VOV4.K’ho – Lơh jat Chỉ thị sồ 01 nam 2015 bơh Thủ tướng Chính phủ dê, 5 nam do, làng bol tàm tiah nhàr dà lơgar càr Dak Lak neh jơh nùs tus bal srơh “Gùt làng bol tus bal sền gàr gơnoar tờm ù tiah, lơngap lơngai tiah nhàr dà lơgar tàm tu\ tơngai pa”. Bal mờ mpồl ling sền gàr tiah nhàr dà lơgar càr Dak Lak, làng bol tàm tiah nhàr dà lơgar neh jơh nùs tus bal lòt gròi sền gùng nhàr dà lơgar, jrong tồt tiah nhàr dà lơgar, gàr kơ\ gơnoar tờm tiah nhàr dà lơgar, bơt bơtàu mpồl rơcang gàr gùt làng bol kơ\ kơljap.

Xã tiah nhàr dà lơgar Ia Lốp, kơnhòal Ea Sup, càr Dak Lak neh geh tu\ là tiah sùm gơlik geh bơta ờ niam bè lơngap lơngai mờ ờ do ờ dă. Ală nam lài, tàm do sùm gơlik geh ală dơ\ tung kơ`au, tam pìt tam phà ù tiah, ngan là kơl mus dơm chi brê mờ ting mòc phan brê tìs mờ adat boh lam.

          Làng bol tàm tiah nhàr dà lơgar càr Dak Lak tus bal broă lơh lòt sền, sền gàr lơngap lơngai tiah nhàr dà lơgar

Ồng Hồ Văn Đức, cau tàm mpồl atbồ is thôn Trung, xã Ia Lốp pà git, bồ nam 2015, Mpồl ling sền gàr tiah nhàr dà lơgar càr Dak Lak neh pơgồp bal mờ UBND xã bal mờ làng bol crơng gơs ală tổ liên gia atbồ is, lam lơh kơnòl lòt gròi sền, sền gàr lơngap lơngai tiah nhàr dà lơgar. Tơl mpồl geh bơh 12 tus 15 nă cau. Pah nhai, pah quý, ală cau tàm mpồl tàm pơdar mờ gơp pơgồp bal mờ mpồl ling sền gàr tiah nhàr dà lơgar bơyai lơh lòt sền gròi, bơsong ală tiah gơlik geh ua\ broă ờ niam bè lơngap lơngai, ờ do ờ dă tàm gùng nhàr dà lơgar. Kơ nờm bơh hơ\, khà dơ\ tung kơ`au, kơl mus chi brê, ting mòc phan brê, lơh tìs tiah nhàr dà lơgar hời rơ hời geh tơmù:

“Thôn Trung bol hi dê geh dùl jrong tồt tiah nhàr dà lơgar, a` là cau geh jơng bơh mpồl atbồ is dê, den tàng sùm tus bal lòt gròi sền, sền gàr tiah nhàr dà lơgar bal mờ mpồl ling sền gàr  tiah nhàr dà lơgar. Mơkung bal mờ mpồl ling sền gàr tiah nhàr dà lơgar mblàng yal làng bol in git bè ală broă gơtùi lơh, ală broă ờ gơtùi lơh tàm tiah nhàr dà lơgar. Tu\ geh mblàng yal, làng bol neh git loh den tàng ờ gam tai bơta mut tàm brê kơl mus chi brê, ting mòc phan brê kung bè dô gan tiah nhàr dà lơgar tus lơgar ndai”.

Jat ồng Phạm Khắc Dũng, Bí thư Đảng ủy xã Ia Lốp yal, lơh jat Chỉ thị sồ 01 bơh Thủ tướng Chính phủ dê, tơngai lài, Đảng ủy xã neh chồl pràn broă mblàng yal, lam sồr, hòi jà làng bol jơh nùs tus bal sền gàr gơnoar tờm, gùng nhàr dà lơgar, jrong tồt tiah nhàr dà lơgar. Tơl nă đảng viên, công chức, viên chức mờ làng bol pal cih mat is dan tus bal sền gàr tiah nhàr dà lơgar mờ jơnau git wă bal mờ kơnòl broă ua\ ngan rlau jơh. Tu\ do, jơh 18 thôn neh geh Mpồl atbồ is, bal mờ rlau 600 nă cau tus bal.

                                            Làng bol tàm tiah nhàr dà lơgar geh bơto bơtê adat boh lam

Ồng Phạm Khắc Dũng pà git, bal mờ broă lơh mblàng yal, pơgồp bal lòt sền gròi bơh ală mpồl atbồ is dê, Đảng ủy xã Ia Lốp gam pơgồp bal mờ Pôs ling sền gàr tiah nhàr dà lơgar Ea H’leo ki\ kơrnuat pơgồp bal lam lơh kơnòl sền gàr lơngap lơngai tiah nhàr dà lơgar:

“Xã Ia Lốp geh mờr 7 rbô nă làng bol, tàm hơ\ pơgap 50% là làng bol kòn cau, rài kis làng bol dê kung gam ua\ kal ke. Bơh tu\ lam lơh jat Chỉ thị sồ 01 nam 2015, Đảng ủy bal mờ gơnoar atbồ xã pơgồp bal mờ pôs ling sền gàr tiah nhàr dà lơgar lơh broă tàm xã sùm tơnguh broă mblàng yal, hòi jà làng bol tus bal sền gàr tiah nhàr dà lơgar mờ nùs nhơm lơh jat is. Lam sồr làng bol tus bal jơh nùs, bơh hơ\ bơta lơngap lơngai tiah nhàr dà lơgar geh sền gàr kơ\. Làng bol tàm tiah nhàr dà lơgar kung iang nùs rlau tơr gùm tàm lơh broă, lơh sa bơtàu tơnguh lơh sa”.

Dak Lak geh mờr 74 kơi sồ gùng nhàr dà lơgar lòt gan 2 kơnhòal là Ea Sup mờ Buôn Đôn, rềp mờ càr Mondulkiri, lơgar Campuchia. Jơh gùt gơl gùng nhàr dà lơgar geh 11 jrong tồt, 1 mpồng nhàr dà lơgar mờ 22 rbô hìu bơnhă bal mờ rlau 82 rbô nă cau, gơ wèt 30 jơi bơtìan kòn cau ơm kis bal. Do là ù tiah geh bơngă rơcang gàr tiah nhàr dà lơgar kuơmàng ngan.

                                         Lam lơh broă dong kờl gàr tơl niam rài kis tàm tiah nhàr dà lơgar

Thiếu tá Lưu Minh Hưng, Chính trị viên Pôs ling sền gàr tiah nhàr dà lơgar Ea H’leo, gơ wèt Gah đơng lam Mpồl ling sền gàr tiah nhàr dà lơgar càr Dak Lak pà git, jat kơrnuat pơgồp bal đah 2 mpồl, pah nhai “mpồl ling klàng – làng bol” geh lam lơh lòt sền gròi bơh 3 tus 4 dơ\, tơngai lòt sền bơh 1 tus 2 ngai:

“Nàng lơh jat niam Chỉ thị sồ 01 bơh Thủ tướng Chính phủ dê, kấp ủy Gah đơng lam mpồl ling pơgồp bal niam mờ ală mpồl, gah broă lơh bơh xã dê đơng lam ai mpồl kuang bàng tus lơh broă tơn mờ ală mpồl lơh broă tàm [òn lơgar, lơh niam broă lơh mblàng yal, lam sồr làng bol tơnguh jơnau git wă, kơnòl git wă sền gàr gơnoar tờm ù tiah, lơngap lơngai tiah nhàr dà lơgar. Bơdìh hơ\ tai den jơh nùs bal mờ ală mpồl, gah broă lơh, mpồl bal tàm [òn lơgar mblàng yal, lam sồr làng bol lơh broă sa, bơtàu tơnguh lơh sa nàng tơnguh niam rài kis phan bơna mờ nùs nhơm làng bol in, nàng làng bol iang nùs ơm kis, bơt bơtàu tiah nhàr dà lơgar bơtàu tơnguh”.

Jat Đại tá Đỗ Quang Thấm, Phó Chính ủy Mpồl ling sền gàr tiah nhàr dà lơgar càr Dak Lak đơs, nàng lơh jat geh cồng nha Chỉ thị sồ 01 bơh Thủ tướng Chính phủ dê bè srơh “Gùt làng bol tus bal sền gàr gơnoar tờm ù tiah, lơngap lơngai tiah nhàr dà lơgar tàm tu\ tơngai pa”, 5 nam do, mpồl ling neh lơh jat ring bal ală tơngume tàm chỉ thị. Mùl màl, mpồl ling neh dong kờl 4 xã tiah nhàr dà lơgar crơng gơs mờ gàr sùm 51 mpồl atbồ is thôn, [òn mờ rlau 2 rbô 600 nă làng bol tus bal. Bơyai lơh 560 dơ\ mblàng yal, bơ to bơtê adat boh lam ai 18 rbô dơ\ làng bol tàm tiah nhàr dà lơgar in.

Mpồl ling sền gàr tiah nhàr dà lơgar bal mờ ală mpồl atbồ is neh di tu\ bơsong git nđờ rhiang broă tam pìt tam phà ù tiah, tus bal bơsong geh cồng nha tàm ală broă lơh aniai tus lơngap lơngai, ờ do ờ dă, kup bàn 15 broă lơh tìs bè ma túy, git go\ rlau 140 dơ\ kơl mus brê, kup mờ jàu mpồl lơh broă geh gơnoar in lơh glài rlau 150 nă cau kơl mus chi brê tìs mờ adat boh lam… Bal mờ hơ\, Mpồl ling sền gàr tiah nhàr dà lơgar càr Dak Lak gam chồl pràn broă lơh hòi jà làng bol, bơh ală broă lơh bè: Bơyai lơh “Ngai sền gàr tiah nhàr dà lơgar jơh gùt làng bol”, “Sơnam pa tiah nhàr dà lơgar ram nùs làng bol [òn lơgar”, jàu 340 nơm hìu ơm tiah nhàr dà lơgar, “Hìu cau ling bal”, dờp 4 nă cau geh rài kis kal ke lơh “kòn ròng ling tiah nhàr dà lơgar”, dong kờl ală hìu bơnhă geh sră dong kờl bơh dà lơgar; pà sơntìl chi tam phan ròng, phơng sih ai rlau 700 hìu bơnhă r[ah in bơtàu tơnguh lơh sa, mờ pria\ tă lơh broă dong kờl rlau 2 tơmàn 300 tơlak đông pah nam.

Đại tá Đỗ Quang Thấm pà git, tơngai tus, mpồl ling geh pơn jat tai lam lơh geh cồng nha rlau tai ală tơngume tàm chỉ thị sồ 1 bơh Thủ tướng Chính phủ dê:

“Bol hi geh pơn jat tai pơgồp bal mờ ală tiah nàng ală mpồl bal, hìu bơnhă, cau dùl nă să pơn jat tai cih mat dan tus bal broă lòt sền, sền gàr lơngap lơngai tiah nhàr dà lơgar. Mờ pơn jat hơ\ tai, bol hi geh pờ tai ală ơdu\ bơ to bơtê adat boh lam ai làng bol mờ kuang bàng, công chức, viên chức in nàng khin tơnguh rlau tai jơnau git wă do, dong srơh gơ rề pràn rlau tai tàm tơngai tus. Bal mờ hơ\, bol hi geh pơn jat tai dong kờl gơnoar atbồ ală tiah gàr kơ\ mpồl lơh broă chính trị; sơlơ gàr tơl niam rài kis mpồl bơtìan bơh ală broă lơh bơtàu tơnguh lơh sa nàng làng bol in iang nùs gàr kơ\ kơljap rài kis”.

Mờ broă tơnguh niam bơta pràn gùt làng bol, broă lơh sền gàr gơnoar tờm lơngap lơngai tiah nhàr dà lơgar tàm Dak Lak neh mờ gam lơh geh ală cồng nha niam ngan, bơh hơ\ bơt bơtàu kơ\ mpồl rơcang gàr gùt làng bol, pơgồp bơnah gàr kơ\ kơljap gơnoar tờm lơngap lơngai tiah nhàr Dà lơgar dê.

Cau mblàng K’Duẩn