VOV4.K’ho- Pa do tàm ală tiah nhơl chờ tiơng pơn rơ càr Dak Lak dê là Tơnau  dà Lak mờ Bản Đôn sùm gơlik geh ală dơ\ rơwas hìu tàm tu\ drơng broă nhơl chờ nisơna ting ge\ cau tờm ròng rơwas mờ cau năc lòt nhơl gơlik geh bơta chơ\t jê. Nàng pleh mờ ală broă ndrờm bè hơ\ digơlan gơlik geh tàm tơngai tus kung bè broă sền gàr rơwas geh cồng nha, ala mat Mpồl Phan poan jờng châu Á tàm Việt Nam (Animals Asia) mờ uă jơnau đơs bơh năc lòt nhơl tàm tiah do dê là kờ` pal mhar tơn jơh broă nhơl chờ hào rơwas ngòt rơngơ\t do.

Broă pa ngan gơlik geh tàm mho ngai 19/7, tu\ bi Nguyễn Thị Bích, ơm tàm kơnhoàl Khoái Châu, càr Hưng Yên bal mờ 2 nă kòn dềt tus Tiah nhờl chờ Bản Đôn, kơnhoàl Buôn Đôn, lòt nàng sền g^t tuor nhơl chờ hào rơwas den gơtìp rơwas sơkeh gơdùh tàm ù gơ lam tus sồt să kơn jơ\ pal mut tàm hìu sơnơm dong kờl sơr băc mhar. Tơnơ\ tu\ broă gơlik geh, ala mat Công ty Nhơl chờ Biệt Điện, mpồl atbồ mờ ngui tiah nhơl chờ Bản Đôn neh geh jơnau yal ơm ing tour nhơl chờ lòt nàng sền g^t hào rơwas.

Mpồl Phan poan jơng châu Á tàm Việt Nam sồr càr Dak Lak pal tơn jơh tour nhơl chờ hào rơwas nàng sền gàr rơwas hìu geh cồng nha

Bi Nguyễn Xuân Thủy, dùl nă năc lòt nhơl bơh càr Vĩnh Phúc uă dơ\ tus tàm Bản Đôn tus sền đơs là, rùp hin rơwas neh pơgồp bal mờ ù tiah Bản Đôn uă nam do mờ geh năc lòt nhơl tàm lơgar mờ lơgar ndai g^t tus. Mơya, broă hào rơwas lòt gùt dar tiah nhơl chờ mờ lòt gan dà dờng Srêpok neh ờ gam gơ kờ` tai, tiah do pal tam gơl broă tour nhơl chờ do nàng gơ hòi gơ jà uă năc lòt nhơl rlau tai. 

 Bol he pal sang te\ broă nhơl chờ hào rơwas tài bơh gơ ngòt rơngơ\t ngan. 3,4 nă cau nggui tàm ngkời rơwas den lòt gùt dar dùl tu\ jiơ dùl ết den kung ờ hoan gơdan sơl. Hìu bơnhă a` neh lòt lơgar Thái Lan nhơl chờ. Tàm do, khi lơh broă nhơl chờ bè rơwas ờs mờng ngan. Cau lơgar Thái Lan lời rơwas tàm 1 tiah geh pơng gàr tam cah is, lam ai rơwas in coh plai, ntoat pơr lòng marathon, lơh xiếc… sền gơ kờ` ngan. Ală kòn a` dê ơm rềp pơng gàr bơh bơr mờ rơwas mờ ai prìt ai rơwas in sa ờ do ờ dă ngan…

Uă jơnau đơs đơs là tour nhơl chờ hào rơ was tàm Bản Đôn ờ gam di pal, gah nhơl chờ tiah do dê pal tam gơl jat broă lơh tàm dunia

 Ai bi Hà Nhi Phương Thảo, năc lòt nhơl bơh [òn dờng Hồ Chí Minh tus Bản Đôn lòt nhơl chờ đơs là, tu\ do mpồl rơwas hìu tàm Dak Lak gam ngai sơlơ ờ uă mhar ngan tài bơh rơwas ờ hềt deh. Broă kung gam ngui sơl broă lơh nhơl chờ sền g^t hào rơwas geh lơh mpồl rơwas gơbàn ờ uă ngan rlau tai, geh tu\ gơlam tus chơ\t roh te\ ờ gam geh tai. Gah nhơl chờ tiah do dê pal bơt bơtàu ală tour geh gơ rềng tus rơwas gơ kờ` uă rlau tai. Bi Hà Nhi Phương Thảo geh jơnau đơs.

Jat a` kơlôi den pal bơt bơtàu ală broă lơh tuor nhơl chờ geh gơ rềng tus rơwas ờ di mìng là bơyai lơh tour hào rơwas bè tu\ do lơm gời. Pơn yơu bè bơt bơtàu ală tour jòi g^t, lòt jòi tềl jơng rơwas tàm Bản Đôn, bơyai lơh ală tour tus bal ală broă lơh cùp rùp, um dà mờ sền gàr ròng siam rơwas, ờ di mìng lơh broă lơh hào rơwas lơm gời geh gơ rềng tus pràn kơl dang să jan rơwas dê, den rơwas digơlan chơ\t  roh te\

Uă jơnau đơs đơs là pal bơt bơtàu ală tour nhơl chờ rềp mềr mờ rơwas rlau là lơh sùm broă hào rơwas

Khà tơr gùm kờp bơh Mpồl Phan poan jơng châu Á tàm Vệt Nam (Animals Asia) pà go\, gùt càr Dak Lak tu\ do geh pơgap 145 nơm rơwas. Tàm hơ\ geh pơgap 100 nơm là rơwas brê, gam wơl là 44 nơm rơwas geh ròng tàm hìu. Ală rơwas do tơr gùm uă ngan là tàm ală kơnhoàl Lak, Buôn Đôn, Krông Ana mờ [òn dờng Buôn Ma Thuột.

Jat Tiến sỹ Tuấn Bendixsen – Kuang atbồ Mpồl phan poan jơng châu Á tàm Việt Nam đơs, tu\ do tàm dunia ờ gam lơgar lơi ngui rơwas pơ đàu nàng lơh ală tour nhơl chờ, ngan là hào rơwas. Tàm Việt Nam, ală rơwas geh pơ đàu ngai sơlơ ờ uă geh jơnau gơbàn uă ngan là bơh ală cau tờm ròng rơwas ngui tàm ală tour nhơl chờ lòt nàng sền g^t hào rơwas. Dilah broă do gam pơn jat tai den broă sền gàr rơwas geh ờ gơtùi lơh geh cồng nha bè jơnau kơ\p gơn.

 Tiến sỹ Tuấn Bendixsen đơs, bơh nam 2018 tus tu\ do, Mpồl Phan poan jơng châu Á tàm Việt Nam neh dong kờl Anih tờm Sền gàr rơwas Dak Lak rlau 60 rơbô dolar Mỹ (pơgap 1 tơmàn 400 tơlak đong) nàng Anih do dong kờl ală cau tờm ròng rơwas tam gơl hời rơ hời broă nhơl chờ hào rơwas tus ală broă lơh nhơl chờ rềp mềr rlau mờ rơwas.

Nhơl chờ hào rơwas geh gơlik geh ală bơta rềs àr ngòt rơngơ\t ai cau năc in. Tơl nă cau g^t là, să jan rơwas là phan brê, mờ bulah geh ròng tàm hìu den rơwas kung gam geh bơta jà` bơh phan brê dê sơl, dilah lơh broă bòl glar halà tài bơh nùs nhơm den bơnah phan brê tàm bồ tơngoh ntào dră lơh gơbàn rềs àr là bơta jat tàm bơta geh is lơm. Bol a` neh uă dơ\ tơngkah gah nhơl chờ Dak Lak là ơm te\ ală tour nhơl chờ hào rơwas nàng pleh bơta rềs àr pơlai soh ngan  gơlik geh mờ dong kờl broă sền gàr rơwas. Mpồl phan poan jờng châu Á tàm Việt Nam kung neh dan mờ UBND càr Dak Lak tam gơl broă lơh nhờl chờ hào rơwas tus broă lơh ndai mờ neh dong kờl dùl bơnah priă jền nàng mut lơh. Dilah bol he lơh gơtùi broă do den rơwas ròng tàm hìu rơ\p geh sền gàr mờ bơtàu tơnguh.

Ngai 29/7 pa do, Sở Nông nghiệp mờ Phát triển Nông thôn càr Dak Lak pơgồp bal mờ Mpồl Dunia bè sền gàr brê bơnơm geh is tàm Việt Nam bơyai lơh pơrjum sền sơ wì bơta tam dră đah rơwas mờ kòn bơnus tàm càr Dak Lak. Uă jơnau đơs tàm dơ\ pơrjum đơs là, jơnau tờm gơlam tus ală dơ\ tam dră đah kòn bơnus mờ rơwas tàm tơngai pa do là tài bơh tiah ơm kis bơh rơwas dê gam dùl ết te\ tài bơh bă brê ờ gam uă tai, broă ngui rơwas ròng tàm hìu lơh broă uă ir nàng drơng broă nhơl chờ kung lơh rơwas in lơngeh lơnga` den wơl lơh cau ròng rơ was bal mờ cau năc.

Bal mờ broă sền gàr rơwas geh cồng nha kung bè tơrmù uă ngan bơta tam dră đah kòn bơnus mờ rơwas, uă jơnau đơs dan mờ UBND càr Dak Lak là pal bơt bơtàu lơh gơs tiah ơm kis mờ gùng pleh lơh geh tiah ơm kis brê bơnơm geh is tơl ơ nàng ai mpồl rơwas brê in ơm kis mờ bơtàu tơnguh mpồl. Ồng Huỳnh Trung Luân- Kuang atbồ Anih tờm Sền gàr rơwas Dak Lak pà g^t, 2,3 gùng dà broă lơh nàng tơr mù bơta tam dră đah rơwas mờ kòn bơnus kung bè nàng sền gàr mpồl rơwas geh cồng nha tàm tơngai tus.

Broă lơh sơn rờp bol a` lơh jat là crơng gơs 9 mpồl sền gàr rơwas nàng lơh jat broă yal tơng^t gờ` ai làng bol in tàm ală xã sùm geh rơwas lòt aniai. Nàng UBND càr Dak Lak in ai tơl bă ù brê nàng mut lơh tiah ơm kis ai mpồl rơwas brê in ơm kis mờ bơtàu tơnguh mpồl; mơkung bơt bơtàu ală rơndap broă lơh rềp mềr mờ dong kờl ală cau tờm ròng rơwas ala mờ broă hào rơwas bè tu\ do den pal geh bơta ơm yah bơh ngài gơ wèt mờ mpồl rơwas ròng tàm hìu; sồr gah nhơl chờ càr ờ hoan ngui rơwas tàm ală broă lơh chờ. Digơlan ngui broă lơh rùp yal tơnng^t ală bơta niam halà broă lơh bơh rơwas dê tàm dơ\ lơh chờ.

Cau cih Tuấn Long- Cau mblàng K’ Hạnh