VOV4.K’ho – Tơngai lài, broă lơh đoàn mờ srơh ơruh pơnu tàm càr Dak Lak sùm ơm tàm khà dùl bơh gùt lơgar dê. Tàm cồng nha hơ\ geh gơ noar broă bơh ală cau đơng lam đoàn là cau ùr. Khi neh geh ală tă pơ gồp ua\ ngan tàm broă bơt bơtàu mờ bơtàu tơnguh broă lơh đoàn bơh kấp hơ đơm.

{òn dờng Buôn Ma Thuột sùm là tiah lam lài tàm broă lơh đoàn mờ srơh ơruh pơnu, kơnòm pa tàu, kơnòm dềt bơh càr Dak Lak dê. Bi H’Hương Bkrông, Phó Bí thư Thành đoàn, Chủ tịch Mpồl tam klac ơruh pơnu [òn dờng Buôn Ma Thuột pà git, [òn dờng nhe tơnguh geh cồng nha broă tam klac bal, bơ tòmt ơr gùm ơruh pơnu bơh ală broă lơh dong kờl ai càn pria\, kỹ thuật tam phan, ròng phan dong đoàn viên ơruh pơnu bơtàu tơnguh lơh sa. Bơh hơ\ lơh geh cồng nha ua\ broă lơh bè ơruh pơnu tus bal sền gàr lơngap lơngai ờ do ờ dă gùng lòt, rơcang sơndră broă lơh tìs tàm mpồl, dipal mờ bơta geh ngan bơh [òn dờng dê.

Đơs bè broă lơh să tờm dê, bi H’Hương Bkrông yal: “Geh ală broă lơh cèng bơta krơi is, bè broă lơh mblàng yal, bơto bơtê mờ ală broă lơh, srơh broă lơh den kung gam pal lam lơh. Tài gơ wèt mờ broă lơh đoàn den ờ geh jơnau sồr bè tu\ jơ jat jơ lơh broă hành chính, mờ ală broă lơh sùm tơr gùm ua\ ngan tàm ală tu\ jơ bơdìh mờ tu\ jơ lơh broă hành chính, digơlan tàm ngai lồi poh, ngai dơ\ poh, ngai rlô geh tu\ là tàm ală ngai rlô chờ. Den tàng gơ wèt mờ kuang bàng đoàn là cau ùr den pal cau dong kờl git wă broă lơh he dê nàng tam pà bal mờ he tàm broă lơh”.

Bi H’Hương Bkrông (soh àu đoàn) pà phan ală cau ùr pa lòt ling nam 2020

Kung neh mờr 10 nam đềt mềr mờ broă lơh đoàn, bi Nguyễn Thị Cẩm Nhung, Phó kuang atbồ Ban ơruh pơnu, kơnòm pa tàu, kơnòm dềt – hìu bơsram, Tỉnh đoàn Dak Lak đơs, bi go\ gơ lơh bơtuah ngan tài bơh sơn rờp neh geh hìu bơnhă dong kờl mờ pơn jờng tu\ rơ wah lơh broă đoàn lơh broă sùm. Kơnờm bè hơ\ tàng bi gơtùi iang nùs lơh broă, jòi git mờ tă pơgồp ua\ broă lơh nàng bơtàu tơnguh srơh ơruh pơnu, kơnòm pa tàu, kơnòm dềt tàm gah mờ he drơng broă: “Broă lơh he dê là pal lòt gờ` rê jơla mờ sùm pal lòt tàm [òn lơgar den tàng kung gơ rềng tus ua\ bơta, mơya să tờm a` lơh ngan tài a` kờ` mờ broă lơh đoàn mờ geh bơta dong kờl jơh nùs ngan bơh hìu bơnhă dê, kung pơn jờng a` sơl. Den hơ\ là bơta pin dờn mờ là bơta pơn jờng nàng să tờm in lơh ngan lơh niam broă lơh. Ai tơlik ală broă lơh geh bơta bơceh pa, cribơyai mờ kuang atbồ anih lơh broă nàng lơh niam broă geh jàu”.

Cau ùr lơh broă đoàn geh ua\ tă pơ gồp ai broă lơh đoàn tàm kấp hơ đơm in

Bi Y Lê Pas Tơ, Phó Bí thư Thường trực Tỉnh đoàn, Chủ tịch Mpồl tam klac ơruh pơnu Việt Nam càr Dak Lak pà git, tơngai lài, broă lơh đoàn mờ srơh ơruh pơnu tàm Dak Lak sùm ơm tàm khà dùl gùt lơgar. Tàm hơ\ ờ gơtùi ờ đơs tus gơ noar broă bơh ală cau atbồ đoàn là cau ùr. Mpồl cau ùr lơh broă đoàn ơruh pơnu tàm Dak Lak ngai sơlơ gơguh ua\ jơh bal bè khà mờ bơta niam. Gùt càr tu do geh 164 nă cau ùr atbồ đoàn ală kấp. Tàm khà do, ua\ bi là ală cau pơn rơ gơguh jak bè bơtàu tơnguh lơh sa tàm mpồl ơruh pơnu. Khi neh geh ală tă pơ gồp ua\ ngan tàm broă lơh bơt bơtàu mờ bơtàu tơnguh broă lơh đoàn bơh kấp hơ đơm.

Cau mblàng K’Duẩn