VOV4.K’ho- Drim òr 15/8, Mpồl Tam klac ơruh pơnu Việt Nam càr Dăk Lăk pơgồp bal mờ Mpồl Cau bơsram dờng Việt Nam càr dê bơyai lơh dơ\ tìp mat cau bơsram dờng kòn cau geh cồng nha bơsram sră jak, jak ngan dơ\ 21 nam 2019.

                                     Anih tìp mat cau bơsram dờng kòn cau

Tàm nam bơsram pa do, cau bơsram dờng kòn cau càr Dăk Lăk neh sùm lơh ngan lùp bơsram, bơsram tàp, lơh ngan pơđơl pràn lơh geh uă cồng nha jak ngan. Bal mờ hơ\, uă cau bơsram dờng sùm jơh nùs tus bal ală srơh đoàn, mpồl, lơh broă dong kờl is dong làng bol ală thôn, [òn tiah sar lơgar ngài tơnguh uă cồng nha lơh broă, pơgồp bơnah tơn jơh jơgloh tơrmù r[ah. Tàm dơ\ tìp mat, ală cau bơsram dờng đơs là, bơta broă lơh tu\ lik klờng bơh cau bơsram dờng dê đơs bal mờ cau bơsram dờng kòn cau tàm càr dê đơs is gam tìp uă kal ke.

Đơs tàm dơ\ tìp mat, ồng Phạm Minh Tấn, Phó Bí thư Thường trực Tỉnh ủy Dăk Lăk kung sồr ală kấp ủy Đảng, gơnoar atbồ, gah sơnah lơh broă bal mờ mpồl cau sền gròi ai tơl bơta [ươn ai ală oh in bè nùs nhơm mờ phan bơna tàm ală tu\ bơsram mờ lơh broă, ai tơl bơta bè broă lơh ai ală oh in tu\ lik klờng; jờng rơ ală cau bơsram dờng geh cồng nha jak ngan tàm broă bơsram, pơgồp bonah bơ\t bơtàu, tề lam cau jak ai càr in.

Cau mblàng Lơ Mu K’Yến