VOV4.K’ho – Mờ nùs nhơm lơh ngan, kơ\ dơn lòt jat bơta kờ` gơboh, ua\ ơruh pơnu tàm Dak Lak neh sơn đờm mut lơh broă geh cồng nha bal mờ ală phan bơna lơh gơs cèng bơta pràn bơh càr dê. Ală cồng nha do neh pơ gồp bơnah mblàng tai bơta kờ` gơboh sơn đờm mut lơh broă ai ua\ ơruh pơnu ndai in, dong srơh sơn đờm mut lơh broă ơruh pơnu tàm càr gơ rề tàm làm gùt bă tiah.

Tơnơ\ 3 nam mut tàm drà kă bro, ală phan bơna bơh Kong ti Cổ phần Damaca Nguyên Phương dê neh geh dùl bơngă kơ\ kơljap ngan. Phan bơna gar mắc ca pơr lơh tơdàng kơmhồ bơh kong ti dê geh tac ua\ ngan tàm ală [òn dờng dờng mờ tac ờ jat sră pơrgon tus lơgar Canada mờ Đài Loan. Hìu lơh broă Kong ti dê geh lơh tàm xã Phú Lộc, kơnhòal Krông Năng, càr Dak Lak bơh bi Nguyễn Thị Thu Phương, deh nam 1992 lơh Tổng Gíam đốc, gơ gơs là bơta pơn rơ ngan bè krơh cau kơnòm să sơn đờm mut lơh broă bơceh pa tàm Dak Lak

Geh cồng nha bơh dơ\ pơr lòng sơn đờm mut lơh broă, lơh sa kă bro càr Dak Lak nam 2018, mờ cồng nha ai geh jơnhua ngan rlau jơh, kong ti Cổ phần Damaca Nguyên Phương neh geh bơcri lơh pa mờ ring bal; sền gròi tus tam gơl pa kơldung ơn phan, muh mat phan lơh gơs. Kuơmàng, tàm dar dut ndơl Shark Tank Việt Nam dơ\ 3 nam do, bi Phương neh hòi jà bơcri pria\ gơtùi, mờ pria\ hòi jà geh 5 tơmàn ai 36% cổ phần bơh kong ti dê. Tu\ do, pria\ bơcri bơh sơn rờp kong ti dê là 4 tơmàn, pria\ lơh geh bơh 442 tơlak pria\ tàm nam 2016 neh geh rlau 5 tơmàn pria\ tàm lồi nam 2018 mờ kờp du\ digơlan geh mờr 8 tơmàn pria\ tàm lồi nam do, pria\ cồng lơh geh 20% pria\ lơh geh. Kong ti kung gam ai geh broă lơh mờ pria\ jền lơh geh kơ\ kơljap ai 20 nă cau lơh broă tàm càr in.

Yal bè broă sơn đờm mut lơh broă, bi Nguyễn Thị Thu Phương pà git, tàm pơgap nam 2016, gar mắc ca gam gơ lơh krơi sơ [ơi ngan gơ wèt mờ drà kă bro Việt Nam den tàng ală cau lam lài tàm broă tam bơta chi tam do ndrờm bè ờ hềt geh anih tac kơ\ kơljap. Bal mờ hơ\, tàm drà kă bro Việt Nam ờ hềt geh ma\i mok ờs mờng den tàng tu\ sơn đờm mut lơh broă mờ gar do, bi Phương pal jòi git is bè ma\i mọ nàng lơh gơlik, klah tơdàng gar. Ma\i mok ờ hềt ring bal, ờ hềt geh mờng chài lơh broă den tàng phan lơh gơs ờ hềt geh bơta niam jat bè bơta kơp kờ`, hoàc huơr kung ua\ ngan.

Roh dùl nam jòi git mờ gơtìp hoàc huơr, lồi nam 2016, bi Phương neh lơh gơlik geh cồng nha gar mắc ca pơr lơh tơdàng mờ tac tàm drà kă bro: “Gar mắc ca là phan bơna bơh càr dê. Do là dùl bơta pa, mơya geh bơta pràn bơtàu tơnguh dờng ngan mờ geh tơl nă cau dờn dờp, ờ mìng tàm drà kă bro lơgar Việt Nam mờ gam tàm drà kă bro dunia tai. Den tàng, a` sơ nơng là tu\ he sơn đờm mut lơh broă mờ lòt jat gùng dà broă lơh lơh gơlik dùl phan bơna niam ai cau ngui sa in, ngan là tàm 3 nam pa do lơh broă den geh cau nac dờp, den a` sơ nơng hơ\ là dùl bơta phan geh bơta pràn nàng bơtàu tơnguh”.

Bi Nguyễn Thị Thu Phương mờ phan lơh gơs bơh gar mắc ca tàm anih ràng phan bơh dơ\ lơh drà dê

Kung lơh ngan lơh pas tàm ù tiah [òn tờm dê sơl, bi Hoàng Văn Tiến, deh nam 1991, ơm tàm xã Cư Kpô, kơnhòal Krông Buk, càr Dak Lak rơ wah broă ròng phan, ròng so nàng nhơl kờ` sơn đờm mut lơh broă. Bi Tiến pà git, sền go\ jơnau kờ` ròng phan nàng nhơl, kuơmàng là ròng so nàng nhơl bơh cau nac tàm làm gùt lơgar dê ngai sơlơ gơguh ua\, bi mờ 2, 3 nă cau bơyô neh lơh bal crơng gơs Hợp tác xã Ròng phan Hoàng Gia geh hìu lơh broă tàm xã Cư Kpô, kơnhòal Krông Buk.

Mờ ua\ broă drơng ala bè ròng, kă bro mèo so, tac phan siam phan ròng, krơ\ wơl tàm wàng ròng, ki\ pơyua, um tu, spa lơh niam, sơm kòp bơdìh kơltau, bơ tờp sơntìl, đơng deh so mèo in, anih pờ lơma so mèo… Do geh sền là Hợp tác xã sơn rờp bơh càr Dak Lak dê lơh broă bè gah do. Hợp tác xã geh 7 nă cau, pria\ bơcri bơh sơn rờp nàng lơh broă là 1 tơmàn 500 tơlak, mờ mờr 200 nơm so ròng nàng nhơl ală bơta gơ wèt 8 jơi so bơh lơgar ndai tiơng pơn rơ ngan bè Alaska, Husky, Poodle, Pug, Bulldog…

Tàm tơngai lơh broă, Hợp tác xã neh pờ 2 anih sơne\ tàm [òn dờng Hồ Chí Minh mờ Cần Thơ, bơto bơtê ờ sa pria\ ai 15 nă cau in bè broă ròng phan, lơh niam phan ròng nàng nhơl, sền gròi, sơm kòp phan ròng nàng nhơl in. Ua\ bơyô tàm khà do tơnơ\ hơ\ neh pờ is trang trại, hìu tac phan ròng nàng nhơl halà mut lơh broă tàm ală hìu tac phan ròng nàng nhơl tàm ală [òn dờng dờng.

Yal bè gùng dà broă lơh bơtàu tơnguh Hợp tác xã dê mờr tus, bi Tiến pà git, geh lam lơh bơt bơtàu hợp tác xã gơ gơs dùl ròt anih kă bro so ròng nàng nhơl, phan ròng nàng nhơl geh bơngă pin dờn tàm gùt lơgar: “Tàm tơngai mờ he ròng den he lơh bal mờ ală cau jak ngan bè gah ròng phan nàng nhơl, khi sền go\ là he geh bơta lơh ngan, geh bơta kờ` gơboh, geh bơta kơp kờ` den ua\ cau kung kờ` dong kờl he jat broă lơh do. Gùng dà broă lơh mờr tus bơh Hợp tác xã Hoàng Gia dê là lơh ngan lơh Dak Lak gơ gơs dùl tiah tờm bơ tờp sơntìl jơi so ròng nàng nhơl, nàng jơh gùt lơgar Việt Nam in git là, drà kă bro Dak Lak là dùl tàm ală càr bơ tờp sơntìl phan ròng nàng nhơl tiơng pơn rơ ngan rlau jơh lơgar Việt Nam dê”.

Bi Hoàng Văn Tiến (ơm đah kiau) tus bal dơ\ pơr lòng bè so, phan nhơl mờ geh khà dùl

Tus tu\ do, Dak Lak neh geh 9 Hợp tác xã Ơruh pơnu mờ 134 mpồl lơh bal Ơruh pơnu geh crơng gơs. Ală hợp tác xã, mpồl lơhbal do neh bơ tòm tơr gùm ua\ đoàn viên ơruh pơnu tă pơ gồp bal pria\ bơcri nàng bơt bơtàu broă lơh sa dipal mờ bơta pràn bơh càr dê, pơgồp bơnah bơtàu tơnguh lơh sa hìu bơnhă, mơkung ai geh broă lơh ai ua\ ơruh pơnu tàm [òn lơgar in. Bal mờ hơ\, tàm 5 nam do, gùt càr neh crơng gơs mờ gàr sùm 45 mpồl Ơruh pơnu sơn đờm mut lơh broă mờ lơh sa jak, jàu 38 bơnah pria\ bơcri sơn đờm mut lơh broă nàng ơruh pơnu in bơtàu tơnguh lơh sa, mờ kờp jơh pria\ bơcri 620 tơlak. Geh 26 rơndap broă lơh tơ nơ\ tu\ geh dong kờl neh lơh sa geh cồng nha mờ tơm wơl pria\ bơcri.

Bi Y Lê Pas Tơ, Chủ tịch Mpồl tam klac Ơruh pơnu càr Dak Lak đơs là, do là ală cồng nha pal pơn jờng ngan mờ pal geh pơn jat tai tơnguh ua\ tàm tơngai tus: “Pơn jat tai lơh ngan tơnguh niam gơnoar broă bơh ală mpồl lơh broă geh jơng bơh Mpồl dê, kung bè gơnoar broă bơh gal ngan ală đoàn viên ơruh pơnu tàm gùt càr dê, wèt tus ua\ mpồl cau, ua\ ơruh pơnu tus bal. Lơh bè lơi nàng lơh gơtùi broă do den sồr pal geh bơta rơcang lài bơh Mpồl dê tàm broă git jơnau kờ` bơh ơruh pơnu dê, git wă ơruh pơnu, lòt bal mờ ơruh pơnu. Bơh hơ\, lam lơh di mờ bơta geh ngan mờ bơta kơp kờ` ngan ngồn bơh ơruh pơnu dê”.

Mờ gơnoar broă he dê, Tỉnh Đoàn mờ Mpồl tam klac ơruh pơnu càr Dak Lak neh gơ gơs là rbàng tơrbo\, lơh bal ơruh pơnu geh bơta kơp kờ` mờ nùs nhơm kờ` sơn đờm mut lơh broă mờ ală mpồl lơh sa kă bro, mpồl dong kờl pria\ bơcri, tă pria\ bơcri ală rơndap broă dong đoàn viên ơruh pơnu bơtàu tơnguh lơh sa. Kơnờm bơh hơ\, srơh sơn đờm mut lơh broă ơruh pơnu neh lơh geh ală cồng nha ngan ngồn mờ gơ rề tus làm gùt tiah, chul chồl ua\ ơruh pơnu khin cha sơn đờm mut lơh broă, bơtàu tơnguh lơh sa, lơh pas dipal.

Cau mblàng K’Duẩn