VOV4.K’ho- Tàm bàr xã Ea Pil mờ Cư Prao, kơnhoàl M’Drak, càr Dăk Lăk dê neh khin cha tam gơl bă ù tam ală tờm chi tam lơyah ngai nàng tam plai jràng lồng sơntìl Hưng Yên. Bơh sơnrờp tờm chi tam ntrờ` bơh ù tiah đah tô dà lơgar neh ai cồng nha nisơna ngan, bàr pe hìu bơnhă làng bol lơh broă sa lơh geh priă tơmàn pah nam.

Kung bè ală hìu bơnhă làng bol ndai sơl tàm kơnhoàl ù tiah r[ah thôn 3, xã Ea Pil, kơnhoàl M’Drak, tàm uă nam, ồng Phạm Đình Thướng mìng mờng quèng mờ broă tam bùm blàng, tàu, khuah, tơngời lơm. Gùt nam lơh broă glar bòl ngan mờ pah tu\ tus jơh kàl tơnhàu là hìu bơnhă jơh priă. Kong sùm mờ rài kis r[ah lơ ời siău siar gùt nam, nam 2014, ồng lơh nền tam gơl jơh 3 lồ ù lơh sa hìu bơnhă dê nàng tam tờm plai jràng lồng Hưng Yên, tơnơ\ mờ tu\ lòt còp bàr pe sươn chi tàm dơlam mờ bơdìh kơnhoàl.

Jơh ală sươn plai jràng geh crăp ală ding dà tuh dùl anih măy mok lơh dùl bơnah, gàr tờm chi kis dờng niam sơl tàm jơh bal kàl prang trồ tiah duh mùl go\ bơh tiah do dê. Tơnơ\ tu\ tă 230 tơlak priă bơcri bal mờ uă dà kơlhề pràn ơ ră tă pơgồp bơh 3 nam tam mờ sơngka sền gàr tu\ tờm chi gam dềt, plai jràng lồng Hưng Yên tàm kơnhoàl ù tiah ù bơrlu\ mờ bràs r[ah lơ ời M’Drak neh ai cồng nha uă rlau mờ bơta kơ\p gơn.

Ồng Phạm Đình Thướng đơs bè do: Dùl lồ plai jràng tàm do a` tam pơgăp 620 tờm, nhân mờ 30 ki\ tàm dùl tờm, bè hơ\ là kờp jơh 1 lồ den lơh geh pơgăp rlau 20 tấn. Dilah 20 tấn do mờ nhân mờ priă tăc pơgăp 25 tus 30 rbô đong tàm dùl ki\ den tơl lồ lơh geh pơgăp 500 tơlak priă tơn.

                              Tơl lồ plai jràng lơh geh bơh 450 tus 500 tơlak tàm dùl nam

Hìu bơnhă ồng Đỗ Văn Đức ơm tàm thôn 4, xã Ea Pil, kơnhoàl M’Drak kung là hìu bơnhă lơh broă sa pas gơs kơnờm bơh tam plai jràng lồng do sơl. Ồng Đức pà gi\t, 4 nam lài, ồng mìng tam tơrlòng lài lơm bàr pe jơ\t tờm plai jràng lồng. Tu\ sền go\ tờm chi hòn dờng niam ngan, gơhờp mờ ù tiah trồ tiah tàm do den tàng khin cha bơcri priă tam gơl jơh rlau 3 lồ ù tam tàu nàng tam 2 rbô tờm plai jràng. Tus tu\ do, sươn plai jràng neh lơh geh priă jền sùm.

Ồng Đỗ Văn Đức đơs bè do: Tờm plai jràng tàm do pơndrờm mờ ù tàm tiah he dê gơhờp ngan. Dilah tàm nam 2017- 2018 lài do, tơl lồ lơh geh 17 tus 20 tơlak priă, cồng nha tờm plai jràng pơndrờm mờ tàu gơ uă rlau bơh 9 tus 10 dơ\.

Gah lơh broă sa càr Dăk Lăk pơlam gùng ai làng bol bơtàu tơnguh plai jràng kloh jăt tơl khà VietGap

Jăt Phòng Nông nghiệp mờ Phát triển Nông thôn kơnhoàl M’Drak dê yal, jơh gùt kơnhoàl tu\ do geh pơgăp 1.100 lồ chi sa plai, tàm hơ\ geh plai gơ àl thiều, sầu riêng, bơ, kroăc, kuết mờ jràng. Tàm hơ\, plai jràng geh tam uă ngan rlau jơh bal mờ pơgăp 350 lồ, mìng tam uă ngan tàm 2 xã Ea Pil mờ Cư Prao.

Ồng Nguyễn Thế Thập, Kuang atbồ Phòng Nông nghiệp mờ Phát triển Nông thôn kơnhoàl M’Drak pà gi\t, tơnơ\ 5 nam lơh, bơh sơnrờp tờm plai jràng pà go\ cồng nha geh uă rlau pơndrờm mờ ală tờm chi tam ndai. Nàng bơtàu tơnguh tờm plai jràng kơ\ kơl jăp jo\ jòng, anih lơh broă do neh mờ gam dong làng bol lơh broă sa tàm 2 xã Ea Pil mờ Cư Prao crơng gơs hợp tác xã tam plai jràng kloh jăt tơl khà VietGap mờ neh geh 30 hìu bơnhă lơh bal.

Ồng Nguyễn Thế Thập, đơs bè do: Nàng bơtàu tơnguh tờm plai jràng kơ\ kơl jăp jo\ jòng, den gah lơh broă sa sươn sre bol a` bơyai lơh lam lơh bal đah ală hìu bơnhă làng bol crơng gơs ală mpồl lơh broă bal, hợp tác xã tam chi sa plai. Lơh sa kă bro bal mờ ală mpồl lơh sa kă bro nàng lơh geh drà kă bro phan lơh geh ai làng bol in, nàng ai tơl bơta drà kă bro gơtùi den phan lơh geh pal là phan bơna kloh. Tu\ do, bol a` sền gròi ngan sơntìl bơh sơnrờp tơl khà, niam VietGap. Mờ ki\ hơ mờ ală mpồl lơh sa kă bro nàng blơi phan ai làng bol in tàm tơngai tus.

                           Tờm plai jràng kờ` dùl êt ngan dà tuh tàm bă ù bơrlu\ bràs

Tàm tu\ tơngai priă tăc ală bơta phan lơh geh bơh sươn sre tàm Dăk Lăk dê, bè: kau su, kơphê, tiêu, tàu gam gơmù uă ngan mờ priă tăc tu\ gơguh tu\ gơmù, den bơta bơtàu tơnguh li la bơh ală tờm chi sa plai tàm tiah do gam pà go\ ală bơta àng. Broă gah lơh broă sa sươn sre mờ gơnoar atbồ tiah do gam jơh nùs dong làng bol lơh broă sa lơh sa jăt ală anih lơh gơlik phan, kung gam dong gah lơh chi sa plai tàm càr ngai sơlơ gơ lòt jăt di gùng, dipal mờ tơl ù tam phan mờ jơnau sồr bơh drà kă bro dê, dong lơh sa geh kơ\ kơl jăp jo\ jòng mờ tơnguh uă cồng nha lơh sa.

Cau mblàng Lơ Mu K’Yến