 lồ 7 sào kơphê bơh hìu bơnhă dê, pah nam bi pal tu\ bơh 4 tus 5 dơ\ dà.

Dilah ntoăt mờ măy nổ den dùl dơ\ kung jơh pơgăp 4 tơlak đong priă blơi zờu mờ gi\t nđờ jơ\t nă cau lơh broă. Tu\ do geh đèng, tuh dà is den priă tă ờ go\ uă ir, kơnờm bè hơ\ mờ hìu bơnhă bi geh tai priă jền nàng tềm pềr. Jăt tàm bơta hơ\, bi gam kơlôi rề ơnàng tai broă lơh sa, tam tai 7 sào kơphê mờ tiêu nàng bơtàu tơnguh rài kis hìu bơnhă. Rài kis, lơh sa jơh ală bơta tàm rài kis, kung gơ gơs [ươn ngan rlau pơndrờm mờ lài do.

Bi Triệu Tiến Đức chờ hờp, đơs bè do: Lài do ngui đèng măt tơngai den kung ntoăt bìng sơl, pah nam blơi dùl bình pơgăp 8 ampe, mìng gơtùi sền ti vi lơm gời. Geh đèng den geh ngui tùh mrềt, bồm dà sơl. Geh đèng den jơh ală broă [ươn ngan, lơh sa 2 nam rềp ndo den nggờc nggờr rlau, ờ huan bòl glar rlau. Pơndrờm mờ ală nam lài den bơh 20 tus 25 tơlak, ai tu\ do den 40 tus 50 tơlak đong.

Công nhân Công ty ồs đèng Dăk Lăk crăp bong đèng ai làng bol [òn Sơdàng in

Lơh sa bơtàu tơnguh, làng bol tàm [òn Sơdàng dê tàm bơto sồr bal mờ gơ\p ai oh kòn in lòt bơsram nàng gi\t sră, mờ geh bơta gi\t wa\. Geh đèng broă bơsram sră bơh kơnòm dềt dê tàm [òn kung gơ [ươn rlau uă ngan. Ùr pơgru Nguyễn Thị Tình, ătbồ ơdu\ 4A1, Hìu bơsram Kấp dùl Lý Tự Trọng, phân hiệu [òn Sơdàng dê yal, lài do tu\ ờ hềt geh đèng, broă bơsram sră bơh ală oh dê tàm [òn bòl glar ngan. Ngai trồ tơngai den duh tơ àl ngan, ờ jai ngan kong, ală ngai tìp trồ mìu càl dờng den tàm ơdu\ bơsram klam jơngo ngan, pơgru bal mờ kơnòm bơsram pal pờ dờng màng nàng wìn [ư tơl akhar bơsram. Ai kờp bơh dì tu\ geh đèng tus tu\ do, broă bơsram sră bơh ală dê neh niam rlau uă ngan, pơgru den gam gơtùi ngui măy tính, măy pờ, ngui măy mok yal tơngi\t jơnau nàng ală jơnau bơto gơ gơs duh hồl, ngan ngồn rlau, gơhòi gơ jà, lơh gơkờ` ală oh uă rlau.

Ùr pơgru Nguyễn Thị Tình, đơs bè do: Trồ mờ mìu den là klam jơngo ngan, ờ sền go\ gùng ờ, jơh bal a` mờ kơnòm bơsram cih jơnau mờ sền tềng k[àng kal ke ngan go\. Tu\ trồ tơngai, duh den ală kơnòm bơsram nhơl, ntoăt tu\ mu\t den duh ngan, gơlik jơh dà pơhàl. Bơh dì ngai geh đèng, geh chi puh geh đèng den jơnau hơ\ neh niam rlau, ờ duh pal kơlôi rcăng tai bè jơnau hơ\.  

{òn Sơdàng tu\ do geh 130 hìu bơnhă, 499 nă làng bol, tàm hơ\ geh rlau 90% là làng bol kòn cau. Do geh sền là [òn kal ke ngan rlau jơh bơh kơnhoàl Cư Mgar dê. Tơngai lài mờ nam 2018, làng bol tàm [òn sơlơ pal kong uă siău siar rlau tu\ ờ geh đèng nàng ngui tàm rài kis mờ tuh dà tờm chi tam in. Ngai hơ\ ờ geh đèng, gùng lòt kal ke tơl ală bơta, uă cau ờ jai kong den tàng neh lòt dô tiah ndai.

Công nhân Công ty Ồs đèng Dăk Lăk sền gàr gùng che đèng ai làng bol [òn Sơdàng in

Ồng Triệu Dương Thế, Kuang ătbồ [òn kah wơl, bồ nam 2018, dơ\ sơnrờp sền go\ bơta àng bơh gùng che đèng dà lơgar dê, làng bol tàm [òn cau lơi cau hơ\ ndrờm chờ hờp ngan gi\t lơh. Ngai hơ\, kung là tềl kah sơnđờm ai ală tam gơl mpờl go\ loh làng tàm kơnhoàl ù tiah do. Tu\ do, tàm tơl hìu, làng bol kung neh blơi geh tơl ală phan ngui mờ đèng drơng tàm rài kis hìu bơnhă in. Jơh ală gùng dà broă lơh bơh Đảng dê bè hơ\ den tàng kung [ươn gơ tus geh mờ làng bol rlau. Làng bol neh iang nùs gàr ù, lơh ngan brồ guh lơh pas; broă rơndăp lơh, broă rcăng bơcri priă tàm broă lơh sa neh bơtàu tơnguh rài kis kơ\p kờ` sùm bơh jo\ tu\ do sơlơ geh tai tu\ [ươn nàng lơh.

Ồng Triệu Dương Thế, Kuang ătbồ [òn Sơdàng, đơs bè do: Bơh dì tu\ geh đèng den cau lơh broă sa tàm do jơh ală broă tàm rài kis pah ngai tàm hìu bơnhă, geh blơi phan bơna lơh bơka niam rlau. Bàr nam lài den mìng pờ àng tàm trồ mang lơm, bơh dì tu\ geh đèng den hìu bơnhă blơi ti vi, tùh mrềt, măy pìh phan, tuh dà, um dà ndrờm geh tơl lơm. Đơs bal là dong geh làng bol bơtàu tơnguh lơh sa ngai sơlơ bơtàu tơnguh rlau tai.

Rơndăp broă lơh đèng ai [òn Sơdàng mờ [òn Jrai in tàm xã Ea Kuêh gơ wèt Rơndăp broă lơh đèng [òn lơgar bơh gùng che đèng dà lơgar dê tơngai dơ\ 1 bơcri lơh ai bàr pe thôn, [òn geh jơnau kờ` jal mhar bè đèng bơh Sở Công thương càr lơh cau tờm bơcri priă.

Broă lơh geh ai mu\t ngui ngan là bơnàng jă nàng làng bol in kơ\ kơl jăp rài kis, rcăng lài jòi gùng dà bơtàu tơnguh lơh sa, lơh ngan pơđơl pràn klàs bơh r[ah mờ brồ guh lơh pas. Broă lơh đèng tàm [òn Sơdàng neh dong tơl ală bơta bè lơh sa sươn sre, lơh geh bơta pràn dong bơtàu tơnguh lơh sa, bơtàu tơnguh rài kis ai làng bol tàm tiah do in.

Cau cih Nam Trang- Cau mblàng Lơ Mu K’Yến