VOV4.K’ho - Mpồl kuang bàng sền gròi bơh UBND càr Dak Lak sền gròi bè broă lơh jăt broă rơcang sơndră mờ kòp Covid-19 tàm [òn dờng Buôn Ma Thuột.

                                  Lơh anih rào tê tềng drà là broă lơh pal geh lơh uă tàm [òn dờng dê

Mpồl kuang bàng  neh tus sền gròi mùl màl broă rơcang sơndră mờ kòp Covid-19 tàm ală drà Hoà Thuận, Ea Tu, Buôn Ma Thuột mờ drà Ea Tam.

Phó Chủ tịch UBND càr mò H’ Yim Kđoh dờp mờ đơs niam broă rơcang, lơh ngan bơh mpồl đơng lam rơcang sơndră mờ kòp Covid-19 [òn dờng dê tàm broă lơh jăt ală broă rơcang sơndră mờ kòp tàm do.

Mò H’ Yim Kđoh sồr mpồl đơng lam [òn dờng pơn jăt tai tơrgùm mờ chồl pràn broă lam sồr kờ` làng bol in wă, lơh geh ală broă broă rơcang sơndră mờ kòp Covid-19 kờ` sền gàr bơta pràn kơl dang să tòm bal mờ mpồl bơtiàn; sền gròi rơlao tai tus mờ broă rơcang sơndră mờ kòp Covid-19 tàm ală drà dềt tàm xã, sơnah [òn. Di lah mpồl lơi ờ lơh niam den cau lam bồ pal dờp kơnòl.

Cau mblàng Ndong Brawl