VOV4.K’ho- Mờ kơ\p kờ` cèng dơ\ sa tềp Trung thu hờm ram, wil tơl chờ hờp tus mờ kơnòm dềt r[ah, kơnòm dềt geh rài kis kal ke, ală ngai do, uă mpồl, mpồl lơh broă, câu lạc bộ, đội, mpồl tàm càr Dak Lak gam bơyai lơh broă lơh chờ sa tềp Trung thu, lời pà ală phan pà kuơ màng tus mờ ală kơnòm dềt r[ah, geh rài kis kal ke, kơnòm dềt kue\t kơlte in … mờ kơ\p kờ` Trung thu ngan ngồn là ngai chờ kơnòm dềt in.

Bơh jơh poh do, bulah mho jơla, tàm hìu pơrjum Ủy ban nhân dân sơnah [òn Thống Nhát, [òn dờng Buôn Ma Thuột, càr Dak Lak kung gam hô hâng, ngồr chờ bơh săp nhơl `o\, jơnau bơh bơr  bơh ală rlau 30 nă đoàn viên ơruh pơnu đoàn sơnah [òn mờ ală mpồl cau dê. Cau den lơh pơgap bi Hằng, cau dờp lơh wa Cuội, cau ndai den lơh ồng địa, jơh ală cau do gam lơh ngan lơh gơs jơnau lơh lèo “ Wa Cuội guh hơ đang àng nhai” ai mang Trung thu in.

Bi Hoàng Thị Minh Hiền, Bí Thư Đoàn sơnah [òn Thống Nhất, [òn dờng Buôn Ma Thuột pà g^t, ờ mìng bơyai lơh niam mang Trung thu ai ală sau tàm sơnah [òn in lơm gời mờ đoàn sơnah [òn gam pơgồp bal mờ ală mpồl cau sền gròi tus kơnòm tiah kal ke nàng pơgồp bơnah ờ lơh tam cah ngài đah kơnòm dềt tiah drà mờ tiah [òn lơgar, nàng ală oh in geh kàl Trung thu chờ hờp.

Đoàn sơnah [òn pơgồp bal mờ Ủy ban nhân dân sơnah [òn mờ mpồl cau ùr bơyai lơh chờ Trung thu ai ală sau tàm sơnah [òn in, digơlan là bơh 1 rơbô 100 tus 1 rơbô 200 nă sau, tàm Đình Lạc Giao. Tu\ do, gam lơh đèng gu\, hòi mpồl tam ya đang grài, tàp đơs crih tam ya… Tàm broă lơh geh ală jơnau ràng tơlik đơs crih tam ya, ràng tơlik phan soh, tam ya đang grài, tam ya sạp, dơ\ chờ gùng drà mờ pà phan ai ală sau in. Bơdìh hơ\, Đoàn gam pà 200 bơnah phan ai ală kơnòm dềt geh rài kis kal ke tàm 7 [òn, 1 thôn tàm xã Ea Kao in.

Ơruh pơnu tàm mpồl Gùng lòt pơr hê Dak Lak gam lơh đèng gu\ nàng pà ală kơnòm dềt in 

Ai gơ mut mờ mpồl Gùng lòt Pơr hê tàm Dak Lak, neh gơlơh bè bơta mờng, pah dơ\ tus dơ\ sa tềp Trung thu tus, ală gơ\p bơyô ờ ru ngan rcang broă lơh “ Trung thu ai oh in” tàm khoa nhi Hìu sơnơm dờng càr Dak Lak ( tu\ do là hìu sơnơm dờng tiah Tây Nguyên)  mờ geh tai 1 anih tàm ală tiah kal ke, tiah sar lơgar ngài bơh càr dê.

Tàm ală tiah gam uă ngan kal ke, nam do ală bơyô rơ wah thôn 4A mờ 4B xã Cư Mốt, kơnhoàl Ea Hleo, ngài mờ tiah tờm [òn dờng Buôn Ma Thuột pơgap rlau 130 kơi sồ, nàng bơyai lơh Trung thu. Tiah do, 100% là làng bol kòn cau mờ 50% là hìu bơnhă r[ah, uă ngan là hìu bơnhă geh mè bèp lòt lơh sa tàm tiah ngài, ală kơnòm dềt ơm tàm hìu mờ ồng mò den Trung thu sơlơ geh ală kơnòm dềt tàm [òn kơp\ gơn ngan.

Nàng geh priă jền bơyai lơh, bi Hoàng Minh Trung, cau lơh broă tàm mpồl Gùng lòt Pơr hê Dak Lak pà g^t, bơh 2 nhai lài, ală ơruh pơnu tàm mpồl neh hòi jà, tă pơgồp, lơh kes priă mờ broă lơh handmade, cih akhar thư pháp, tăc sră ba\o halà tus tàm ală anih `ô sa dan lòng bìer … tơl priă tăc geh ală bơyô cèng tă pơgồp bal nàng tus ngai do geh priă blơi [a` Trung thu, sră cih, phan lơh đèng gu\ nàng pà 200 nă kơnòm dềt tàm thôn 4A mờ 4B xã Cư Mốt, kơnhoàl Ea Hleo mờ 500 bơnah phan pà kơnòm dềt khoa Nhi Hìu sơnơm tiah Tây Nguyên in tàm dơ\ Trung thu do. Bulah kal ke mơya tơl nă ơruh pơnu tàm mpồl Gùng lòt pơr hê gơlơh chờ hờp ngan.  

Tu\ ală bol oh lòt lơh bè hơ\ den bol oh sền go\  kuơ  màng ngan mờ dà kơl hề mờ he neh ai, mờ broă lơh dờ` 1 nơm lòng bìer halà tăc geh 1 pang sră ba\o, lơh 1 nơm đèng gu\ ală oh tăc geh mờ dờp geh bơta kuơ bơh să tờm he dê den phan pà hơ\ ală oh pà wơl ală kơnòm dềt in. Bơh ală broă lơh hơ\, ală bơyô jòi geh wơl rài kơnòm dềt bơh he dê mờ tam pà bal broă lơh hơ\ ai jơh tơl nă cau in, den tàng ală bơyô chờ hờp ngan tàm broă lơh bơh he dê.

Uă ngan ală broă lơh ngan ngồn, geh kuơ geh ală kấp, gah sơnah lơh broă mờ mpồl bơtìan tàm Dak Lak “sơm bat tê bal, tă pơgồp dà kơl hề” dong kờl kơnòm dềt r[ah, ală kơnòm geh rài kis ờ bơtoah mờ kơ\p kờ` kơnòm dềt dờp geh bơta chờ hờp wil tơl Trung thu tàm nùs nhơm chờ hờp, chờ hờn mờ ram mhu\. Bơta dong kờl, kờ` gơboh hơ\ geh là bơta kơ\p gơ` nàng ơruh pơnu pa tàu, kơnòm dềt, kuơ màng là kơnòm dềt geh rài kis kal ke, ơm kis tàm tiah sar lơgar ngài lơh ngan brồ guh tàm broă bơsram sră, lơh ngan gơ gơs là cau geh kuơ tàm mpồl bơtìan.

Cau mblàng K’ Hạnh