VOV4.K’ho - Tàm càr Dak Lak neh dờp geh 3 nă cau gơtìp mờ kòp Covid-19. {òn dờng Buôn Ma Thuột neh pal lơh jăt broă tam cah ngài mpồl bơtiàn tàm 14 ngai.

Kơnờm mờ broă rơcang broă tam dră mờ kòp gơtòp, khà priă tàm drà kă bro ală bơta phan drơng làng bol tàm [òn dờng Buôn Ma Thuột kung bè gùt càr Dak Lak in geh tơl niam, phan kă bro geh uă, uă bơta di pal mờ broă kờ` làng bol dê.

Ơn tàm bài ơn phan să tòm 2 kơl dung dà toh, 1 khàr dà sơ[ong rơco so\, 10 kơl dung [ung mi mờ ờ uă phan sa gam ris, mò Đỗ Thị Xuân Thuỷ, kis tàm [òn 2, xã Hoà Xuân, [òn dờng Buôn Ma Thuột pà g^t, mò mìng blơi ală phan geh kuơ mờ blơi uă rơlao mờ ngai bè ờs nàng tơmù broă lòt rê:

                                  Tàm bài mò Thuỷ mìng geh blơi ală phan geh kuơ, tơl nàng ngui

-Drà rềp tơn, ờ jai prăp, mìng blơi dà toh bal mờ phan he cèng nàng hùc mơ. Bơta lơi kờ` blơi den hơ\ sồng a` blơi.

Phan kă bro den gơmù uă ngan, bè khàr dà sơ[ong rơco so\ 160 rơbô mờ gơmù 50 rơbô tơn, mờ tus nam 2023 hơ\ sồng jơh tơngai ngui.

Kung ndrờm mờ mò Thuỷ sơl, ồng Nguyễn Quyết Thắng, kis tàm sơnah [òn Tự An, [òn dờng Buôn Ma Thuột kung mìng blơi phan tơl nàng ngui:

A` tus blơi den go\ kung gam bè ờs, khà priă phan kă bro kung gam tơl ai làng bol in, ờ go\ tơnguh khà priă den tàng hìu nhă a` mìng blơi tơl nàng ngui mơ, jơh là blơi tai mờ ờ geh blơi nàng prăp.

Jăt ồng Nguyễn Duy Quảng, kuang atbồ mpồl atbồ drà Buôn Ma Thuột yal, tàm ală ngai do, bơh broă lơh jăt jơnau sồr tam cah ngài mpồl bơtiàn, ală hìu kă bro ală bơta phan ờ geh kuơ neh til mpồng.

                     Phan tăc gam uă, khà priă rign niam bè ờs den tàng làng bol mờ tus gal nàng blơi phan kờ` prăp 

Khà cau tus drà tòm Buôn Ma Thuột kung bè khà priă phan kă bro ndrờm ờ geh tơngo\ gơguh ni sơna.

-Khà năc den kung bè ờs, geh ờ uă cau tăc phan tăc ală bơta phan ờ kuơ màng bè ào, mpha, biài den geh ờ uă cau tăc neh ơm, gam tai ờ uă bơta phan geh kuơ bè poăc, ka, biăp den cau gam tăc bè ờs.

Cau năc mìng tus blơi tàm ală siêu thị, kiốt kung bè ală anih tăc phan uă, gam tàm drà kung bè ờs.

Mò Trần Thị Thành Nhân, Phó kuang atbồ Siêu thị Co.op mart Buôn ma Thuột, càr Dak Lak pà g^t, khà phan prăp geh tàm rơndăp broă geh ai tu\ gơtìp kòp gơtòp geh siêu thịo rơcang tơl uă.

Tàm hơ\, ai lài ală bơta phan sa bè phe, dà tơngi, dà màn, [ung mi, phan sa geh lơh lài, dà lơh kloh vi khuẩn, chèo gòm muh măt, pơ-àr đì ndul… mờ khà priă geh gàr ring niam.

                    Hìu tăc phan sa tàm siêu thị neh til mpồng nàng rơcang sơndră mờ kòp Covid-19

Bơdìh hơ\ tai, siêu thị neh lơh jăt broă tăc phan tus àtm hìu bơh zalo, facebook mờ pang web is. Jăt mờ hơ\, siêu thị geh dờp cau blơi phan bơh điện thoại mờ geh jào phan tus tơn tơl hìu cau năc in. Mò Trần Thị Thành Nhân pà g^t:

-Siêu thị co.op mart Buôn ma Thuột neh prăp khà phan gơguh tai bơh 25 tus 30% ală mpồl phan geh kuơ nàng drơng cau ngui sa in mờ bè khà priă den geh ờ uă phan gam tàm tơngai phan sa geh kuơ ring niam khà priă mờ lơh jăt tai ală broă lơh tơmù khà priă nàng dong kờl cau ngui sa kung bè lam sồr cau ngui sa ngui ală phan geh broă tơmù khà priă nàng tơmù kal ke tàm kàl kòp Covid-19 gơtòp do.

Kờ` gàr tơl khà phan sa, phan ngui ai làng bol tàm tơngai lơh jăt broă tam cah ngài mpồl bơtiàn, UBND càr Dak Lak neh geh sră nggal đơng lam ală sở, gah lơh broă tàm càr, tàm hơ\ uă ngan là Sở Công thương đơng lam ală siêu thị, anih kă bro tòm, drà, mpồl lơh sa ka bro lơh jăt gùng dà ring niam khà priă ală bơta phan geh kuơ.

Tàm tu\, càr đơng lam ală mpồl lơh broă tơnguh tai khà phan bơh 5 tus 10% mpồl phan geh kuơ nàng drơng rơlao 1 tơlăk 800 rơbô nă làng bol kis tàm càr Dak Lak; mờ geh gùng dà tăc phan tàm online ai phan tus tơl hìu nhă in.

Mò H’ Yim Kđoh, Phó Chủ tịch UBND càr Dak Lak pà g^t, càr geh lơh glài nền nòn ală cau lơi prăp phan, tơnguh khà priă:

-UBND càr đơng lam gơwèt mờ ală hìu kă bro gàr niam ală bơta phan geh kuơ nàng drơng niam ngan rài kis làng bol in. Dơ\ bàr là ờ tơnguh khà priă ală bơta gơbàn lơi.

Den tàng tu\ do jơh ală bơta phan geh kuơ, tàm hơ\ geh bal phan sa, phan ngui tàm càr mờ ală hìu kă bro neh k^ jơnau hơ bal ờ tơnguh khà priă. Di lah tơnguh khà priă den càr geh ală broă lơh glài nền nòn mờ geh bal geh ală broă lơh glài ku\p màng.

Cau cih Nam Trang-Cau mblàng Ndong Brawl