VOV4.K’ho – Drim òr (16/8), tàm [òn dờng Buôn Ma Thuột, càr Dak Lak bơyai lơh Pơrjum tam pà mờng chài đơng lam, atbồ mờ dong kờl bơtàu tơnguh Hợp tác xã. Dak Lak tu\ do geh 459 hợp tác xã mờ 3 mpồl tam klac hợp tác xã.

Tàm pơrjum, ală kuang bàng neh geh yal bè bơta bơtàu tơnguh bơh hợp tác xã tàm dunia mờ tàm lơgar Việt Nam dê; jơnau git wă bal bè broă lơh hợp tác xã lơh sa suơn sre jat broă lơh pa; gùng dà broă lơh, chính sách bơtàu tơnguh hợp tác xã mờ jơnau mờng chài ai geh tàm broă ngui chính sách tàm 2, 3 tiah; gơnoar broă bơh kấp ủy mờ mờng chài đơng lam bồ, pơlam mờ dong kờl bơtàu tơnguh hợp tác xã; pơlam broă lơh đơng lam bồ, pơlam, atbồ mờ dong kờl bơtàu tơnguh hợp tác xã jat broă lơh pa. Ală cau jak chài đơs là, Dak Lak mờ ală càr Tây Nguyên pal geh ală broă lơh kuơ màng bè bơtàu tơnguh hợp tác xã lơh lài nàng lơh gơs bơnàng jă ai bơtàu tơnguh ală hợp tác xã in.

Cau mblàng K’Duẩn