VOV4.K’ho - Chủ tịch UBND càr Dak Lak ồng Phạm Ngọc Nghị pa sồr tơn jơh broă lơh ală anih sền gròi rơcang sơndră mờ kòp Covid-19 tàm càr bơh 12 jơ mang ngai 25 nhai 4 nam 2020.

Kơrnoăt do geh ai tơl^k bơh tàm tơngu me kòp Covid-19 tàm lơgar he neh geh ală tam gơl niam. Jăt mờ kơrnoăt do, Chủ tịch UBND càr Dak Lak jào mpồl đơng lam ling sền gàr tiah nhàr dà lơgar càr mờ ală kơnhoàl, [òn dờng gơrềng bal pơgồp bal mờ kuang àng càr, Sở Y tế bơyai lơh tơn jơh mờ ơm ờ lơh broă ală anih sền gròi kòp gơtòp lơyài tus 12 jơ mang ngai 25 nhai 4 nam 2020.

Mờ gàr niam broă lơh gơwèt mờ ală cau tus bal lơh jăt kơnòl tàm ală anih sền gròi kòp di mờ kơrnoăt geh ai.

Chủ tịch UBND càr Dak Lak kung sồr ală tiah pơn jăt tai lơh jăt geh cồng nha broă rơcang sơndră mờ kòp tàm càr; rơcang yal, dan UBND càr, mpồl đơng lam sơndră mờ kòp Covid-19 càr gơwèt mờ ală kal ke rơlao mờ gơnoar geh ai.

Cau mblàng Ndong Brawl