VOV4.K’ho – Kơnờm lam lơh ring bal ală broă lơh gàr niam ờ do ờ dă gùng lòt bơh mpồl lơh broă geh gơ noar dê, tàm nam 2019, rềs àr gùng lòt tàm càr Dak Lak gơmù ndrờm bal tàm jơh 3 bơta. Do là jơnau tơnggit geh yal tàm pơrjum tơn jơh broă lơh gùng lòt bơh Kuang àng càr Dak Lak dê geh lơh mho ngai 8/1.

Tàm nam lài, tàm càr Dak Lak gơlik geh 357 dơ\ rềs àr gùng lòt kơn jơ\, lơh 224 nă cau chơt, 260 nă cau gơtìp sồt să. Mpồl Cảnh sát gùng lòt Kuang àng càr Dak Lak kung neh lơh glài rlau 84 rbô nă cau mờ rơndeh rơn dồ lơh tìs, kup ing 21 rbô nơm rơndeh rơn dồ, lơh glài rlau 81 rbô nă cau, mờ khà pria\ lơh glài rlau 51 tơmàn pria\ tơmut tàm kes pria\. Tàm nam 2020, mpồl Cảnh sát gùng lòt càr Dak Lak pơn jat tai tơr gùm lơh niam ală bă tiah [ươn gơtìp rềs àr gùng lòt, mơkung lam lơh jơh nùs broă đo khà angkol jat Nghị định sồ 100.

Cau mblàng K’Duẩn