VOV4.K’ho – Mho òr (17/9), Mpồl kuang bàng bơh Ban Lơh sa dà lơgar bơh ồng Nguyễn Văn Tiến, Kuang atbồ Vụ Nông nghiệp mờ Phát triển Nông thôn lơh kuang atbồ mpồl neh geh dơ\ lơh broă mờ UBND càr Dak Lak bè broă tam tờm kau su tàm càr. Gùt càr tu\ do geh mờr 37 rbô 800 lồ kau su, tàm hơ\ geh rlau 25 rbô 700 lồ neh gơtùi còr  bơ sơt, khà lơh geh rlau 30 rbô 400 tấn. Jat Kuang ala mat Sở Nông nghiệp mờ phát triển nông thôn Dak Lak dê yal, mìng geh 4 mpồl lơh sa kă bro dờng bơh càr dê gơtùi lơh tờm bơta chài tam sơngka sền gàr mờ công nghệ lơh gơlik, den tàng lơh broă geh cồng nha.

Tàm khà 31 tơlak priă tàm 1 tấn bơ sơt kau su bè tu\ do, ală mpồl lơh sa kă bro lơh geh priă cồng mờr 2 tơlak tàm 1 tấn, gàr kơ\ broă lơh mờ priă lơh geh cau lơh broă in. Broă rơndap lơh tus nam 2030 dê là bă kau su càr Dak Lak geh gàr kơ\ tàm khà 40 rbô lồ, khà lơh geh gơguh tus 64 rbô 500 tấn. Jat ồng Nguyễn Văn Tiến đơs, Dak Lak pal sền wơl rơndap ù tiah lơh sa suơn sre đơs bal mờ kau su đơs is nàng gàr niam cồng nha bè lơh sa mờ tiah ơm kis.

Cau mblàng K’Duẩn