VOV4.K’ho- Kờp bơh lồi nhai 8 pa do, sầu riêng tăc mờ lơgar ndai tàm Dăk Lăk mu\t tàm kàl tờm. Bơh tu\ brồ guh gơ gơs là phan phan rbô tơmàn, sầu riêng neh gơs gơs là gùng dà bơtàu tơnguh pa bơh làng bol tiah do dê. Kung ngan tài bơh lơh geh uă mờ tăc yòm ngan tai den tàng ală nam do tu\ sùm gơguh uă ngan bè khà priă tăc, geh tu\ tăc gơguh tus rlau 90 rbô đong tàm dùl ki\ tàm lồi kàl nam lài. Mơya, tus dì nam do, ală jơnau kơlôi rcăng neh sơnđờm geh tu\ bă ù tam sầu riêng gơguh, priă tăc den gơmù wơl mìng gam ndrờm mờ nggùl khà lơm mờ geh tu\ là lơyah rlau uă ngan pơndrờm bal dùl tu\ mờ nam 2018.

Bulah trồ mìu, ală rơndeh công nông, rơndeh lơ òr, rơndeh măy 2 nơm bài pơndiang plai sầu riêng gam kung ur ar pơndiang tus tàm ală anih blơi, geh lơh jat kềng gah gùng rơndeh dờng 26, gơ wèt ù tiah xã Ea Kênh mờ Ea Yông, kơnhoàl Krông Pach dê. Tàm dơlam ală anih blơi phan, ală cau lơh broă tam pà gơs tơl mpồl, cau den ìa ngkơr pềs, pờng tàm tơl plai sầu riêng nàng kờ` gi\t bơta dum ngan bơh plai dê, cau den ìa ding sơng dà, gai sơng dà lơh tềl, tơnơ\ hơ\ sồng jun tus tàm tiah ơm kơ\p kơng ki\. Bi Nguyễn Đình Toàn là dùl nă cau kă phan cèng sầu riêng tus tăc mờ đại lý, pà gi\t: Khà priă sầu riêng kàl do lơyah rlau mờ nam lài uă ngan mờ broă blơi, sac rwah kung geh lơh nền nòn ngan sơl:

Do là plai kơmhò bè ờs, tăc mìng geh 30 rbô đong lơm tàm dùl ki\. Ai plai sầu riêng kơmhò tơlir den tăc rlau 40 rbô đong tàm dùl ki\. Sầu riêng mờ [ồm sơnơm den khi ờ blơi. Mờ đơs bal là tu\ do khi blơi kal ke ngan. Lik mu\\t tàm do khai gam sền wih sền wơl tai. Ală nam lài den geh nđờ là blơi jơh tơn den tàng a` lòt uă ngan. Mơya nam do, a` lòt dô êt te\ lơm, jòi đau bàr pe rhiang rbô lơm. Blơi uă ngòt ờ geh cồng mờ digơlan gơtìp hoàc hươr tai.

Cau lơh broă sa drơm trồ mìu lòt tăc sầu riêng mờ priă tăc mìng rlau mờ nggùl khà priă tăc kờp bal bơh nam 2018 dê

Bal mờ priă tăc ờ hềt ndrờm mờ 60% kờp bal mờ kàl lài, mờ mìng ndrờm mờ 40% tơngai lồi kàl lơm, uă ngan cau lơh broă sa tàm tiah tam uă sầu riêng bè Ea Kênh mờ Ea Yông, kơnhoàl Krông Pach, kung gam ờ hềt pik plai sơl. Bi Y Vem Niê ơm tàm [òn Yông 1, xã Ea Yông pà gi\t, nam lài, hìu bơnhă tăc tơn bơh bồ kàl bal mờ priă tăc geh 60 rbô đong tàm dùl ki\, tơnơ\ hơ\ pal ai lơh pơlai soh ngan tài bơh priă tăc gơguh tus 70 rbô đong dùl ki\, mờ tơnơ\ hơ\ jơnhoa ngan rlau jơh là 97 rbô đong dùl ki\. Tài bè hơ\, den tàng nam do, bi geh lơh ngan ơm kơ\p tus tu\ plau sầu riêng tăc gơguh priă den hơ\ sồng tăc, bulah plai neh dum ir tàm tờm chi digơlan gơtìp gơmù ki\.

Nam lài, a` tăc geh rlau jơ\t tấn, tàm sươn khi blơi tơn 60 rbô đong dùl ki\. Nam do, kung neh geh sơl cau tus lùp blơi mơya hìu bơnhă ờ hềt bài kờ` tăc, tài bơh khi dan blơi mìng 42 rbô đong lơm den tàng hìu bơnhă ờ hềt tăc. Digơlan là ơm kơ\p tus lồi poh halà tus poh tơnơ\ làng sền priă tăc geh gơguh sơl halà ờ. Dilah gơjrùh plai den pal tăc tài bơh plai dum ir. Dilah pik bơh tờm chi den geh kơn jơ\ ki\ rlau, plai dum ir geh gơmù ki\.

Jăt ồng Trần Thành Vinh, Chủ tịch Ủy ban Nhân dân xã Ea Kênh, kơnhoàl Krông Pach dê yal, nam do, bă sầu riêng geh plai tàm xã gơguh tus 5 dơ\ pơndrờm mờ nam 2018, tài bơh geh 400 lồ tai sơnđờm geh plai. Ồng Vinh đơs là, broă priă tăc sầu riêng lơyah tàm tơngai tu\ do ờ go\ di là tài bơh jơnau tăc- blơi ờ. Bơta geh ngan pà go\, cau kă phan sùm đơs kal ke tàm drà lơgar Lo nàng blơi mờ khà priă lơyah tàm bồ kàl. Bè tàm nam lài, khà priă tăc bơh sơnrờp mìng geh 55 rbô tus 60 rbô đong lơm mơya tus lồi kàl den gơguh tus 91 rbô đong tàm dùl ki\. Nàng cau tam sầu riêng ờ gơtìp bơcăp khà priă, ală xã geh sầu riêng tàm Krông Pach ndrờm geh ală mpồl lơh broă làm gah, lơh broă sùm ngai kung bè mang nàng bơsong di tu\ ală jơnau tơngo\ ờ niam.

Ủy ban Nhân dân kơnhoàl crơng gơs mpồl lơh broă kuang àng kơnhoàl dê pơgồp bal mờ ală xã bol a` dê. Dilah sền go\ cau lơi hơ\ geh nùs nhơm ờ suk tàm broă tăc blơi den yal tơn mờ gơnoar atbồ tàm tiah hơ\ mờ kuang àng tiah rềp ngan rlau jơh in. Nam 2016, 2017 sền kung ờ geh bơta lơi sơl là ờ niam. Tus nam 2019 do, bol a` geh broă rơndăp lơh niam ngan, lơh sră dan ơm kis ing, ală cau tăc bro bơh tiah ndai tus tàm do bol a` ndrờm jăt sền lơm. Geh khat dùl bơta gơ tơngo\ lơi bè bơcăp khà priă, bol ờ niam, bol dùl nse bal, den bol a` bơsong mhar tơn.

Krông Pach là kơnhoàl geh uă sầu riêng gam geh plai uă ngan rlau jơh càr Dăk Lăk dê. Nam lài, bă sầu riêng do pơgăp 1 rbô lồ, mơya nam do gơguh tai pơgăp 500 lồ, plai lơh geh rlau 20 rbô tấn. Bal mờ gơguh bă ù, sầu riêng tàm Dăk Lăk gam sùm tăc gơguh khà priă tàm ală nam pa do, bơh khà priă tăc mìng hơđơm 30 rbô đong lơm tàm dùl ki\ neh gơguh tus 40, 45, 50 rbô tơnơ\ hơ\ gơguh tus rlau 90 rbô đong tàm dùl ki\ tàm lồi nam 2018.

Kàl sầu riêng nam 2019 do, là dơ\ sơnrờp plai sầu riêng sơnđờm gơtìp tăc gơmù khà priă. Bulah khà priă tăc tu\ do kung gam ai tơl priă lơh geh uă, priă cồng uă, mơya kung lơh cau lơh broă sa gơlơh sền go\ geh jơnau digơlan plai sầu riêng jơngkah uă. Jơnau gơlơh sền go\ do ngai sơlơ mpờl go\ loh làng ngan tu\ càr gơlik geh jơnau hìu cau lơi kung tam lơm tờm sầu riêng; khà gơguh bă sầu riêng bơh nam 2017 tus tu\ do, jơnhoa rlau 3 dơ\ pơndrờm mờ tơngai lài hơ\.

Cau mblàng Lơ Mu K’Yến