VOV4.K’ho – Drim òr (22/8), càr Dak Lak neh bơyai lơh Pơrjum sền wơl broă lơh rơcang sơndră trồ tiah lơh aniai mờ jòi dong kờl rềs àr 8 nhai bồ nam 2019 mờ lam lơh kơnòl broă ală nhai gam wơl bơh nam 2019 dê. Bơh bồ nam tus tu\ do, tàm càr Dak Lak neh gơlik geh 8 dơ\ càl pồt pràn, kơnàs còng, 1 dơ\ trồ prang dờng soat dà mờ dơ\ mìu dà ko\ dà cò bồ nhai 8 pa do neh lơh gơbàn hoàc huơr kơnjơ\ kơnjut ngan bè kòn bơnus mờ phan bơna. Kờp jơh hoàc huơr pơgap 834 tơmàn priă.

Mpồl ling mờ ơruh pơnu lơh broă dong kờl is dong làng bol kơnhoàl Ea Sup bơsong jơnau gơ lời wơl tơnơ\ mìu dà tih lơh aniai

Tềng đap mat, UBND càr Dak Lak neh tam pà mờr 30 tơmàn priă nàng bơsong jơnau gơ lời wơl bơh trồ tiah lơh aniai, mơkung sồr mpồl ling, mpồl kuang àng mờ gal ngan ơruh pơnu lơh broă dong kờl is dong làng bol gàr bè ờs wơl rài kis, broă lơh sa. Pơrjum neh tơr gùm cribơyai bè 2, 3 bơta gam ờ niam tàm broă rơcang sơndră trồ tiah lơh aniai, jòi dong kờl rềs àr, ai tơlik ală mờng chài ai geh tàm broă rơcang sơndră trồ tiah lơh aniai tàm càr.

Cau mblàng K’Duẩn