VOV4.K’ho- Ngai 2/10, Ủy ban Nhân dân càr Dăk Lăk bơyai lơh dơ\ pơrjum ờs mờng nhai 9. Jăt jơnau yal tàm dơ\ pơrjum, sơrlèt gan uă kal ke bè trồ tiah lơh aniai, kòp bơtờp tàm phan ròng, priă tăc uă bơta phan lơh geh bơh sươn sre gơmù uă ngan…jơh ală broă jàu bè lơh sa- mpồl bơtiàn bơh càr Dăk Lăk dê geh khà gơguh uă rlau pơndrờm bal dùl tu\ mờ nam lài.

Kuơmàng là tă dia dà lơgar dê, tus tơngai do neh geh rlau 4.900 tơmàn, lơh geh mờr 79% broă rơndăp lơh nam; hòi jà tă pơgồp priă geh pơgăp 45 rbô 600 tơmàn, ndrờm mờ rlau 92% broă rơndăp lơh nam. Kờp bal, khà gơguh lơh sa 9 nhai bơh càr dê neh gơguh 7,13% mờ digơlan gơguh rlau 11% tàm lồi nam do. Do kung là khà gơguh lơh sa uă ngan rlau jơh bơh lài tus tu\ do bơh Dăk Lăk dê tàm pơgăp 20 nam do.

Jăt Chủ tịch Ủy ban Nhân dân càr Dăk Lăk yal, 3 nhai lồi nam 2019 là tơngai ală sở, ban, ngành mờ ală tiah pal tơrjùm jơh nùs jơh pràn nàng bơsong ală bơta gam gơkòl tàm tu\ lơh jăt ală kơnòl broă chính trị bơh nam dê, gàr khà gơguh lơh sa mơkung rcăng ai pơrjum dờng đảng bộ ală kấp, wèt tus pơrjum dờng dơ\ 13 bơh Đảng dê, jăt jơnau cih tàm Chỉ thị bơh Bộ Chính trị dê.

Cau mblàng Lơ Mu K’Yến