VOV4.K’ho – Mpồl kuang bàng bơh Thường trực Tỉnh ủy Dak Lak dê bơh ồng Bùi Văn Cường, Ủy viên Đảng dà lơgar, Bí thư Tỉnh ủy lơh kuang atbồ mpồl neh geh dơ\ lơh broă mờ Sở Xây dựng bè cồng nha lam lơh jat kơ nòl broă nam 2019 mờ gùng dà broă lơh, broă rơndap lơh nam 2020.

Tàm dơ\ lơh broă, Bí thư Tỉnh ủy, ồng Bùi Văn Cường cih dờp ală cồng nha mờ Sở Xây dựng Dak Lak neh lơh geh tàm nam 2019, mơkung sồr tàm nam 2020, Sở Xây dựng pal tơr gùm lơh niam broă lơh rơndap lài ù tiah bơt bơtàu, gơ jat bal mờ bơtàu tơnguh tiah drà mờ phan bơna kỹ thuật tiah drà jat jơnau bơceh lơh hìu đam cèng bơta niam chài krơi is bơh ală kòn cau Tây Nguyên dê; sền gròi bơto bơtê, tơnguh mờng chài lơh broă tus mờ mpồl kuang bàng.

Bal mờ hơ\, ồng Bùi Văn Cường kung tơngkah gah do pal geh ală cơ chế pơn jờng làng bol lơh ală broă lơh bè hìu ơm jat broă rơndap lơh lài; pơn jat tai lơh niam broă lơh lơh niam sră nggal lơh broă dà lơgar; chồl pràn broă pơ gồp bal đah ală sở, gah broă lơh mờ ai geh bơta dong kờl bơh dà lơgar dê nàng lơh ngan lơh gơs ală khà ai tơlik, jơnau kờ`, kơnòl broă bơh gah do dê.

Cau mblàng K’Duẩn