VOV4.K’ho- Chi bộ là mpồl kuang bàng chính trị đơng lam bồ tàm kơnă hơđơm, là bơnàng jă gàr niam bơta kơ\ kơl jăp pràn kơldang bơh Đảng dê. Do kung là jơnau bơh tài nàng Ban Bí thư in geh Chỉ thị sồ 10 mờ Mpồl bơyai broă Dà lơgar geh Sră bơto pơlam sồ 09 bè tơnguh uă cồng nha pơrjum chi bộ. Ban Thường vụ Tỉnh ủy Dăk Lăk neh bơyai lơh mblàng yal, sồr ală kấp ủy tơrgùm lơh jăt. Mơya, bơta geh ngan tu\ do, broă pơrjum chi bộ tàm bàr pe mpồl đảng kơnă hơđơm kung gam sơl bơta ờ hềt niam, uă tiah gam lơh đah bơdìh gời, ờ geh bơta gơguh jak.

Di 8 jiơ drim ngai 6/9 pa do, tàm Hìu pơrjum [òn Sút M’grư geh lơh dơ\ pơrjum chi bộ ờs mờng bơh chi bộ [òn Sút M’grư, xã Cư Suê, kơnhoàl Cư M’gar, càr Dăk Lăk dê. Do là dơ\ pơrjum geh Đảng ủy xã Cư Sur rwah lơh lài mờ geh bơta tus bal bơh ală Bí thư, Phó Bí thư bơh 17 chi bộ tàm xã dê. Bulah rwah lơh lài nàng sền swì cồng nha pơrjum chi bộ tàm kơnă hơđơm, broă lơh rcăng lài digơlan neh geh tơngkah, mơya dơ\ pơrjum ngan ngồn kung mìng là dơ\ đơs is dùl nă să bơh Bí thư Chi bộ dê sơl.

Dan jà ală oh mi cribơyai…dan jà ală oh mi…Tu\ do, ală oh mi sền, bol he lơh jăt Chỉ thị 23 hơ\, pa do neh pơrjum mblàng yal ai chi bộ in tơnơ\ hơ\ mblàng yal ai jơh gùt làng bol in…, ală oh mi lòng sền tàm hơ\, ală hìu bơnhă làng bol lơi ờ hềt tam mờ geh kuang bàng đảng viên lơi ờ hềt lơh jăt bơta hơ\ den kung dan đơs tơn sơl, kờ` lùp ală oh mi geh sơl ală jơnau đơs lơi ndai sơl lah ờ?...dilah ờ geh dan a` dan đơs tai bàr pe bơta.

Tơnơ\ pah dơ\ jơnau lùp “Ală oh mi geh sơl jơnau đơs lơi lah ờ?” bơh Bí thư Chi bộ [òn Sút M’grư dê kung gam sơl là bơta ơm mo\ ngềt ngơ\t ngan bơh ală đảng viên dê. Broă ơm mo\ ngềt ngơ\t halà sùm “dùl nùs bal” tàm dùl chi bộ geh đơs là chi bộ sàng goh bơh Đảng bộ xã Cư Suê dê là bơta pal kơlôi sơnơng ngan.

Ồng Trần Tấn Niên, Bí thư Chi bộ thôn 6, xã Cư Suê, kơnhoàl Cư M’gar, càr Dăk Lăk là cau năc jà tus bal dơ\ pơrjum do neh song dơ pă ngan, đơs bè do: Tàm nùs nhơm tus tàm do nàng lùp bơsram, ai jơnau bơsram mờng chài rê nàng bơ\t bơtàu chi bộ he dê, bơta lơi pràn den he bơsram bal, bơta lơi ờ pràn den he pleh nàng ờ gơtìp wơl tai. Bè chi bộ do pơrjum den đơs ngan nùs nhơm Đảng ờ pràn, chi bộ pơrjum den bàr pe jơnau đơs bè hơ\ là ờ pràn ngan, dùl êt ngan. Tài bơh Đảng là pal geh bơta tam bơh bơr, geh bơta tam dră, geh bơta bơ\t bơtàu bal, bơta lơi gơtùi, bơta lơi ờ hềt di, pal geh mblàng sền cribơyai lơh loh nàng jòi gơlik gùng dà broă lơh. Mờ bè tàm do den ồng Bí thư đơs, dùl jơnau đơs is dùl nă să bè hơ\, jơh ală đảng viên ờ go\ đơs dùl jơnau lơi. Chị bộ mờ pơrjum bè hơ\ den ờ pràn ngan.  

Tàm Chi bộ tổ dân phố 6, sơnah [òn Tân Lợi, [òn dờng Buôn Ma Thuột, tiah geh 30 nă đảng viên kung pơrjum ờ duh hồl sơl. Ồng Nguyễn Tô Thêm, Phó Bí thư Chi bộ tổ dân phố 6, đơs là, uă đảng viên gam ờ khin tam dră gơlam tus bơta nùs nhơm tam dră bơh Đảng dê tàm chi bộ gơtìp tơrmù te\. Ồng Nguyễn Tô Thêm, đơs: Pơrjum chi bộ bơta geh ngan bal, jơh ală lòt pơrjum sơnđan là lòt nàng geh mat gời lơm gơ dê, mờ đơs ngan là khi ờ go\ đơs dùl jơnau lơi nàng tă pơgồp bal. Di kung ờ dùl nùs bal, mờ tìs den kung ờ go\ tam dră sơl.

Bulah đảng viên lòt pơrjum chi bộ uă ngan mơya jơh dùl dơ\ pơrjum gơlik gơs wơl là dơ\ đơs is dùl nă să bơh Bí thư chi bộ [òn Sút M’grư dê

Loh làng cồng nha pơrjum chi bộ gơrềng uă ngan tàm kơnòl bơh đảng viên dê. Đảng viên geh bơta gi\t wa\ wil tơl, tă pơgồp jơnau đơs jơh nùs, geh kơnòl cribơyai duh hồl den broă pơrjum bơh chi bộ dê hơ\ sồng geh bơtàu tơnguh. Tu\ gam kis, Chủ tịch Hồ Chí Minh nting tơngkah bè do: “Đảng pràn là tài bơh ală chi bộ niam, chi bộ niam là tài bơh ală đảng viên ndrờm niam lơm”, den tàng bè hơ\ tơl nă đảng viên ờ lơh niam nùs nhơm đảng bơh he dê den geh lơh tơrmù bơta pràn bơh Đảng dê. Jăt ồng Nguyễn Thế Dương, Phó Bí thư Đảng ủy xã Cư Prao, kơnhoàl M’Drak, càr Dăk Lăk đơs, nàng pah dơ\ pơrjum chi bộ ờ gơtìp dil mờ ờ gơdan, lơh đah bơdìh lơm den Bí thư Chi bộ mờ chi ủy pal cribơyai nền ală tơngume pơrjum, gi\t wa\ geh ală bơta ờ pràn tàm broă bơyai lơh pơrjum, jòi gùng dà broă lơh pa, lơh tơngkah wơl nùs nhơm tam dră sền tìs di is mờ sền tìs di bơh ală đảng viên dê.

Ồng Nguyễn Thế Dương, Phó Bí thư Đảng ủy, xã Cư Prao, kơnhoàl M’Drak, đơs bè do: Gơnoar broă bơh cau lam bồ chi bộ dê lơh nền êt ngan kung là bơh rlau 50%, tài bơh bí thư geh ai tơlik tơngume tàm dơ\ pơrjum mờ pơlam gùng ai đảng viên in geh tă pơgồp bal jơnau đơs mờ gi\t wa\ geh jơh ală kơnòl broă tàm nhai lài halà ờ den dơ\ pơrjum hơ\ sồng geh kuơ.

Dăk Lăk tu\ do geh rlau 74 rbô 600 nă đảng viên, pơrjum tàm 803 mpồl đảng. Jăt jơnau đơs bơh Mpồl Bơyai lơh Tỉnh ủy dê, tơngume pơrjum bơh uă chi bộ dê tu\ do gam lơh đah bơdìh lơm, ờ duh hồl ngan. Tàm bàr pe chi bộ, broă bơyai lơh pơrjum ờ hềt geh lơh niam, uă chi bộ thôn, [òn, khà đảng viên ờ geh mat tàm dơ\ pơrjum gam uă ( mìng geh pơgăp 87,4% đảng viên tus pơrjum”. Tàm pơrjum, bàr pe nă đảng viên neh ờ go\ đơs dùl jơnau lơi mờ gam lơh srih srài wơl, đơs jơnau ờ geh bơta bơ\t bơtàu bal. Gi\t wa\ mờ bơta chài bơh bàr pe nă kuang bàng tàm chi ủy dê, bí thư chi bộ dê gam ờ hềt pràn jak ngan, kwi kwơ tàm tu\ lơh broă rcăng lài tơngume lài mờ tu\ pơrjum chi ủy kung bè gùng dà đơng lam pơrjum chi bộ…

Jăt ồng Lê Năng Hảo, Phó Kuang atbồ Mpồl bơyai lơh broă Tỉnh ủy Dăk Lăk dê đơs, gơbàn ală jơnau ờ pràn jak pa yal bơh hơđang là tài bơh git wa\ bè jơnau sồr, tơngume pơrjum chi bộ ờ hềt wil tơl, ờ hềt lơh jăt di jơnau sồr. Ồng Lê Năng Hảo, đơs bè do: Dùl bơta ờ pràn ngan mờ bol a` go\ tàm tu\ pơrjum chi bộ hơ\ là cồng nha pơrjum chi bộ, broă rcăng lài tơngume, tus bal tă pơgồp jơnau đơs nàng tơnơ\ lơh geh Kơrnoat gơ pal di mờ bơta geh ngan bơh tơl tiah bơh tơl broă lơh chi bộ dê, den do là broă tờm mờ kuơmàng ngan rlau jơh. Dilah đơs ngan den a` go\ cồng nha ngan ngồn nàng lơh geh jơnau sồr bơh kơnòl broă geh jàu dê den rơ\p pa lơh geh 50% lơm. Bơta tu\ do là pal tơnguh uă cồng nha pơrjum chi bộ.

Broă tơnguh uă cồng nha pơrjum chi bộ, nàng tơngume pơrjum ngan ngồn li la, uă ngan, lơh gơkờ`, gơhòi gơ jà đảng viên tus bal, tơn jơh bơta ờ gơdan, bơta dil, kră kơldang ir, ngan là nùs nhơm lơh pơrlồm đah bơdìh lơm tàm tu\ pơrjum, là dùl jơnau sồr kuơmàng mờ jal mhar ngan tu\ do. Kơnòl broă hơ\, lài jơh là kơnòl bơh chi ủy dê, gơ sồr lài ngan là bí thư chi bộ kơnă hơđơm pal gi\t nền bơta pal jăt mơkung pal ngac ngar bơceh pa tàm tu\ đơng lam bơyai lơh pơrjum. Tỉnh ủy Dăk Lăk neh geh ală gùng dà broă lơh lơi nàng tơrmù mờ tơn jơh bơta geh ngan “ơm mo\ nàng gơ in mhar jơh” tàm pah dơ\ pơrjum chi bộ?

Cau mblàng Lơ Mu K’Yến