VOV4.K’ho – Ngai òr (20/8), Sở Giáo dục mờ Đào tạo càr Dak Lak bơyai lơh Pơrjum tơn jơh nam bơsram 2018 – 2019 mờ lam lơh kơ nòl broă kuơ màng nam bơsram 2019 – 2020. Nam bơsram 2018 – 2019, gah bơ to bơsram càr Dak Lak neh lơh ngan lơh gơs niam ală kơ nòl broă ai tơlik.

Gùt càr geh 15 rbô 100 cơldu\ bơsram tàm ală kấp mầm non, kấp 1, kấp 2, kấp 3; khà cơldu\ bơsram kơ\ kơljap geh rlau 64%. Broă lơh bơto bơtê, pơlam tơnguh mờng chài lơh broă ai mpồl kuang bàng atbồ mờ cau pơgru in geh sền gròi. Khà kơnòm bơsram gơ kờn pơr lòng jơh bơsram kấp 3 dà lơgar geh mờr 89%...

Nam bơsram do, Dak Lak bơcri priă 230 tơmàn priă nàng lơh pa, lơh niam wơl ală hìu bơsram mờ blơi ală phan bơna ngui tàm broă bơto bơtê mờ bơsram ai ală hìu bơsram bơh kấp mầm non tus kấp 2 in. Bơnah priă do geh ai lài ngan ală tiah sar lơgar ngài, tiah kal ke, tiah nhàr dà lơgar mờ tiah gơtìp hoàc huơr kơn jơ\ tài dơ\ mìu dà ko\ dà cò lơh aniai pa do in.

Cau mblàng K’Duẩn