VOV4.K’ho- Drim òr 22/11, Mpồl đơng lam Pơrjum dờng cau ala mat ală jơi bơtiàn kòn cau càr Dăk Lăk dơ\ III nam 2019 neh bơyai lơh pơrjum báo nàng yal tơngi\t, yal broă bơyai lơh Pơrjum dờng. Pơrjum dờng cau ala mat ală jơi bơtiàn kòn cau càr dơ\ III nam 2019 là broă lơh chính trị dờng màng ngan càr dê, rcăng lơh tàm 2 ngai (28 mờ 29/11/2019) tàm Tiah tờm Niam chài càr Dăk Lăk.

Tus bal pơrjum dờng digơlan geh 480 nă cau ala mat, tàm hơ\ geh 280 nă cau ala mat ngan ngồn ala mat ai 49 jơi bơtiàn kòn cau oh mi gam ơm kis, bơsram sră mờ lơh broă tàm ù tiah càr dê. Pơrjum dờng ala mat ai nùs nhơm, bồ tơngoh, bơta kơ\\p kờ` bơh làng bol ală jơi bơtiàn kòn cau tàm gùt càr dê.

Đơs tàm dơ\ pơrjum báo, Kuang đơng lam bồ Ủy ban Nhân dân càr sồr Ban Kòn cau càr Dăk Lăk rcăng lài pơgồp bal mờ ală anih lơh báo pơn jăt tai mblàng yal jrô ơnàng làm uă bè bơta kuơ, bơta dờng màng bơh Pơrjum dờng dê; ală nùs nhơm đơng lam, ală gùng dà broă lơh bơh Đảng, kơrnoat boh lam Dà lơgar dê gơrềng tus jơi bơtiàn kòn cau.

Cau mblàng Lơ Mu K’Yến